Hmar Inpui 8th General Assembly tan
CCPUR: Ni 2 sung aw ding Hmar Inpui 8th General Assembly chu Feb. 12, 2016, 10:30AM khan VTI, Rengkai Muolhlum, CCPurah tan a nih. Assembly rorelna tan hma hin Hnam puonzar keipharna nei a ni a, hi zo hin VTI Auditoriumah Assembly Rorelna tan a nih. Feb. 13, 2016 hin Hmar Inpui thuoitu thar ding thlangna (Election) um a tih.
Assembly hi Rev. Dr Lalhmuoklien in tawngtainain a hawng a, hi zo hin Hmar Inpui Assembly Speaker Dr Vanlalnghak chun Assembly palai hai lawmlutna a nei a, hi zo hin Hmar Inpui President Dr John Pulamte chun in thu hrilna (Presidential address) a nei a, President in thuhrilna a nei zo hin hriltlang/rel ding (agenda) pekluta um hai hriltlang le rel a nih.
Zanita Hmar Inpui Assembly in resolution an passed hai chu
1. Hmar Inpui Inawp Dan (Constitution) Article 8 (clause4) in a hril angin Hmar hnam pum huopa Pawl, Hmar Inpui hnuoia inkhai ding hai hriltlang a ni a, Hmar hnam sunga Organisation hieng HYA, HSA, HWA, HAA, HLS han palai 5 ( vote 5) seng la nei hai sien ti a nih.
2. Hmar Inpui Region the dan siemthat ni raw seh ti thua chun Hmar Inpui Region the dan hi state tinah dingin tha ti a nih.
3. Sikpui Ruoi hi kum tina hmang a ni theina dingin a ni le thla felfai tak Inpui in ruot fel sien tha ti a nih.
4. Hmar Martyr’s Day hi kum tina organise (huoihawttu) ding Inpui in ruot sien tha ti a ni a, zanita Agenda la hriltlang zo lo hai chu vawisun hin sunzawm ning a tih.
Meghalaya, Mizoram, Vangai& Jiribam, Hmarbiel, Imphal, Tuithaphai; Tripura haia inthawk palai thahnemtawk tak an thang bakah HYA, HSA, HWA, HLS, HAA, HNU Manipur, HCLF le Art& Culture a inthawk assembly palai hai an thang tawl a, Guwahati, Delhi, Barak Valley le NC Hills haia inthawk palai hai chu zanikhan an hung tlung tawl.
President Dr John Pulamte in thu a hrilnaah, Hmar Inpui thuoitu term khat a chel sungin Region le ei bubitna hmun hai a sir suok phuor thu; NC Hills tieng a pawlpuia hnam hmakhuo ngaina a lan sang deua a hmu thu; Capital Cities a um haiin sawrkar hmunpui an nina changchawiin Hmara hnam pumpui rolerang zuk rel khum el tumna lungril an nei deu nia a hmu thu, Tuithaphai lai hmam ta dinga pensuokna tiengpang tlahnuoia a hriet thu; Biel tinah Pathien ram nekin ‘kohran ram’ ngaisang le chawisang tumna lungril lien lema a hmu thu; hnam ta dinga thaw neka a hrila hril inhawiti tam lema a hmu thu; Tuithaphai le Imphal biela Assembly palai nei thei ding khuo chu Hmar Welfare Fund pe an ni ding ti a ni anga dawl dinga hma lak tan a ni laiin buoina lien dangin a mi hung nang leia sunzawm mumal thei lova um a ni thu, Hmarram, Vangai le Manipur puotieng a Hmar Inpui region dang haiah Hmar Welfare Fund dawlna sin la tan lo a ni thu hrilin 8th Hmar Inpui Assembly palai hai kuoma chona (challenge) a pek nuom chu, Hnam thuoitu tu el khawma ‘Pan Hmar Feeling’ neia, mani region/biel le state issue le problem in a mi daidanna hmukhela Hmar hnam pumpui hmakhuo le hmasuon ngaituo seng; Hmar Inpui hi Hnam Organisation pakhat chau ni lova Hmar Parliament a ni theina dinga Parliament le State Assembly session a um hlak anga kum tin Hmar Inpui Assembly nei le state le region hai thanga a karlaka Executive council nei hlak nisien a nuom thu a hril bawk.
Hi huna hin Hmar Inpui Gen. Secretary Pu David Buhril chun term sunga Hmar Inpui hmalakna le sin thaw hai kimchang takin report a pek bawk.
AAO in a kaisang
CCPUR: Pu Lalhmuok Famhoite of Rengkai Edenthar chu Assistant Agriculture Officer (AAO) in a kaisang, a kaisangna hi ei chanchinbu chun a lawmpui hle.
Innei Golden Jubilee lawmna
CCPUR: Feb. 15, 2016, 11AM khin Rev. C.C. Rema In, Lower Kanaan, Sielmat ah Rev. C.C. Rema le Mrs Lalrovel innei kum 50 tlingna (Golden Jubilee) lawmna nei ning a tih. A ngainatuhai chu thang seng dingin an fiel. Hi huna hin thingpui dawn tlangna um a tih.
Bandh Feb. 13 zanril chena dingin bandh an keisei
CCPUR: February 13, 2016 nia Tribal Martyrs hai ruong vui dinga puong a ni ditnaw pawl Pawl tum tum han Feb. 11, 2016 zanrila inthawk Feb. 12, 2016 zanril chena dinga darkar 24 sung CCPur khawpui sunga bandh/total shutdown an thaw chu Feb. 13, 2016 zanril chena dingin an keisei niin zanita thusuok an siema chun an zieklang. Vawisun hin hrat le khau lema bandh an thaw ding thu an hril bawk.
Bandh thawtu hai hi Lamkaa Facebook, Whatspp Group, Student Movement, ATML hai an ni a, volunteers hai hmun tum tumah an duty. Hi bandh thaw ding lei hin Imphala inthawk Security iemanizat an hung lut sa a, bandh leia buoina suok hriet ding a um nawh. Imphala inthawk security hung hai hi Bus 3 a hung chuong an ni a, volunteers han Sielmat le Tiddim Road junction lai sukchawlin saktienga an lut phal lovin an dang.
Bandh volunteers hai hin Police station tuol le hmun danga khawm motor ke (tyre) an raw a, Longlive ‘Tribal Unity’; Manipur govt.‘Down down’ ti le ei thil ngen hmu hma chun Martyrs hai ruong vui lo ding tiin an khat tawkin volunteers hai hi an khek bawk.
CCPur khawpui sung takah bandh hi hrat hle sienkhawm Tuibuong areaa chun dawr le bazaar hai a tamlem hawng an ni a, Imphal chena tlan Bus hai khawm Tuibuong bazarah an indaw tawl.
Exam Centre dinghai sukfel
CCPUR: Council of Higher Secondary Education, Manipur hnuoia Higher Secondary Examination (Class XII), 2016 a Exam Centre dinghai sukfel a ni tah. Council Centres 26 le Private centres 42 siem a nih. CCPur District a chun Exam Centre 3 ruot a nih. Chuonghai chu, Don Bosco Hr. Sec. School (CCPur Pvt. Centre A); Rayburn College (CCPur Private CentreB) le Rengkai Govt. Hr. Secondary School (CCPur Private CentreC) hai an nih.
Don Bosco Hr. Sec. School a hin Arts Roll No. 1687 2024&6652; Scienceah Roll No. 1657716949&26935; Commerce ah Roll No. 272027219 inthung an tih. Rayburn Collegeah Arts Roll No. 20252552, Scienceah Roll No. 1695017084&26936; Commerce Roll No. 2722027244 inthung an tih. Rengkai Govt. Hr. Sec. School Centreah Arts Roll No. 25532994&6653&3109 le Scienceah Roll No. 1708517420, 26937 & 26938 inthung an tih.
Official a Zomi Namni hmang lo ding
CCPUR: Manipur Assembly Bills 3 hai leia buoina leiin tukum Feb. 20, 2016 khin official takin Zomi Namni hmang lo ding; State dang le town area dang haia chun a remchang anga hmang thei dingin Zomi Council in an rel. Hi dungzui hin Feb. 20, 2016, 7:00AM khin Zomi Council Office, ZC Colony, New Lamkaah 67th Zomi National Day Flag hoisting programme um a ta, hi huna hin B. Dongzalian Simte, Chairman, ZC in flag keipharna le thuhrina hun hmang a ta, Rev. Khen P. Tombing, Chief CoOrdinator, PCI(R) inrawinain thuoitu hmasa hai inzana le sunna hun hmang ning a tih.
Ni 3 sung aw ding Destination North East2016 Union DoNER minister in a hawng
NEW DELHI: Zanikhan Pragati Maidan, New Delhiah Union Minister of state (Independent Charge) Dr Jitendra Singh in ni 3 sung aw ding “Destination North East2016” a hawng. Hi Kut hi Ministry of Development of North Eastern Region (DoNER) le Union Ministry of Culture hai huoihawtna a nei a nih. Hi huna hin Exhibition store tam tak hawng a ni a, India hmarsak biel thawsuok le themthiem thil chi tum tum hai pholang a nih. Hieng Exhibition store hai hi zan hna hawng hlak ning tih. Hi huna hin Union Minister of State for Home Affairs Kiren Rijiju le Meghalaya CM Dr Mukul Sangma hai khawm an thang.
Hiengang North East Festival hi Mumbai le Bangalore haia khawm huoihawt a ni ding thu, DelhiDimapur direct flight chu India hmarsak biel ta dinga hmasawnna ropui tak intluntu a ni thu, PM Narendra Modi chun India hmarsak biel hi sukhmasawn a nuom takzet a, chuleiin kawng tum tumah India hmarsak biel sukhmasawn le state danghai le awlsam lema an infepaw theina ding lampui ngaituo ning a ta, Academic institutionhai dawmsang le quality education pek ning an tih tiin Dr Jitendra Singh in hi huna thu a hrilna huna a hrillang.
Hmasawnna hi a hmun hlat le kilkhawr thuah an nghat naw a, a ram mipuihai inhnikna le taimaknaa innghat a nih tiin Kiren Rijiju in thu a hrilna huna a hril. Meghalaya CM Dr Mukul Sangma chun, NE biel fak le dawn suk hmasawnna dinga ruo (bambo) in sin tam takel a thaw thu a hrillang.
AR huoihawtnain medical camp
IMPHAL: HQ IGAR (South) huoihawtna hnuoiah 12th Bihar of HQ 9 Sector Assam Rifles chun zanikhan MeitiPhurup Children Home, Takyelpat, Imphal West Districtah Free Medical Camp an huoihawt a, hi Home a um naufahra 75 hai hriselna enin, an tul le mamaw damdawi chi tum tum a thlawnin an pek.
Manipur nunghak a 9nain
IMPHAL: Union Public Service Commission (UPSC) hnuoia Indian Forest Service (IFS) Examination, 2015 final result puonglang a nita a, Manipur nunghak Khumanthem Diana Devi of Singjamei Top Thongam Leikai chu Indai ram pumpuiah a pakuona a nih. Ms. Diana hi Mr Kh. Chandramani, Director, MPTC & Manipur Fire Services naunu a nih. BSEM hnuoia HSLC Examination, 2007 a khan topper le Delhi University hnuoia B.Sc. Examination, 2012 (Physics) a khawm topper a nih.
Puon thuina khawl an sem
IMPHAL: Zanikhan Military Civic Action Project hnuoiah HQ IGAR (South) enkawlna a um 13 Assam Rifles of 9 Sector Assam Rifles chun Tamenglong mipuihai kuomah a thlawnin Puonthuina khawl an sem. Tamenglong mipuihai chun Assam Rifles hai kuoma an lawmthu an hril.
Action na tak lak ning a tih
NEW DELHI: Feb. 9, 2016 khan Jawaharlal Nehru University (JNU) Delhi ah student thenkhatin Parliament beitu Afzal Guru khai hluma a um dodalna an nei. HI thil thawtuhai chunga hin action na taka lak ning a tih tiin Union Home Minister Rajnath Singh chun a hril. Hi thil hi India ram le sawrkar eltam khumna le hmusitna a ni leiin India ram le sawrakr chun a ngaimaw hle a, tosan mei mei naw nih tiin Union Human Resources Development minister Smriti Irani chun a hril. Hi thil tlung hi zanikhan BJP’s student Wing Akhil Bharatiya Vidyarthi Parishad (ABUP) chun dodalna nasa takin an nei.
Centre in NEah Food Processing Industry
KOHIMA: Union Minister of State for Food Processing Sadhvi Niranjan Jyoti chun, sawrkar thlungpuiin North Eastah Food Processing Industries indin a nuom tiin zanikhan a hril. NE a hin lo hmasuok (agriculture products) a thahnem leiin hiengang tiengpang industry hi a hlawtling ngei beisei a nih tiin Jyoti chun a hril bawk. Food Processing Industries indinna dinga hin tuolsung mi han sin an hmu theina dingin a tuol sunga hmangruo le tehnologies hai hmang ning a ta, mipui khawsakna nasa takin a hung dawmsang pha ding a nih tiin a hril bawk.
Court hmaah an inlang tul lo
NEW DELHI: National Herald Case a AICC President Sonia GAndhi le AICC Vice President, Rahul Gandhi hai chu an taksa Court hmaah an inlang kher ngai naw nih tiin zanikhan Supreme Court in a rel. Sonia Gandhi in hi case suktawp ta dinga a ngenna ruok chu Supreme Court in a hniel a, indik le thienghlim taka rorelna a um a tha tiin a hril.
CPI(M) leader P. Jayarajan Court hmaah an pe
THALASSERY: Keralaa Kannur district CPI(M) Secretary P. Jayarajan chu September 1, 2014a Kathiroor, Kannur districta BJP hotu Manoj sat hlum a nina thua inrawlna nei vea intum a ni leiin zanikhan session Court hmaah an pe. Jayarajan hi Ambulance a chuongin zani 11AM khan Court hmaa inpe a ni a, Court chun thla khat sung Judicial Custody (Jail) a um phawt dingin a rel. A lawyer chun, a hriselna thatnaw leia hospitala um dingin a ngen a, sienkhawm Court chun hnawlin, a tul le pawimaw angin Jail Superintendent in a hung bawzui ding thu a hril. Manoj kha CPI(M) workers hawn khatin an that a nih.
Nupui pakhat lockup ah an khai hlum
AIZAWL: Feb. 11, 2016 zingkar khan Champhai district, Mizoram huop sunga Khawzawl Police station sungah nupui pakhat, kum 55 mi chu blanket hmanga inkhaihlum saa hmu a nih. Hi nupui hi Feb. 10, 2016 zana Heroin grams 14 le Police han an man, Khawzawl Police station Lockup a khum a nih.
Rajasthanah Swine Flu leiin mi 27 an thi tah
JAIPUR: Rajasthan a chun Swine Flu leiin mi pahni an thi belsa nawk leiin tukum January thlaa inthawk tuchena hin Rajasthan statea Swine Flu leia thi chu mi 27 an tling ta niin state Health Department official thusuok chun a hril. Swine Flu leia thi 12 hai chu Jaipur hmuna thi an ni a, Ajmerah 4, Churuah pahni le a dang po khawpui dang danga thi an nih. Swine Flu ringhla damnaw mi 1088 hai thisen sample laa enfel a ni hunah 131 hai chu positive an nih ti hmusuok an nih.
India le UAE in agreements 4 an ziek
NEW DELHI: India rama ni 3 sung cham dinga hung inzin Abu Dhabi Crown Prince Sheikh Mohamed Bin Zayed Al Nahyan le PM Narendra Modi hai chun zani hmasa khan inbiekna an nei zo hnungin an ram pahni hai kawng tum tuma thawtlangna ding agreements 4 an ziek. Agreements an ziek hai lai hin internet hmang suol dona, hmasawnna rurel siemna kawnga inthangpui tawn, sum le paia inthangpui tawn ding ti hai a thang.
Crown Prince Zahed Al Nahyan hin zanikhan Bombay Stock Exchange a va sir hnungin zani zantieng khan India suoksanin an ram a pan nawk tah.
Cabinet Secretary(Security) dingin Kumar Sinha
NEW DELHI: Appointments Committee, Cabinet chun Special Director IB, Malay Kumar Sinha, IPS chu Cabinet Secretariata Secretary (Security) dingin zanikhan a ruot. Malay Kumar Sinha hi 1981 batch IPS Officer, Uttar Pradesh Cadre a nih. Hi baka hin ACC chun Mr Girish Shankara chu Secretary, Department of Heavy Industry, Ministry of Industries and Public Enterprises dingin a ruot bawk.
Kum 2030 chenah Malaria sukbo a tum
NEW DELHI: New Delhi hmuna National Framework for Malaria Elimination zani hmasaa nei huna Union Health Minister J.P. Nadda in thu a hrilnaah, sawrkar thlungpui chun kum 2030 chenah khin India ram pumpuiah Malaria natna sukbo vawng a tum tiin a hril. Hi thil sukpuitling a hung ni ngei theina dingin sawrkar thlungpui chun theitawp suong a tih. Asia khawmuolpui simsak tienga Malaria invawi hmusuok hai laia zaah 70% chu India rama hmusuok an ni a, Malaria leia thi zaah 60 pei chu India rama thi an nih tiin Mr Nadda chun a hril. Sri Lanka a chun thangkhat vel liemtaa inthawk khan Malaria leia thi an um tanaw bakah Nepal a khawm kum 2012 a inthawk khan Malaria leia thi an um tanaw a nih.
Mexico jaila inbeituonaah mi 49 an thi
MEXICO CITY: Mexico hmatiengpanga Neuvo Lean Statea Monterrey bul laia Toppo Chico Jail chun, intang pawl pahni hai kara inbeituona tlung leiin mi 49 an thi bakah midang 12 in hliemna an tuok. Intang pawl hni hai hi hriemhrei le hmawl hai hmanga inbeituo an nih tiin official thusuok chun a hril a, hi thil tlung leia jaila inthawka tlansuok an umnaw thu an h ril bawk.
VAWISUN THUPUI
Thilthawtheina dam, insangna dam, inthukna dam, thilsiem dang hrim hrim khawmin ei Lalpa Krista Isua um Pathien hmangainaa inthawk chun mi the naw ni. Rom 8:39
Editorial
Duthusam ringawt ngekin thaw uor ding
Duthusam hang hril vel hi chu an hawiin a hlimum nuom khawp el. Ei duthusam hi a tak ram hungtlung tak tak sienla chu tupa tawng an takah ‘vanram tla fuol’ a ni ringawt ding a nih. Nisienlakhawm duthusam ringawt hin chu a tak ram a min tlun ngai naw a nih. Hi lei hin duthusam ringawt nekin a thaw a thaw hi ei uor a tul a nih. Sin ei thaw uor a, lekha tiem ei uor a, mani fak zawngna le sin sengah ei taima a, ei thaw tam le ei thaw uor po leh a hlawk le a ra tha ei intel rawn el ding a nih.
Khawvela hin intlansiekna an sang pei a, nitin khawsakna mamaw hlak an sang pei bawk a, dit a pui a tamin, mamaw a pung tuol tuol bawk si, pawisa thangnaw chun chet hlei thei a ni tanaw deu tak. Hi lei hin duthusam el nekin thaw uor a tul bek bek el a nih. Mihriem khawsakna a changkang tiel tiel a, ei thil neihai khawm a changkang ta pei a nih. Mihai nei ang nei ei nuom a, mi nauhai nei ang ang ei nau han nei ve hai sienla ei nuompui bawk. Ei chantawk sengah hin lungawi an tak a, ei lungawi bawk si nawh. Khawvela hin mani chantawka lungawi um an tim maw!
Ei khai! mani seng in en chieng ei tiu. Sin hi ei taima tawk naw a, ei thaw tam naw leiin ei mamaw tawk hi ei thawsuok zonaw niin an lang. Mani le mani intodel dingin ei inhril a, sienkhawm midanghai thaw ding le zui dingin ei hril mei mei mani ding aw ti theiin a um. Hi lei hin mihai thawsuok sa le nei sa ngen le hni inthlahrung der si lo hi ei tamin ei pung deu deu niin an lang. Chun, thenum khawveng hai thil thaw sa sawisel ching em em si, mani’n thaw pei si lo, hrilfie tum bawk si lo hai hi mi entan tlak lo takhai laia mi an nih. Chuleiin, to tawkin taima tak le ringum takin thaw inla, hril h ril ngai lovin mihai inza kai le entawn tlak ei hung ni ding a nih. Hril tam nekin thaw tamin umzie a nei lem hlak.
Inchei tieng uor hle si, insil fai taima si lo, inchei taluo leia lawn indik hlei thei lo, lengna hmun taphawta darthlalanga inen zie, Biekin a zakuo ring lien le zakuo inphan tak el hak nuom tlat mi, thil thaw ni khoua thang pei vieu, mihai inpak nghak zo lova, mani chanchin hril zut zut ching, Pathien thu a ni leh hril pur pur thei vieu si, khawlaia mi intuokpui taphawt chieng fahrana en ching le ngha zuk zuk ching, lampuia mihai lam inkien tha nuom mang lo, mi pawi hril chak ni awm taka sut thawi thuok ching, neka upa hai hniel le dawn puot puot mihai hi hang bel chieng chie inla ieng taluo ni lo, sunghai thawsuok saa inti milien an lo ni chawk hlak.
Mi tha le mi fel hai chu sunghai thawsuok sain an insuk milien ngai nawh. Taima tak le thahnemngai taka sin thaw hlakhai chu mi puitling le uong an um ngai nawh. Nisienlakhawm mihai inpak hlaw leia insuk fel tum taluo amani, hming that tum taluo leia khawsak thiem lo an um hlak. Hi thila ruok hin chu fimkhur a ngai, mi han mi nuisaw pal rawi an tih. Mani thaw suok sa le thiem khan kawngro a sut lem hlak.
Khawvela hin mani chantawka lungawi thiem mihai hi mi vangnei an nih. Dawkan chunga Pen hmawr hmanga a singtel le a nuoitel ziek suokna hin hlimna le lawmna tak tak an tlun ngai nawh. Indiklo taka thil ei thaw chun ei hmabak ding chu khaw inthim mup ang ela hmel ditum lo le hlimumlo a hung ni ding a nih. Ei ngaituo sawl rak a, a tawpah lungawina hrim hrim nei lovin hun beidawngnaah ei lut nawk hlak. Chu nek chun taima taka thaw tam taphawt le rinum tuor nasa taphawt hin mihriem nunah hlimna le lawmna, mani chantawkah lungawina tak tak an nei hlak. Taimak le thaw tam hi mani chau lawmna ni lovin, sunghai lawmna le chawimawina a hung intlun hlak.
CCPUR: Ni 2 sung aw ding Hmar Inpui 8th General Assembly chu Feb. 12, 2016, 10:30AM khan VTI, Rengkai Muolhlum, CCPurah tan a nih. Assembly rorelna tan hma hin Hnam puonzar keipharna nei a ni a, hi zo hin VTI Auditoriumah Assembly Rorelna tan a nih. Feb. 13, 2016 hin Hmar Inpui thuoitu thar ding thlangna (Election) um a tih.
Assembly hi Rev. Dr Lalhmuoklien in tawngtainain a hawng a, hi zo hin Hmar Inpui Assembly Speaker Dr Vanlalnghak chun Assembly palai hai lawmlutna a nei a, hi zo hin Hmar Inpui President Dr John Pulamte chun in thu hrilna (Presidential address) a nei a, President in thuhrilna a nei zo hin hriltlang/rel ding (agenda) pekluta um hai hriltlang le rel a nih.
Zanita Hmar Inpui Assembly in resolution an passed hai chu
1. Hmar Inpui Inawp Dan (Constitution) Article 8 (clause4) in a hril angin Hmar hnam pum huopa Pawl, Hmar Inpui hnuoia inkhai ding hai hriltlang a ni a, Hmar hnam sunga Organisation hieng HYA, HSA, HWA, HAA, HLS han palai 5 ( vote 5) seng la nei hai sien ti a nih.
2. Hmar Inpui Region the dan siemthat ni raw seh ti thua chun Hmar Inpui Region the dan hi state tinah dingin tha ti a nih.
3. Sikpui Ruoi hi kum tina hmang a ni theina dingin a ni le thla felfai tak Inpui in ruot fel sien tha ti a nih.
4. Hmar Martyr’s Day hi kum tina organise (huoihawttu) ding Inpui in ruot sien tha ti a ni a, zanita Agenda la hriltlang zo lo hai chu vawisun hin sunzawm ning a tih.
Meghalaya, Mizoram, Vangai& Jiribam, Hmarbiel, Imphal, Tuithaphai; Tripura haia inthawk palai thahnemtawk tak an thang bakah HYA, HSA, HWA, HLS, HAA, HNU Manipur, HCLF le Art& Culture a inthawk assembly palai hai an thang tawl a, Guwahati, Delhi, Barak Valley le NC Hills haia inthawk palai hai chu zanikhan an hung tlung tawl.
President Dr John Pulamte in thu a hrilnaah, Hmar Inpui thuoitu term khat a chel sungin Region le ei bubitna hmun hai a sir suok phuor thu; NC Hills tieng a pawlpuia hnam hmakhuo ngaina a lan sang deua a hmu thu; Capital Cities a um haiin sawrkar hmunpui an nina changchawiin Hmara hnam pumpui rolerang zuk rel khum el tumna lungril an nei deu nia a hmu thu, Tuithaphai lai hmam ta dinga pensuokna tiengpang tlahnuoia a hriet thu; Biel tinah Pathien ram nekin ‘kohran ram’ ngaisang le chawisang tumna lungril lien lema a hmu thu; hnam ta dinga thaw neka a hrila hril inhawiti tam lema a hmu thu; Tuithaphai le Imphal biela Assembly palai nei thei ding khuo chu Hmar Welfare Fund pe an ni ding ti a ni anga dawl dinga hma lak tan a ni laiin buoina lien dangin a mi hung nang leia sunzawm mumal thei lova um a ni thu, Hmarram, Vangai le Manipur puotieng a Hmar Inpui region dang haiah Hmar Welfare Fund dawlna sin la tan lo a ni thu hrilin 8th Hmar Inpui Assembly palai hai kuoma chona (challenge) a pek nuom chu, Hnam thuoitu tu el khawma ‘Pan Hmar Feeling’ neia, mani region/biel le state issue le problem in a mi daidanna hmukhela Hmar hnam pumpui hmakhuo le hmasuon ngaituo seng; Hmar Inpui hi Hnam Organisation pakhat chau ni lova Hmar Parliament a ni theina dinga Parliament le State Assembly session a um hlak anga kum tin Hmar Inpui Assembly nei le state le region hai thanga a karlaka Executive council nei hlak nisien a nuom thu a hril bawk.
Hi huna hin Hmar Inpui Gen. Secretary Pu David Buhril chun term sunga Hmar Inpui hmalakna le sin thaw hai kimchang takin report a pek bawk.
AAO in a kaisang
CCPUR: Pu Lalhmuok Famhoite of Rengkai Edenthar chu Assistant Agriculture Officer (AAO) in a kaisang, a kaisangna hi ei chanchinbu chun a lawmpui hle.
Innei Golden Jubilee lawmna
CCPUR: Feb. 15, 2016, 11AM khin Rev. C.C. Rema In, Lower Kanaan, Sielmat ah Rev. C.C. Rema le Mrs Lalrovel innei kum 50 tlingna (Golden Jubilee) lawmna nei ning a tih. A ngainatuhai chu thang seng dingin an fiel. Hi huna hin thingpui dawn tlangna um a tih.
Bandh Feb. 13 zanril chena dingin bandh an keisei
CCPUR: February 13, 2016 nia Tribal Martyrs hai ruong vui dinga puong a ni ditnaw pawl Pawl tum tum han Feb. 11, 2016 zanrila inthawk Feb. 12, 2016 zanril chena dinga darkar 24 sung CCPur khawpui sunga bandh/total shutdown an thaw chu Feb. 13, 2016 zanril chena dingin an keisei niin zanita thusuok an siema chun an zieklang. Vawisun hin hrat le khau lema bandh an thaw ding thu an hril bawk.
Bandh thawtu hai hi Lamkaa Facebook, Whatspp Group, Student Movement, ATML hai an ni a, volunteers hai hmun tum tumah an duty. Hi bandh thaw ding lei hin Imphala inthawk Security iemanizat an hung lut sa a, bandh leia buoina suok hriet ding a um nawh. Imphala inthawk security hung hai hi Bus 3 a hung chuong an ni a, volunteers han Sielmat le Tiddim Road junction lai sukchawlin saktienga an lut phal lovin an dang.
Bandh volunteers hai hin Police station tuol le hmun danga khawm motor ke (tyre) an raw a, Longlive ‘Tribal Unity’; Manipur govt.‘Down down’ ti le ei thil ngen hmu hma chun Martyrs hai ruong vui lo ding tiin an khat tawkin volunteers hai hi an khek bawk.
CCPur khawpui sung takah bandh hi hrat hle sienkhawm Tuibuong areaa chun dawr le bazaar hai a tamlem hawng an ni a, Imphal chena tlan Bus hai khawm Tuibuong bazarah an indaw tawl.
Exam Centre dinghai sukfel
CCPUR: Council of Higher Secondary Education, Manipur hnuoia Higher Secondary Examination (Class XII), 2016 a Exam Centre dinghai sukfel a ni tah. Council Centres 26 le Private centres 42 siem a nih. CCPur District a chun Exam Centre 3 ruot a nih. Chuonghai chu, Don Bosco Hr. Sec. School (CCPur Pvt. Centre A); Rayburn College (CCPur Private CentreB) le Rengkai Govt. Hr. Secondary School (CCPur Private CentreC) hai an nih.
Don Bosco Hr. Sec. School a hin Arts Roll No. 1687 2024&6652; Scienceah Roll No. 1657716949&26935; Commerce ah Roll No. 272027219 inthung an tih. Rayburn Collegeah Arts Roll No. 20252552, Scienceah Roll No. 1695017084&26936; Commerce Roll No. 2722027244 inthung an tih. Rengkai Govt. Hr. Sec. School Centreah Arts Roll No. 25532994&6653&3109 le Scienceah Roll No. 1708517420, 26937 & 26938 inthung an tih.
Official a Zomi Namni hmang lo ding
CCPUR: Manipur Assembly Bills 3 hai leia buoina leiin tukum Feb. 20, 2016 khin official takin Zomi Namni hmang lo ding; State dang le town area dang haia chun a remchang anga hmang thei dingin Zomi Council in an rel. Hi dungzui hin Feb. 20, 2016, 7:00AM khin Zomi Council Office, ZC Colony, New Lamkaah 67th Zomi National Day Flag hoisting programme um a ta, hi huna hin B. Dongzalian Simte, Chairman, ZC in flag keipharna le thuhrina hun hmang a ta, Rev. Khen P. Tombing, Chief CoOrdinator, PCI(R) inrawinain thuoitu hmasa hai inzana le sunna hun hmang ning a tih.
Ni 3 sung aw ding Destination North East2016 Union DoNER minister in a hawng
NEW DELHI: Zanikhan Pragati Maidan, New Delhiah Union Minister of state (Independent Charge) Dr Jitendra Singh in ni 3 sung aw ding “Destination North East2016” a hawng. Hi Kut hi Ministry of Development of North Eastern Region (DoNER) le Union Ministry of Culture hai huoihawtna a nei a nih. Hi huna hin Exhibition store tam tak hawng a ni a, India hmarsak biel thawsuok le themthiem thil chi tum tum hai pholang a nih. Hieng Exhibition store hai hi zan hna hawng hlak ning tih. Hi huna hin Union Minister of State for Home Affairs Kiren Rijiju le Meghalaya CM Dr Mukul Sangma hai khawm an thang.
Hiengang North East Festival hi Mumbai le Bangalore haia khawm huoihawt a ni ding thu, DelhiDimapur direct flight chu India hmarsak biel ta dinga hmasawnna ropui tak intluntu a ni thu, PM Narendra Modi chun India hmarsak biel hi sukhmasawn a nuom takzet a, chuleiin kawng tum tumah India hmarsak biel sukhmasawn le state danghai le awlsam lema an infepaw theina ding lampui ngaituo ning a ta, Academic institutionhai dawmsang le quality education pek ning an tih tiin Dr Jitendra Singh in hi huna thu a hrilna huna a hrillang.
Hmasawnna hi a hmun hlat le kilkhawr thuah an nghat naw a, a ram mipuihai inhnikna le taimaknaa innghat a nih tiin Kiren Rijiju in thu a hrilna huna a hril. Meghalaya CM Dr Mukul Sangma chun, NE biel fak le dawn suk hmasawnna dinga ruo (bambo) in sin tam takel a thaw thu a hrillang.
AR huoihawtnain medical camp
IMPHAL: HQ IGAR (South) huoihawtna hnuoiah 12th Bihar of HQ 9 Sector Assam Rifles chun zanikhan MeitiPhurup Children Home, Takyelpat, Imphal West Districtah Free Medical Camp an huoihawt a, hi Home a um naufahra 75 hai hriselna enin, an tul le mamaw damdawi chi tum tum a thlawnin an pek.
Manipur nunghak a 9nain
IMPHAL: Union Public Service Commission (UPSC) hnuoia Indian Forest Service (IFS) Examination, 2015 final result puonglang a nita a, Manipur nunghak Khumanthem Diana Devi of Singjamei Top Thongam Leikai chu Indai ram pumpuiah a pakuona a nih. Ms. Diana hi Mr Kh. Chandramani, Director, MPTC & Manipur Fire Services naunu a nih. BSEM hnuoia HSLC Examination, 2007 a khan topper le Delhi University hnuoia B.Sc. Examination, 2012 (Physics) a khawm topper a nih.
Puon thuina khawl an sem
IMPHAL: Zanikhan Military Civic Action Project hnuoiah HQ IGAR (South) enkawlna a um 13 Assam Rifles of 9 Sector Assam Rifles chun Tamenglong mipuihai kuomah a thlawnin Puonthuina khawl an sem. Tamenglong mipuihai chun Assam Rifles hai kuoma an lawmthu an hril.
Action na tak lak ning a tih
NEW DELHI: Feb. 9, 2016 khan Jawaharlal Nehru University (JNU) Delhi ah student thenkhatin Parliament beitu Afzal Guru khai hluma a um dodalna an nei. HI thil thawtuhai chunga hin action na taka lak ning a tih tiin Union Home Minister Rajnath Singh chun a hril. Hi thil hi India ram le sawrkar eltam khumna le hmusitna a ni leiin India ram le sawrakr chun a ngaimaw hle a, tosan mei mei naw nih tiin Union Human Resources Development minister Smriti Irani chun a hril. Hi thil tlung hi zanikhan BJP’s student Wing Akhil Bharatiya Vidyarthi Parishad (ABUP) chun dodalna nasa takin an nei.
Centre in NEah Food Processing Industry
KOHIMA: Union Minister of State for Food Processing Sadhvi Niranjan Jyoti chun, sawrkar thlungpuiin North Eastah Food Processing Industries indin a nuom tiin zanikhan a hril. NE a hin lo hmasuok (agriculture products) a thahnem leiin hiengang tiengpang industry hi a hlawtling ngei beisei a nih tiin Jyoti chun a hril bawk. Food Processing Industries indinna dinga hin tuolsung mi han sin an hmu theina dingin a tuol sunga hmangruo le tehnologies hai hmang ning a ta, mipui khawsakna nasa takin a hung dawmsang pha ding a nih tiin a hril bawk.
Court hmaah an inlang tul lo
NEW DELHI: National Herald Case a AICC President Sonia GAndhi le AICC Vice President, Rahul Gandhi hai chu an taksa Court hmaah an inlang kher ngai naw nih tiin zanikhan Supreme Court in a rel. Sonia Gandhi in hi case suktawp ta dinga a ngenna ruok chu Supreme Court in a hniel a, indik le thienghlim taka rorelna a um a tha tiin a hril.
CPI(M) leader P. Jayarajan Court hmaah an pe
THALASSERY: Keralaa Kannur district CPI(M) Secretary P. Jayarajan chu September 1, 2014a Kathiroor, Kannur districta BJP hotu Manoj sat hlum a nina thua inrawlna nei vea intum a ni leiin zanikhan session Court hmaah an pe. Jayarajan hi Ambulance a chuongin zani 11AM khan Court hmaa inpe a ni a, Court chun thla khat sung Judicial Custody (Jail) a um phawt dingin a rel. A lawyer chun, a hriselna thatnaw leia hospitala um dingin a ngen a, sienkhawm Court chun hnawlin, a tul le pawimaw angin Jail Superintendent in a hung bawzui ding thu a hril. Manoj kha CPI(M) workers hawn khatin an that a nih.
Nupui pakhat lockup ah an khai hlum
AIZAWL: Feb. 11, 2016 zingkar khan Champhai district, Mizoram huop sunga Khawzawl Police station sungah nupui pakhat, kum 55 mi chu blanket hmanga inkhaihlum saa hmu a nih. Hi nupui hi Feb. 10, 2016 zana Heroin grams 14 le Police han an man, Khawzawl Police station Lockup a khum a nih.
Rajasthanah Swine Flu leiin mi 27 an thi tah
JAIPUR: Rajasthan a chun Swine Flu leiin mi pahni an thi belsa nawk leiin tukum January thlaa inthawk tuchena hin Rajasthan statea Swine Flu leia thi chu mi 27 an tling ta niin state Health Department official thusuok chun a hril. Swine Flu leia thi 12 hai chu Jaipur hmuna thi an ni a, Ajmerah 4, Churuah pahni le a dang po khawpui dang danga thi an nih. Swine Flu ringhla damnaw mi 1088 hai thisen sample laa enfel a ni hunah 131 hai chu positive an nih ti hmusuok an nih.
India le UAE in agreements 4 an ziek
NEW DELHI: India rama ni 3 sung cham dinga hung inzin Abu Dhabi Crown Prince Sheikh Mohamed Bin Zayed Al Nahyan le PM Narendra Modi hai chun zani hmasa khan inbiekna an nei zo hnungin an ram pahni hai kawng tum tuma thawtlangna ding agreements 4 an ziek. Agreements an ziek hai lai hin internet hmang suol dona, hmasawnna rurel siemna kawnga inthangpui tawn, sum le paia inthangpui tawn ding ti hai a thang.
Crown Prince Zahed Al Nahyan hin zanikhan Bombay Stock Exchange a va sir hnungin zani zantieng khan India suoksanin an ram a pan nawk tah.
Cabinet Secretary(Security) dingin Kumar Sinha
NEW DELHI: Appointments Committee, Cabinet chun Special Director IB, Malay Kumar Sinha, IPS chu Cabinet Secretariata Secretary (Security) dingin zanikhan a ruot. Malay Kumar Sinha hi 1981 batch IPS Officer, Uttar Pradesh Cadre a nih. Hi baka hin ACC chun Mr Girish Shankara chu Secretary, Department of Heavy Industry, Ministry of Industries and Public Enterprises dingin a ruot bawk.
Kum 2030 chenah Malaria sukbo a tum
NEW DELHI: New Delhi hmuna National Framework for Malaria Elimination zani hmasaa nei huna Union Health Minister J.P. Nadda in thu a hrilnaah, sawrkar thlungpui chun kum 2030 chenah khin India ram pumpuiah Malaria natna sukbo vawng a tum tiin a hril. Hi thil sukpuitling a hung ni ngei theina dingin sawrkar thlungpui chun theitawp suong a tih. Asia khawmuolpui simsak tienga Malaria invawi hmusuok hai laia zaah 70% chu India rama hmusuok an ni a, Malaria leia thi zaah 60 pei chu India rama thi an nih tiin Mr Nadda chun a hril. Sri Lanka a chun thangkhat vel liemtaa inthawk khan Malaria leia thi an um tanaw bakah Nepal a khawm kum 2012 a inthawk khan Malaria leia thi an um tanaw a nih.
Mexico jaila inbeituonaah mi 49 an thi
MEXICO CITY: Mexico hmatiengpanga Neuvo Lean Statea Monterrey bul laia Toppo Chico Jail chun, intang pawl pahni hai kara inbeituona tlung leiin mi 49 an thi bakah midang 12 in hliemna an tuok. Intang pawl hni hai hi hriemhrei le hmawl hai hmanga inbeituo an nih tiin official thusuok chun a hril a, hi thil tlung leia jaila inthawka tlansuok an umnaw thu an h ril bawk.
VAWISUN THUPUI
Thilthawtheina dam, insangna dam, inthukna dam, thilsiem dang hrim hrim khawmin ei Lalpa Krista Isua um Pathien hmangainaa inthawk chun mi the naw ni. Rom 8:39
Editorial
Duthusam ringawt ngekin thaw uor ding
Duthusam hang hril vel hi chu an hawiin a hlimum nuom khawp el. Ei duthusam hi a tak ram hungtlung tak tak sienla chu tupa tawng an takah ‘vanram tla fuol’ a ni ringawt ding a nih. Nisienlakhawm duthusam ringawt hin chu a tak ram a min tlun ngai naw a nih. Hi lei hin duthusam ringawt nekin a thaw a thaw hi ei uor a tul a nih. Sin ei thaw uor a, lekha tiem ei uor a, mani fak zawngna le sin sengah ei taima a, ei thaw tam le ei thaw uor po leh a hlawk le a ra tha ei intel rawn el ding a nih.
Khawvela hin intlansiekna an sang pei a, nitin khawsakna mamaw hlak an sang pei bawk a, dit a pui a tamin, mamaw a pung tuol tuol bawk si, pawisa thangnaw chun chet hlei thei a ni tanaw deu tak. Hi lei hin duthusam el nekin thaw uor a tul bek bek el a nih. Mihriem khawsakna a changkang tiel tiel a, ei thil neihai khawm a changkang ta pei a nih. Mihai nei ang nei ei nuom a, mi nauhai nei ang ang ei nau han nei ve hai sienla ei nuompui bawk. Ei chantawk sengah hin lungawi an tak a, ei lungawi bawk si nawh. Khawvela hin mani chantawka lungawi um an tim maw!
Ei khai! mani seng in en chieng ei tiu. Sin hi ei taima tawk naw a, ei thaw tam naw leiin ei mamaw tawk hi ei thawsuok zonaw niin an lang. Mani le mani intodel dingin ei inhril a, sienkhawm midanghai thaw ding le zui dingin ei hril mei mei mani ding aw ti theiin a um. Hi lei hin mihai thawsuok sa le nei sa ngen le hni inthlahrung der si lo hi ei tamin ei pung deu deu niin an lang. Chun, thenum khawveng hai thil thaw sa sawisel ching em em si, mani’n thaw pei si lo, hrilfie tum bawk si lo hai hi mi entan tlak lo takhai laia mi an nih. Chuleiin, to tawkin taima tak le ringum takin thaw inla, hril h ril ngai lovin mihai inza kai le entawn tlak ei hung ni ding a nih. Hril tam nekin thaw tamin umzie a nei lem hlak.
Inchei tieng uor hle si, insil fai taima si lo, inchei taluo leia lawn indik hlei thei lo, lengna hmun taphawta darthlalanga inen zie, Biekin a zakuo ring lien le zakuo inphan tak el hak nuom tlat mi, thil thaw ni khoua thang pei vieu, mihai inpak nghak zo lova, mani chanchin hril zut zut ching, Pathien thu a ni leh hril pur pur thei vieu si, khawlaia mi intuokpui taphawt chieng fahrana en ching le ngha zuk zuk ching, lampuia mihai lam inkien tha nuom mang lo, mi pawi hril chak ni awm taka sut thawi thuok ching, neka upa hai hniel le dawn puot puot mihai hi hang bel chieng chie inla ieng taluo ni lo, sunghai thawsuok saa inti milien an lo ni chawk hlak.
Mi tha le mi fel hai chu sunghai thawsuok sain an insuk milien ngai nawh. Taima tak le thahnemngai taka sin thaw hlakhai chu mi puitling le uong an um ngai nawh. Nisienlakhawm mihai inpak hlaw leia insuk fel tum taluo amani, hming that tum taluo leia khawsak thiem lo an um hlak. Hi thila ruok hin chu fimkhur a ngai, mi han mi nuisaw pal rawi an tih. Mani thaw suok sa le thiem khan kawngro a sut lem hlak.
Khawvela hin mani chantawka lungawi thiem mihai hi mi vangnei an nih. Dawkan chunga Pen hmawr hmanga a singtel le a nuoitel ziek suokna hin hlimna le lawmna tak tak an tlun ngai nawh. Indiklo taka thil ei thaw chun ei hmabak ding chu khaw inthim mup ang ela hmel ditum lo le hlimumlo a hung ni ding a nih. Ei ngaituo sawl rak a, a tawpah lungawina hrim hrim nei lovin hun beidawngnaah ei lut nawk hlak. Chu nek chun taima taka thaw tam taphawt le rinum tuor nasa taphawt hin mihriem nunah hlimna le lawmna, mani chantawkah lungawina tak tak an nei hlak. Taimak le thaw tam hi mani chau lawmna ni lovin, sunghai lawmna le chawimawina a hung intlun hlak.
