National Deworming Day Workshop tan
CCPUR: February 10, 2016 nia National Deworming Day 2016 hmang ding le inzawmin zani 10:AM khan Synod Hall, IB Road, CCPurah District Health Society, CCPur huoihawtnain One Day Orientation Workshop on Implementation of National Deworming Day 2016 tan a ni a, workshop hi Dr Thangchinkhup Guite, CMO/CCPur in a hawng.
Dr Thanchinkhup Guite chun, teachers le nu le pa han naupang hai rulrukut damdawi (Albendazole tablet) pek ei ngaipawimaw a tul tiin a hril a, traininga thang AIs,/DIs of Schools hai chuh medical/technical term an hrietthiemnaw um hai resource person hai kuomah indawn rin lo dingin an fui.
Technical Session hunah Resource person in Dr. Baby Lalnuntluangi, Dr. Robinson Lalnunpuia le Dr. Jire L. Pudaite hai an thang a, projector le slides hmangin naupang/ students hai Rulrukut damdawi pek dan ding thuah training an pek.
Fur huna tuilet inumtirtu a hung ni ding
CCPUR: Churachandpur District hi kawng tum tuma inthang hrat hlein inlang sienkhawm drainage le sewerage system mumal tak ei neinaw leiin ruosur huna mipuiin harsatna nasa tak ei tuok hlak. Nulla mumal tak umnaw lei chau ni lovin ei khawpui sunga vadung hai hmunhnawk peinaa ei hmang leiin ei vadung hai a tawpin a rim a se ta hle a, hieng thil hai hi fur ruotui hung tlak huna tuilien/tuilet inumtirtu ding an nih.
Tuithaphai (CCPur) khawpui sung fai le thienghlimna dingin District Administration le Autonomous District Council (ADC)/CCPur han hma nasa taka an lak leiin kum tlawmte liemta a inthawk khan faina tieng hma a sawn hle a. District Council in hmunhnawk lakhawmtu motor infetir zing sien khawm tu tieng tieng hin khawpui sung a tawp nawk ta hle.
Khawpui sunga um vadung hai mi tam takin hmunhnawk dehawnna (Dumping site/ground)a ei hmang hin ruosur huna tuilien an tlun hlak el chau ni lovin water pollution intlunin furathala ei hmang Tuithapui vadung chu nasa takin a suktawp mek bawk a nih. Hienganga ei vadung le ei tui hai ei suktawp hin tuia inthawk natna chi hran hran hung suok thei ngai a ni leiin District Administration chau ni lovin mipui han thangruola hma ei lak thil tul makmaw a nih.
School thar hawng
CCPUR: Mr M. Gouzamang Guite, EM, ADCC chun zanikhan Amzathang Road, Vengnuom, New Lamka hmuna School thar “Easton Hall’ a hawng a, Pastor K. Pumsuanthang, Local Pastor, EBCC in tawngtainain an hlan.
M. Gouzamang Guite chun, a School neitu Thanglalmuan chun student hai ta dinga inchukna in a siem el chau ni lovin mi 20 vel sin/thawkna petu a ninaah lawmum a ti thu hril. Teacher hai ta dingin naupang lekha inchuktir hi a harsa naw a, sienkhawm tha taka lekha inthiem tir ruok chu a awlsam nawh, hi lei hin tumru le titakna neia naupang hai inchuktir an tul tiin a hril. Eston Hall schoola hin tukum Class V chen um a ta, suksang pei a ni ding a nih.
BDO in a kaisang
CCPUR: Mr Vanlalzawnga of Saikawt, CCPur chu Manipur Government Vide Order No. 3/37/20122012RD&PR dated February 1, 2016 dungzuiin BDO in a kaisang. A kaisangna hi ei Chanchinbu chun a lawmpui hle.
Malaria Positive um lo
CCPUR: January, 2016 thla sung khan District Malaria Department hnuoia CHC le PHC bakah ASHA workers han damnaw mi 1582 thisen lain an enfel a, sienkhawm Malaria Positive hmu an nei nawh.
NDA sawrkarin Welfare Scheme hai sukbo a tum; sin thaw lovin a hril chau a thaw: O.Ibobi Singh
IMPHAL: Manipur Pradesh Congress Committee (MPCC) chun zanikhan Congress Bhavan, Imphalah kum 10 sung Manipur a MGNREGS sin hlawtling taka a thawna le inzawmin One Day Political Conference a huoihawt. Hi Conference a hin CM, Deputy CM, Ministers, MPs, Parliamentary Secretaries, MLAs, MPCC Office Bearers, PCC members, Chairperson of MC & ADC, INC Councilors of MC/NP, Zilla Parishad members, Pradhans, Panchayat members, Chief of Frontal le party workers hai an thang tawl.
NREGS le a hnunga MGNREGS tia ko hi UPA sawrkar huna PM Dr Manmohan Singh le UPA Chairperson Sonia Gandhi hai thuoina hnuoiah Andhra Pradeshah tan hmasa tak a ni a, Manipur a chun February 2, 2006 khan Tamenglong District Headquarters ah tan hmasa tak a ni a; January 2016 chen khan Job Cards 5,26,000 semsuok le thalai sin nei lo hai sin pek an nih tiin CM O.Ibobi Singh in hi huna thu a hrilna huna a hrillang.
NDA thuoina hnuoia BJP sawrakr chun Welfare Schemes le Projects, National Rural Health Mission, Right to Education, MGNREGS, Food Security Act etc hai thagnsain sum a hung pekzawm naw leiin sunzawm mumal thei lovin a um a, NDA hnuoia sawrkar chun sin thaw lovin a hril chau a thaw a nih tiin CM O.Ibobi Singh chun NDA hnuoia BJP sawrkar chu nasa takin a sawisel. Centrala BJP sawrkarin sum mamaw tawk a hun takah a hung peksuok naw leiin hmasawnna sin thaw thei lovin a um pha a nih tiin CM chun a hril bawk.
Nuhmei vawng enkawl Post Office
IMPHAL: Zanikhan Singjameiah nuhmei vawng enkawl ding Post Office Vinod Kumar, Director (Post), Manipur in a hawng. Hi Post Office a hin G.A. Memi Devi chu Postmaster ning a ta, E. Geeta Devi chu Postal Assistant ning a tih. Counters 3 hawng ning a ta, thawktu danghai khawm nuhmei vawng an ni ding a nih.
Sawkkhe leh pasal 1 man
IMPHAL: Feb. 1, 2016 khan 12Assam Rifles han Moreh a inthawk Imphal pana hung Maruti Van MN01X2145 chu Khudengthabi hmuna sukchawlin an dap a, Sawkkhe pakhat an dapdawk a, a neitu Khundongbam Bashu of Nongpok Ingkhol, Porompat, Imphal East District leh an man. Sawkkhe hi Rs. 2 crore manhu vel ni dingin HQ IGAR (S) thusuok chun a hril.
Thudiklo hulhuol a nih: R.N. Ravi
IMPHAL: India sawrkarin Nagaland in Flag hran an nei a remti el thei tia the Hindustan Times in report a pek, Imphal le Dimapur a Chanchinbu hran hran han an insuo kha thudiklo hulhuol, phuokfawm le thil tawkpawi thei a nih. Hi thil hin buoina a suksuok thei a, awi lo ding a nih tiin NSCN(IM) le sawrkar inbieknaa Interlocutor R.N. Ravi chun a hril.
NSCN(IM) le sawrkar palai han inbiekna
IMPHAL: Feb. 2, 2016 khan New Delhiah NSCN(IM) le IndoNaga Peace Talk a Central Interlocutor R.N. Ravi han inbiekna an nei. NSCN(IM) tieng Ato Kilonser (PM), Th. Muivah in an rawi a, Gen. V.S. Atem le Tongmeth Wangnao han an tawiawm a, Framework Agreement thu an hriltlang.
April thlaa bawl tan ni dingin
IMPHAL: Imphal West District a Industrial Estate chu hungtlung ding April, 2016 khin bawl tan ning a tih tiin Union Minister of state for Micro,Small and Medium Enterprises, Giriraj Singh chun a hril. Industrial Estate hi Manipurah 6 indin ning a ta, indinna ding danghai chu Bishnupur, Thoubal, Churachandpr, Ukhrul le Chandel hai niin Giriraj hin a hril. PhaseI ah thalai 2,50,000 hai kuomah sin peng a ta, kum 5 zova thalai nuoi 10 hai kuomah sin pek thei ding niin a hril. Giriraj Singh hin zanikhan Imphal suoksanin Agartala a pan.
Ganja Kg. 180 leh mi 2 man
IMPHAL: Zanikhan District Intelligene Branch hnuoia Executive Force, Kohima han Pfuchama village, Nagalandah SUV Car sukchawla an dapnaah Ganja Kg. 180 an dapdawk a, Pavei Makho le Winner J of Tadubi, Senapati district, Manipur hai leh an man a, NDPSA, 1985 dungzuiin case registered khum an nih tiin Atu Zumvu, PRO, Kohima Police chun a hril.
Unnao districtah top post hai po nuhmeiin an chel
NUMERO UNNAO: Uttar Pradesh statea Unnao districta chun District Magistrate (DM), Superintendent of Police (SP), Chief Development Officer, Chief Medical Officer, Zila Panchayat President le SubDivisional Magistrate hai thangin top administrative post tamlem deuthaw nuhmeiin an chel.
Unnau districta Superintendent of Police chu Ms Neha Pandey a ni a, District Magistrate chu Ms Saumya Agarwal; Chief Development Officer chu Ms Sandeep Kaur niin Chief Medical Officer chu Ms Geeta Yadav a nih.
LS Speaker hlui Balram Jakhar a thi
NEW DELHI: Lok Sabha Speaker hlui Balram Jakhar chu zanikhan kum 92 mi niin New Delhi hmunah a thi. Mr Jakhar hi hun iemanichen liemtaa inthawka damnaw a ni tah. Kum 19801989 sung Lok Sabha Speaker lo ni tah, Lok Sabha member dinga term 4 thlangtlinga lo um ta le Union Agriculture Minister khawm lo ni ta a nih. Punjab Assemblya khawm term 2 thlangtlinga um in Minister le Leader of Opposition khawm lo ni ta a ni bakah Madhya Pradesh Governor sin khawm lo chel ta a nih. PM Narendra Modi, Congress President Sonia Gandhi le ram thuoitu dang dang han an sun thu an puong.
UNDOF Commander dingin Menon
NEW DELHI: India mi Major General Jai Shanker Menon chu Head of Mission and France Commander of United Nations Disengagement Observer Force (UNDOF) dingin UN Secretary General Ban Kimoon in a ruot. Maj. General Menon hin February 7, 2016 a pension ta ding Lt. Gen. Purna Chandra Thapa of Nepal hmun a hung hluo ding a nih. Maj. Gen. Menon hi tuta Indian Armya Additional Director General Equipment Management sin chel lai mek niin kum 201213 sung khan General officer, Commanding, Infantry Division a lo chel a nih.
Kum 2015 sung Aizawl Dist.ah Tuolthat case 12
AIZAWL: Kum 2015 sung khan Aizawl District sungah tuolthatna case 12 le nuhmei suolluina case 17 zieklut a ni thu zani hmasaa Aizawl District Police officer han Crime Review meeting an nei hunah Aizawl SP Lalhuliana Fanai chun a hril. Hi baka hin ruk inrukna case 898, motor eksiden case 13, dan lova zu zawrna case 27 zieklut le inruithei le inzawmin mi 18 man an nih tiin a hril bawk.
India scientist han Zika vaccine an hmusuok niin an hril
HYDERABAD: Tulaia khawvel rambung thenkhat haia inlar natna thar Zika Virus damdawi hmasa tak ding an hmusuok niin Hyderabada Bharat Biotech International Limited Scientist hai chun an hril. Zika Virus hi thokang chikhat Aedes se a inthawka kaisawng thei niin hi natna sukdartu hi Dengue le Chinkungunya natna phurtu tho kha a ni a, naute thluok sukbuoi thei thil le hrat taka indar thei a ni leiin World Heald Organisation in khawvel pumpuia health emergency a lo puong ta a nih.
Zika Virus laa research an thaw hnunga damdawi hi an hmusuok niin Bharat Biotech Ltd. a Chairman le Managing Director Dr Krishna Ella chun a hril a, hi chungthua hin sawrkar thlungpui le Indian Council of Medical research (ICMR) thangpuina a ngen.
AGP MLA hlui Hiren Das in BJP a zawm
MANGALDAI: AGP ticketa Mangaldai A/C a inthawk MLA dinga tum hni lai thlangtlinga lo um tah Hiren Kumara Das chun zani hmasa khan AGP suoksanin ama thlawptu mi tlawmte hai leh BJP an zawm. Mr Das hi AGP Darrang district Committee President khawm lo ni ta a nih. Assam BJP chun Mr Das le a hnungzuitu hai hi tha takin an lo lawmlut. National parties zawm nuoma kum tam tak lungril a lo nei lai zingin Assam Assembly Election hung um dingah AGP leaders han Congress le AIUDF leh prepoll alliance nei tuma hma an lak leia BJP zawm a ni thu Das chun a hril.
PM Modi in MBBS seats 10,000 a sukpung dingin
COIMBATORE: Zani hmasaa Coimbatore hmuna Prime Minister Narendra Modi in ESIC Medical College and Hospital a hawngnaa thu a hrilnaah, Sawrkar thlungpui chun State le Central Goverment Medical Colleges haia MBBS seats sukpung remtina a nei ta a, hi dungzui hin India rama MBBS seats 10,000 vela sukpung tum a ni bakah Medical colleges haia hmangruo tha le changkang lem inthutna dingin sawrkarin thangpuina pek a tum tiin a hril.
UNO in Public Health emergency a puong
NEW DELHI: Zika natna hri inleng leiin World Health Organisation (WHO) chun khawvel pumpui huopin Public Health emergency a puong. Tuhin khawvel rambung tum tum 22 le America ram territories haiah Zika natna hri an leng mek niin WHO thusuok chun a hril. A tul hle naw chun Zika natna hri inlengna ram haia inzin lo dingin India sawrkar chun India mipui hai an hriettir. Nuhmei naupai lai hai chu a bikin fimkhur zuol ding le Zika natna hri inlengna ram haia inzin lo dinga ti an nih.
SAG Football khela thang el thei hai list
NEW DELHI: Guwahati le Shillong hmun haia 12th South Asian Games (SAG) hung um dinga India aiawa football inkhel dinga thang el theihai hming list 28 All India Football Association (AIFF) chun a puonglang ta a, hienghai lai hin Lallianzuala Chhangte, Mawihmingthanga, Zodingliana, T. Haokip le Jeje Lalpekhlua hai an thangsa. Mi 28 hai laia 21 hai chu Preparatory camp, Guwahatia nei mekah an thang zing ta a nih.
AP Governor in AG le Addl. AG hai a ban
ITANAGAR: Arunachal Pradesh Governor JP Rajkhowa chun, Advocate General Ranji Thomas le Additional Advocate General RH. Nabam hai chu Article 165(3) of Indian Constitution hnuoia thuneina pek a ni angin a ban. Arunachal Pradesh hi politics buoi leia President Rule hnuoia um mek le Assembly chu Suspended animation a sie a nih.
CBI in case a siem khum
NEW DELHI: Central Bureau of Investigation (CBI) chun Ganster Chhota Rajan le passport officials pathumhai chungah under Sections 120, 419, 420, 468, 471 le Prevention of Corruption Act (1988) of Indian Penal Code (IPC) dungzuiin case a siem khum. Officials case siem khuma um hai chu Jayshree Rahata, Deepak Natvarlal Shah le Lalita Laxaman hai an nih. Hieng mi 3 hai hi Chhota Rajan kuoma passport tehlem pekna a inrawlna neia intum an nih.
NCB DG thar dingin Bhatnagar
NEW DELHI: Narcotics Control Bureau (NCB) Director General (DG) thar dingin Senior IPS Officer, R.R. Bhatnagar ruot a nih. Ama hi 1983 batch IPS Officer, Uttar Pradesh cadre niin Addl. Director General, Central Industrial Security Force (CISF) sin hel lai a nih. NCB hi Union Home Ministry hnuoia um a nih. NCB Director General sin hi February, 2015 a inthawka kha a ruoka lo um ta a nih.
Sex hmangnaa inthawk Zika virus USah
WASHINGTON: United States of America (USA) a chun, thokang/mise a inthawk ni lo, sex hmangnaa inthawk Zika virus inkaisawng hmusuok niin Centres for Disease Control (CDC) report chun a hril. CDC chun, Dallas, Texas a Zika Virus invawi pasal pakhat chu sex hmangnaa inthawka hi natna kai ni an ringhla thu an hril. Hi mipa hi Zika hri inlengna ram le hmun danga inzin lo a ni a, sienkhawm a nuhmei chu Venezuela ramah a lo inzin leiin hi natna hi a nuhmeia inthawk sex hmangnaa inthawka a kaisawng ni ngei dingin an ring a nih.
VAWISUN THUPUI
“Hung ta u, Lalpa kuomah kir ei tiu, A mi keinawi taha chu a mi lo sukdam nawk ding a ni sih aa, A mi lo vuok ta naka chu a mi tuom nawk ding a ni sih a; Hosea 6:1
Editorial
Roreltu chun rorel ngam raw seh
Thangtharhai lai ram rorelna tha lem beiseina an sang hle ti chu ei hriet seng ring a um. Hi lei hin thangthar hai lai, a bikin thuoituhai insitna a hung um a, indemna le inhril sietna a hung suktam pha hle niin an lang. Amiruokchu, indemna le insawiselna hai h in ei ram le hnam ta dinga thiltha le hmasawnna an tlun naw ding a nih. Hi lei hin thiem taka thangruol dan lampui ei dap chu ei thaw dan ding niin an lang. Ei hriet seng angin thangruol hi hratna a nih. A thangruol thiem thiem mi vangnei an nih. Chuleiin, midang le thangruol thiem hai chu mi hamtha an ni a, hnam thangruol thiem hai chu ram hmasawn le vangnei, hnam hmasawn an hung ni hlak.
Hieng laizing hin ram rorelna khawl cheltuhai ngaidan ruok chu mi nazawng ta ding chun hrietthiem el chi a ni nawh. Mitinin rorelna seat ei hluo thei naw a, thungna khawmin a mi dai seng nawh. Chuleiin Democracyah chun mipuihai aiawtu ding ram roreltuhai hi mipuiin ei thlang suok hlak. Ieng dinga ei thlang suok am ti thuah hin a thlangtu mipui le thlangtlinghai hin chieng lo chang ei nei rawp hlak niin an lang.
Mipui aiaw ding le ram ta dinga inpe hran bika roreltu ding ei thlang a nih ti hi a thlangtu mipui le ei thlang suokhai khawm hin an inhriet a tul takzet a nih. Tukhawmin ei tawng ngainaw tieng mi lo ngai naw hai sienla, hotu thenkhat hin chu rorelna khawl chel pumin an fena ding an hriet naw rawp hlak, an hriet hnunga khawm an fe ngam ngai naw rawp hlak.
Ei en vang vang a, ei rama roreltuhai hi mipui thlek ena rorel khawl pawtkawi le pawtsawi mei mei, dan le dun zam fel hlei thei lova a ri inring han an nawr kuol vel mei mei theiin an um niin anlang. Hiengang roreltu ei nei hin ei ram a sukbuoi zuol hlak. Roreltu chun ram ta dinga ngaidan tha a lo neihai chu a taka hmang dingin hma a lak ding a nih. Rorel tha ngam lo le vengthawng hau taluoa a um chun rorelna thungpha inzaumna a sukbawrbang thei leiin an kieng san ngam bawk ding a nih. Hiengang mi roreltu hnuoia chun ramin fe dan ding a hriet naw rawp a, a tawpah mipui ta dingin phurrik a hung ni pha hlak.
Zirtirtu fel chun naupang ta dinga tha le pawimawhai an chuktir hlak angin, ram roreltu var le tha chun a mipuihai ta dinga thiltha le ditum ding ngaituoin ro a rel ding a nih. Chuong a ninaw a, a ri hau hau ti zing zing le pawl mitmei en zawng ringawta a fe chun roreltu tha ni ngai nawng a ta, rorelna thungphaa thung tlak khawm ninaw nih. Hnam tum tum ei um leiin hnam ti bik le ngaisak bik neia rorelna khawmin thiltha intlun ngai naw nih. Roreltu chun an lai zawnga ro a rel ngam a tul a nih. Roreltu sawrkar chun inlai taka ro a rel ngam a tul a nih.
Tulai khawvel sim le hmar, sak le thlanga mihai hun sawtnaw te sunga ei infepaw zung zung thei tana le khawvel letliema inkhelmihai inkhelnahai mani thunghmuna ei lo en le innuipui ruol tana khawvelah hin thlierkara um ang ela khawsak hi an fuk ta naw a nih. Piengthar thu le hla ang deuvin ei thaw ngai lo hai thaw ei inchuk a, ei thaw hlakhai khawm a tha naw chun ei bansan ngam a hun ta a nih. Ei khawvel inher dan le changkang dan izira rorel thiem a hun ta a nih.
Iengkhawm nisienla, thangtharhai boruok hrietthiem a, ruol ei ban ve theina ding ngaidan lien hek hawk neia ro ei rel thiem chun ei rama inremna le innghirnghona hai hi hung reng a ta, nangni pawl, keini pawl, nangni hnam intina hai hi hung bo a ta, ram inhawi le ram changkang hung ning ei tih. Ti nei le tan bik lungrila nei puma ro ei rel sung hin chu ineptuona re ngai naw ni a, hnam bing thila inbeituona hi a fe pei el ding niin an lang. Roreltu han ei that tlang seng thei dan ding, ei lungawi seng theina ding zawnga ro an rel ngam hi a hun ta takzet a nih.
CCPUR: February 10, 2016 nia National Deworming Day 2016 hmang ding le inzawmin zani 10:AM khan Synod Hall, IB Road, CCPurah District Health Society, CCPur huoihawtnain One Day Orientation Workshop on Implementation of National Deworming Day 2016 tan a ni a, workshop hi Dr Thangchinkhup Guite, CMO/CCPur in a hawng.
Dr Thanchinkhup Guite chun, teachers le nu le pa han naupang hai rulrukut damdawi (Albendazole tablet) pek ei ngaipawimaw a tul tiin a hril a, traininga thang AIs,/DIs of Schools hai chuh medical/technical term an hrietthiemnaw um hai resource person hai kuomah indawn rin lo dingin an fui.
Technical Session hunah Resource person in Dr. Baby Lalnuntluangi, Dr. Robinson Lalnunpuia le Dr. Jire L. Pudaite hai an thang a, projector le slides hmangin naupang/ students hai Rulrukut damdawi pek dan ding thuah training an pek.
Fur huna tuilet inumtirtu a hung ni ding
CCPUR: Churachandpur District hi kawng tum tuma inthang hrat hlein inlang sienkhawm drainage le sewerage system mumal tak ei neinaw leiin ruosur huna mipuiin harsatna nasa tak ei tuok hlak. Nulla mumal tak umnaw lei chau ni lovin ei khawpui sunga vadung hai hmunhnawk peinaa ei hmang leiin ei vadung hai a tawpin a rim a se ta hle a, hieng thil hai hi fur ruotui hung tlak huna tuilien/tuilet inumtirtu ding an nih.
Tuithaphai (CCPur) khawpui sung fai le thienghlimna dingin District Administration le Autonomous District Council (ADC)/CCPur han hma nasa taka an lak leiin kum tlawmte liemta a inthawk khan faina tieng hma a sawn hle a. District Council in hmunhnawk lakhawmtu motor infetir zing sien khawm tu tieng tieng hin khawpui sung a tawp nawk ta hle.
Khawpui sunga um vadung hai mi tam takin hmunhnawk dehawnna (Dumping site/ground)a ei hmang hin ruosur huna tuilien an tlun hlak el chau ni lovin water pollution intlunin furathala ei hmang Tuithapui vadung chu nasa takin a suktawp mek bawk a nih. Hienganga ei vadung le ei tui hai ei suktawp hin tuia inthawk natna chi hran hran hung suok thei ngai a ni leiin District Administration chau ni lovin mipui han thangruola hma ei lak thil tul makmaw a nih.
School thar hawng
CCPUR: Mr M. Gouzamang Guite, EM, ADCC chun zanikhan Amzathang Road, Vengnuom, New Lamka hmuna School thar “Easton Hall’ a hawng a, Pastor K. Pumsuanthang, Local Pastor, EBCC in tawngtainain an hlan.
M. Gouzamang Guite chun, a School neitu Thanglalmuan chun student hai ta dinga inchukna in a siem el chau ni lovin mi 20 vel sin/thawkna petu a ninaah lawmum a ti thu hril. Teacher hai ta dingin naupang lekha inchuktir hi a harsa naw a, sienkhawm tha taka lekha inthiem tir ruok chu a awlsam nawh, hi lei hin tumru le titakna neia naupang hai inchuktir an tul tiin a hril. Eston Hall schoola hin tukum Class V chen um a ta, suksang pei a ni ding a nih.
BDO in a kaisang
CCPUR: Mr Vanlalzawnga of Saikawt, CCPur chu Manipur Government Vide Order No. 3/37/20122012RD&PR dated February 1, 2016 dungzuiin BDO in a kaisang. A kaisangna hi ei Chanchinbu chun a lawmpui hle.
Malaria Positive um lo
CCPUR: January, 2016 thla sung khan District Malaria Department hnuoia CHC le PHC bakah ASHA workers han damnaw mi 1582 thisen lain an enfel a, sienkhawm Malaria Positive hmu an nei nawh.
NDA sawrkarin Welfare Scheme hai sukbo a tum; sin thaw lovin a hril chau a thaw: O.Ibobi Singh
IMPHAL: Manipur Pradesh Congress Committee (MPCC) chun zanikhan Congress Bhavan, Imphalah kum 10 sung Manipur a MGNREGS sin hlawtling taka a thawna le inzawmin One Day Political Conference a huoihawt. Hi Conference a hin CM, Deputy CM, Ministers, MPs, Parliamentary Secretaries, MLAs, MPCC Office Bearers, PCC members, Chairperson of MC & ADC, INC Councilors of MC/NP, Zilla Parishad members, Pradhans, Panchayat members, Chief of Frontal le party workers hai an thang tawl.
NREGS le a hnunga MGNREGS tia ko hi UPA sawrkar huna PM Dr Manmohan Singh le UPA Chairperson Sonia Gandhi hai thuoina hnuoiah Andhra Pradeshah tan hmasa tak a ni a, Manipur a chun February 2, 2006 khan Tamenglong District Headquarters ah tan hmasa tak a ni a; January 2016 chen khan Job Cards 5,26,000 semsuok le thalai sin nei lo hai sin pek an nih tiin CM O.Ibobi Singh in hi huna thu a hrilna huna a hrillang.
NDA thuoina hnuoia BJP sawrakr chun Welfare Schemes le Projects, National Rural Health Mission, Right to Education, MGNREGS, Food Security Act etc hai thagnsain sum a hung pekzawm naw leiin sunzawm mumal thei lovin a um a, NDA hnuoia sawrkar chun sin thaw lovin a hril chau a thaw a nih tiin CM O.Ibobi Singh chun NDA hnuoia BJP sawrkar chu nasa takin a sawisel. Centrala BJP sawrkarin sum mamaw tawk a hun takah a hung peksuok naw leiin hmasawnna sin thaw thei lovin a um pha a nih tiin CM chun a hril bawk.
Nuhmei vawng enkawl Post Office
IMPHAL: Zanikhan Singjameiah nuhmei vawng enkawl ding Post Office Vinod Kumar, Director (Post), Manipur in a hawng. Hi Post Office a hin G.A. Memi Devi chu Postmaster ning a ta, E. Geeta Devi chu Postal Assistant ning a tih. Counters 3 hawng ning a ta, thawktu danghai khawm nuhmei vawng an ni ding a nih.
Sawkkhe leh pasal 1 man
IMPHAL: Feb. 1, 2016 khan 12Assam Rifles han Moreh a inthawk Imphal pana hung Maruti Van MN01X2145 chu Khudengthabi hmuna sukchawlin an dap a, Sawkkhe pakhat an dapdawk a, a neitu Khundongbam Bashu of Nongpok Ingkhol, Porompat, Imphal East District leh an man. Sawkkhe hi Rs. 2 crore manhu vel ni dingin HQ IGAR (S) thusuok chun a hril.
Thudiklo hulhuol a nih: R.N. Ravi
IMPHAL: India sawrkarin Nagaland in Flag hran an nei a remti el thei tia the Hindustan Times in report a pek, Imphal le Dimapur a Chanchinbu hran hran han an insuo kha thudiklo hulhuol, phuokfawm le thil tawkpawi thei a nih. Hi thil hin buoina a suksuok thei a, awi lo ding a nih tiin NSCN(IM) le sawrkar inbieknaa Interlocutor R.N. Ravi chun a hril.
NSCN(IM) le sawrkar palai han inbiekna
IMPHAL: Feb. 2, 2016 khan New Delhiah NSCN(IM) le IndoNaga Peace Talk a Central Interlocutor R.N. Ravi han inbiekna an nei. NSCN(IM) tieng Ato Kilonser (PM), Th. Muivah in an rawi a, Gen. V.S. Atem le Tongmeth Wangnao han an tawiawm a, Framework Agreement thu an hriltlang.
April thlaa bawl tan ni dingin
IMPHAL: Imphal West District a Industrial Estate chu hungtlung ding April, 2016 khin bawl tan ning a tih tiin Union Minister of state for Micro,Small and Medium Enterprises, Giriraj Singh chun a hril. Industrial Estate hi Manipurah 6 indin ning a ta, indinna ding danghai chu Bishnupur, Thoubal, Churachandpr, Ukhrul le Chandel hai niin Giriraj hin a hril. PhaseI ah thalai 2,50,000 hai kuomah sin peng a ta, kum 5 zova thalai nuoi 10 hai kuomah sin pek thei ding niin a hril. Giriraj Singh hin zanikhan Imphal suoksanin Agartala a pan.
Ganja Kg. 180 leh mi 2 man
IMPHAL: Zanikhan District Intelligene Branch hnuoia Executive Force, Kohima han Pfuchama village, Nagalandah SUV Car sukchawla an dapnaah Ganja Kg. 180 an dapdawk a, Pavei Makho le Winner J of Tadubi, Senapati district, Manipur hai leh an man a, NDPSA, 1985 dungzuiin case registered khum an nih tiin Atu Zumvu, PRO, Kohima Police chun a hril.
Unnao districtah top post hai po nuhmeiin an chel
NUMERO UNNAO: Uttar Pradesh statea Unnao districta chun District Magistrate (DM), Superintendent of Police (SP), Chief Development Officer, Chief Medical Officer, Zila Panchayat President le SubDivisional Magistrate hai thangin top administrative post tamlem deuthaw nuhmeiin an chel.
Unnau districta Superintendent of Police chu Ms Neha Pandey a ni a, District Magistrate chu Ms Saumya Agarwal; Chief Development Officer chu Ms Sandeep Kaur niin Chief Medical Officer chu Ms Geeta Yadav a nih.
LS Speaker hlui Balram Jakhar a thi
NEW DELHI: Lok Sabha Speaker hlui Balram Jakhar chu zanikhan kum 92 mi niin New Delhi hmunah a thi. Mr Jakhar hi hun iemanichen liemtaa inthawka damnaw a ni tah. Kum 19801989 sung Lok Sabha Speaker lo ni tah, Lok Sabha member dinga term 4 thlangtlinga lo um ta le Union Agriculture Minister khawm lo ni ta a nih. Punjab Assemblya khawm term 2 thlangtlinga um in Minister le Leader of Opposition khawm lo ni ta a ni bakah Madhya Pradesh Governor sin khawm lo chel ta a nih. PM Narendra Modi, Congress President Sonia Gandhi le ram thuoitu dang dang han an sun thu an puong.
UNDOF Commander dingin Menon
NEW DELHI: India mi Major General Jai Shanker Menon chu Head of Mission and France Commander of United Nations Disengagement Observer Force (UNDOF) dingin UN Secretary General Ban Kimoon in a ruot. Maj. General Menon hin February 7, 2016 a pension ta ding Lt. Gen. Purna Chandra Thapa of Nepal hmun a hung hluo ding a nih. Maj. Gen. Menon hi tuta Indian Armya Additional Director General Equipment Management sin chel lai mek niin kum 201213 sung khan General officer, Commanding, Infantry Division a lo chel a nih.
Kum 2015 sung Aizawl Dist.ah Tuolthat case 12
AIZAWL: Kum 2015 sung khan Aizawl District sungah tuolthatna case 12 le nuhmei suolluina case 17 zieklut a ni thu zani hmasaa Aizawl District Police officer han Crime Review meeting an nei hunah Aizawl SP Lalhuliana Fanai chun a hril. Hi baka hin ruk inrukna case 898, motor eksiden case 13, dan lova zu zawrna case 27 zieklut le inruithei le inzawmin mi 18 man an nih tiin a hril bawk.
India scientist han Zika vaccine an hmusuok niin an hril
HYDERABAD: Tulaia khawvel rambung thenkhat haia inlar natna thar Zika Virus damdawi hmasa tak ding an hmusuok niin Hyderabada Bharat Biotech International Limited Scientist hai chun an hril. Zika Virus hi thokang chikhat Aedes se a inthawka kaisawng thei niin hi natna sukdartu hi Dengue le Chinkungunya natna phurtu tho kha a ni a, naute thluok sukbuoi thei thil le hrat taka indar thei a ni leiin World Heald Organisation in khawvel pumpuia health emergency a lo puong ta a nih.
Zika Virus laa research an thaw hnunga damdawi hi an hmusuok niin Bharat Biotech Ltd. a Chairman le Managing Director Dr Krishna Ella chun a hril a, hi chungthua hin sawrkar thlungpui le Indian Council of Medical research (ICMR) thangpuina a ngen.
AGP MLA hlui Hiren Das in BJP a zawm
MANGALDAI: AGP ticketa Mangaldai A/C a inthawk MLA dinga tum hni lai thlangtlinga lo um tah Hiren Kumara Das chun zani hmasa khan AGP suoksanin ama thlawptu mi tlawmte hai leh BJP an zawm. Mr Das hi AGP Darrang district Committee President khawm lo ni ta a nih. Assam BJP chun Mr Das le a hnungzuitu hai hi tha takin an lo lawmlut. National parties zawm nuoma kum tam tak lungril a lo nei lai zingin Assam Assembly Election hung um dingah AGP leaders han Congress le AIUDF leh prepoll alliance nei tuma hma an lak leia BJP zawm a ni thu Das chun a hril.
PM Modi in MBBS seats 10,000 a sukpung dingin
COIMBATORE: Zani hmasaa Coimbatore hmuna Prime Minister Narendra Modi in ESIC Medical College and Hospital a hawngnaa thu a hrilnaah, Sawrkar thlungpui chun State le Central Goverment Medical Colleges haia MBBS seats sukpung remtina a nei ta a, hi dungzui hin India rama MBBS seats 10,000 vela sukpung tum a ni bakah Medical colleges haia hmangruo tha le changkang lem inthutna dingin sawrkarin thangpuina pek a tum tiin a hril.
UNO in Public Health emergency a puong
NEW DELHI: Zika natna hri inleng leiin World Health Organisation (WHO) chun khawvel pumpui huopin Public Health emergency a puong. Tuhin khawvel rambung tum tum 22 le America ram territories haiah Zika natna hri an leng mek niin WHO thusuok chun a hril. A tul hle naw chun Zika natna hri inlengna ram haia inzin lo dingin India sawrkar chun India mipui hai an hriettir. Nuhmei naupai lai hai chu a bikin fimkhur zuol ding le Zika natna hri inlengna ram haia inzin lo dinga ti an nih.
SAG Football khela thang el thei hai list
NEW DELHI: Guwahati le Shillong hmun haia 12th South Asian Games (SAG) hung um dinga India aiawa football inkhel dinga thang el theihai hming list 28 All India Football Association (AIFF) chun a puonglang ta a, hienghai lai hin Lallianzuala Chhangte, Mawihmingthanga, Zodingliana, T. Haokip le Jeje Lalpekhlua hai an thangsa. Mi 28 hai laia 21 hai chu Preparatory camp, Guwahatia nei mekah an thang zing ta a nih.
AP Governor in AG le Addl. AG hai a ban
ITANAGAR: Arunachal Pradesh Governor JP Rajkhowa chun, Advocate General Ranji Thomas le Additional Advocate General RH. Nabam hai chu Article 165(3) of Indian Constitution hnuoia thuneina pek a ni angin a ban. Arunachal Pradesh hi politics buoi leia President Rule hnuoia um mek le Assembly chu Suspended animation a sie a nih.
CBI in case a siem khum
NEW DELHI: Central Bureau of Investigation (CBI) chun Ganster Chhota Rajan le passport officials pathumhai chungah under Sections 120, 419, 420, 468, 471 le Prevention of Corruption Act (1988) of Indian Penal Code (IPC) dungzuiin case a siem khum. Officials case siem khuma um hai chu Jayshree Rahata, Deepak Natvarlal Shah le Lalita Laxaman hai an nih. Hieng mi 3 hai hi Chhota Rajan kuoma passport tehlem pekna a inrawlna neia intum an nih.
NCB DG thar dingin Bhatnagar
NEW DELHI: Narcotics Control Bureau (NCB) Director General (DG) thar dingin Senior IPS Officer, R.R. Bhatnagar ruot a nih. Ama hi 1983 batch IPS Officer, Uttar Pradesh cadre niin Addl. Director General, Central Industrial Security Force (CISF) sin hel lai a nih. NCB hi Union Home Ministry hnuoia um a nih. NCB Director General sin hi February, 2015 a inthawka kha a ruoka lo um ta a nih.
Sex hmangnaa inthawk Zika virus USah
WASHINGTON: United States of America (USA) a chun, thokang/mise a inthawk ni lo, sex hmangnaa inthawk Zika virus inkaisawng hmusuok niin Centres for Disease Control (CDC) report chun a hril. CDC chun, Dallas, Texas a Zika Virus invawi pasal pakhat chu sex hmangnaa inthawka hi natna kai ni an ringhla thu an hril. Hi mipa hi Zika hri inlengna ram le hmun danga inzin lo a ni a, sienkhawm a nuhmei chu Venezuela ramah a lo inzin leiin hi natna hi a nuhmeia inthawk sex hmangnaa inthawka a kaisawng ni ngei dingin an ring a nih.
VAWISUN THUPUI
“Hung ta u, Lalpa kuomah kir ei tiu, A mi keinawi taha chu a mi lo sukdam nawk ding a ni sih aa, A mi lo vuok ta naka chu a mi tuom nawk ding a ni sih a; Hosea 6:1
Editorial
Roreltu chun rorel ngam raw seh
Thangtharhai lai ram rorelna tha lem beiseina an sang hle ti chu ei hriet seng ring a um. Hi lei hin thangthar hai lai, a bikin thuoituhai insitna a hung um a, indemna le inhril sietna a hung suktam pha hle niin an lang. Amiruokchu, indemna le insawiselna hai h in ei ram le hnam ta dinga thiltha le hmasawnna an tlun naw ding a nih. Hi lei hin thiem taka thangruol dan lampui ei dap chu ei thaw dan ding niin an lang. Ei hriet seng angin thangruol hi hratna a nih. A thangruol thiem thiem mi vangnei an nih. Chuleiin, midang le thangruol thiem hai chu mi hamtha an ni a, hnam thangruol thiem hai chu ram hmasawn le vangnei, hnam hmasawn an hung ni hlak.
Hieng laizing hin ram rorelna khawl cheltuhai ngaidan ruok chu mi nazawng ta ding chun hrietthiem el chi a ni nawh. Mitinin rorelna seat ei hluo thei naw a, thungna khawmin a mi dai seng nawh. Chuleiin Democracyah chun mipuihai aiawtu ding ram roreltuhai hi mipuiin ei thlang suok hlak. Ieng dinga ei thlang suok am ti thuah hin a thlangtu mipui le thlangtlinghai hin chieng lo chang ei nei rawp hlak niin an lang.
Mipui aiaw ding le ram ta dinga inpe hran bika roreltu ding ei thlang a nih ti hi a thlangtu mipui le ei thlang suokhai khawm hin an inhriet a tul takzet a nih. Tukhawmin ei tawng ngainaw tieng mi lo ngai naw hai sienla, hotu thenkhat hin chu rorelna khawl chel pumin an fena ding an hriet naw rawp hlak, an hriet hnunga khawm an fe ngam ngai naw rawp hlak.
Ei en vang vang a, ei rama roreltuhai hi mipui thlek ena rorel khawl pawtkawi le pawtsawi mei mei, dan le dun zam fel hlei thei lova a ri inring han an nawr kuol vel mei mei theiin an um niin anlang. Hiengang roreltu ei nei hin ei ram a sukbuoi zuol hlak. Roreltu chun ram ta dinga ngaidan tha a lo neihai chu a taka hmang dingin hma a lak ding a nih. Rorel tha ngam lo le vengthawng hau taluoa a um chun rorelna thungpha inzaumna a sukbawrbang thei leiin an kieng san ngam bawk ding a nih. Hiengang mi roreltu hnuoia chun ramin fe dan ding a hriet naw rawp a, a tawpah mipui ta dingin phurrik a hung ni pha hlak.
Zirtirtu fel chun naupang ta dinga tha le pawimawhai an chuktir hlak angin, ram roreltu var le tha chun a mipuihai ta dinga thiltha le ditum ding ngaituoin ro a rel ding a nih. Chuong a ninaw a, a ri hau hau ti zing zing le pawl mitmei en zawng ringawta a fe chun roreltu tha ni ngai nawng a ta, rorelna thungphaa thung tlak khawm ninaw nih. Hnam tum tum ei um leiin hnam ti bik le ngaisak bik neia rorelna khawmin thiltha intlun ngai naw nih. Roreltu chun an lai zawnga ro a rel ngam a tul a nih. Roreltu sawrkar chun inlai taka ro a rel ngam a tul a nih.
Tulai khawvel sim le hmar, sak le thlanga mihai hun sawtnaw te sunga ei infepaw zung zung thei tana le khawvel letliema inkhelmihai inkhelnahai mani thunghmuna ei lo en le innuipui ruol tana khawvelah hin thlierkara um ang ela khawsak hi an fuk ta naw a nih. Piengthar thu le hla ang deuvin ei thaw ngai lo hai thaw ei inchuk a, ei thaw hlakhai khawm a tha naw chun ei bansan ngam a hun ta a nih. Ei khawvel inher dan le changkang dan izira rorel thiem a hun ta a nih.
Iengkhawm nisienla, thangtharhai boruok hrietthiem a, ruol ei ban ve theina ding ngaidan lien hek hawk neia ro ei rel thiem chun ei rama inremna le innghirnghona hai hi hung reng a ta, nangni pawl, keini pawl, nangni hnam intina hai hi hung bo a ta, ram inhawi le ram changkang hung ning ei tih. Ti nei le tan bik lungrila nei puma ro ei rel sung hin chu ineptuona re ngai naw ni a, hnam bing thila inbeituona hi a fe pei el ding niin an lang. Roreltu han ei that tlang seng thei dan ding, ei lungawi seng theina ding zawnga ro an rel ngam hi a hun ta takzet a nih.
