Hmar Inpui Election Kona

HMAR INPUI ELECTION COMMISSION 2016

February 3, 2016

Tarik 12, December 2015-a Hmar Inpui Executive Meeting-in a rel angin hung tlung ding February 12&13, 2016-a Hmar Inpui Assembly ro rêl zo charin kum 2016-19 sûnga Hmar Inpui Executive Committee Member ding thlangna um a tih. Rêla um angin inthlangna hi Hmar Christian Leaders’ Forum (HCLF) inrawina hnuoia nei ning a tih. Chu thu le inzawm chun a hnuoia thuhai hi insuo a nih:

1. Thlang dinghai chu President, Vice-President, General Secretary, Asst. General Secretary, Finance Secretary le Treasurer ning a tih.
2. Hieng post (position) inchu nuomhai chun ‘nomination form’ Feb. 11, 2016 sûn dâr 12:00 chen lâk le pêklût thei nîng a tih. Nomination form lâk le pêklût theina ding hmun chu Hmar Inpui Head Office a nih.
3. Hmar Inpui Constitution Article 26-a ‘Election-a Ngîr/Candidate thei dinghai’ laia a pawimaw zuolhai chu hieng hai an nih:
(a) Hmar Inpui President/ General Secretary ni ding chun Hmar Inpuia Elected Post or Affiliated Body/ Regional Headquarters-a President, Vice President or General Secretary term khat bêk lo chel tah, hrietna le thiemna tienga insit umlo, taksa kuma kum 35 tling tah a ni ngei ding a nih.
(b) Hmar Inpuia Elected Post cheltu ding chun Affiliated Body le hnam sûnga organization dang le Political Party-ah hotu nina chel thei naw nih. Chuong ang sin chel laia Hmar Inpui \huoitu pakhat ni dinga Assembly-in a thlang chun mawphurna a lâk a’nthawk thla1sûng ngeiin a nina hmasak a’nthawkin an bân ding a nih.
(c) Hotu tukhawm fel nawna le tlin nawna ngaimaw khawp a nei a ni ngawt naw chun thlang nawn/ nâwk thei pei nîng a ta; sienkhawm, post pakhat mi pakhatin term hni bâk chel thei naw nih.
4. 8th Hmar Inpui Assembly-a PALAI nia inthlangnaa ‘vote’ nei thei dinghai chu Constitution Article 8-ah chiengtaka târlang a nih.
5. Thu chieng le kimchang lem Hmar Inpui Office an naw khawma HCLF thuoituhai kuoma kan thei zing a nih.

(Rev.Dr.LALHMUOKLIEN) (Rev. ROS INFIMATE)
Secretary Chairman
Hmar Christian Leaders’ Forum