Kum 2015 sung Dengue positive 42
CCPUR: District Malaria Department chun kum 2015 sung khan Dengue ringhla mi 336 hai thisen lain an enfel a, hi laia 42 hai chu Dengue positive an nih. Dengue Positive tamna tak Rengkai niin mi 21 an nih. Chun, January - December, 2015 sung khan khawsik mi 20026 hai thisen lain an enfel a, hienghai lai hin Malaria positive 140 an hmu a, hi laia 88 malaria PF an nih. Kum 2015 sung khan Malaria Department,CCPur chun Health Centre 7 huom sunga In 2766 haiah thosilen 7859 hai damdawitui an inchie.
Building thenkhat a suksiet met
CCPUR: January 4, 2015, 4:35 vela Simkhawlei richter scale 6.7 vela hrat an hning lei khan Churachandpur Districta khawm simkhawlei inhning hi a hrat ve hle a, zing tho ngailo tam tak a keitho pha a, himna zawngin mi tam tak an in haia inthawk tuolah an tlansuok tawl. Building thenkhat a sawikak met tinaw chu mihriem thi le hliemna tuok an um thu hriet a ni nawh. Simkhawlei inhning lei hin CCPurah nuhmei pakhat Vahneihling (20) of Gelmol chu zani zingkar 5:30AM khan Dist. Hospital casualty phurlut a ni a, sienkhawm Doctor han an insuoktir nawk tah. Simkhawlei inhningin CCPura building a suksiet met ei hriet thei hai chu Gilgal Children Home, Muolvaiphei (a kak); New Lamka YPA Hall (a sipzum lai chite a sawi chim) le Samulamlan Blocka Chothe Jr. H/S building hai an ni a, hmun danga building a sawikak ruok chu hrietna ei la nei hri nawh. DC/CCPur chun District Disaster Management Respond Team (DDMRT), CCPur chu In le lo suksiet a nei le neinaw enquiry thawa zani ma khan report pe dingin an hriettir.
A thlawna sin thaw an nuom
CCPUR: January 4, 2016 nia Manipura simkhawlei inhning leia ei rama Biekin, Mission Office le Schol building thenkhat a sawikak chu pawi a ti thu Joseph R Joute, For One Life, Asia, Director chun a hril a; EMI (Engineer Ministries International) hnuoia professional engineer le architect hai ei building hai ngirhmun en thlithlai dingin in cha dawk tumin hma lak mek a ni a, sin thahnem tawk thaw ding a um a ni chun EMI chun team hung tir an in huom zing thu le Biekin, Mission/NGO Office le School building hai Engineer le architect hai inentira an thurawn la nuom hai chun (free of cost) Jan. 7, 2016 hma ngeia Pu. Jousanghlei Joute, Rengkai/Apollo Veng, CCPur /09862016701 kuoma intlun (report) dingin an hriettir.
Ineipuia nuhmei hlemtu Police in an man
CCPUR: Mr Thangkhopao Haokip (32) s/o Henkhokam Haokip of H. Mongjang chun thla 3 vel liemtaa inthawk khan Nengkholhing (25) d/o Chungkholun of Moljol chu nuhmeiin a nei a, sienkhawm Thangkhopao hin a ina fepui lovin Hotel le ramtina a riekpui hlak leiin Nengkholhing chun Dec. 30, 2015 khan Policeah complaint a peklut a. Hi dungzui hin Thangkhopao Haokip chu zanikhan Police han manin a vawihnina dingin zanikhan Session Court hmaah an inlangtir a, Court chun January 7, 2016 chen Police Custodya um phawt dingin a rel.
Ms Nengkholhing chun, Thangkhopao Haokip hin 27Assam Riflesa thang nia inhrila an neipui niin a hril a, a chang leh a vuok hlak bakah a naunu (Nengkholhing naunu kum 3 mi) chu suollui dingin a vau bawk hlak niin Police kuoma complaint a peklutnaah a hril.
Thangkhopao Haokip hi nuhmei nei laizing niin, tuta hma khawmin hiengang hin midang a lo hlem ta hlak nia hril a nih. Police chun FIR No. 100 (12) 2015 CCPPS U/S 420/498A/307 IPC & 12/18 POCSO Act an registered khum.
Manmasi Digest Jan. issue
CCPUR: Manmasi Digest January, 2016 issue chu a suok nawk ta a, Agent le lekhabu zawrna dawr tum tum haiah hmu thei ning a tih. Hmar Lengkhawm hla suizauna, US Presidential candidate thubuoi, Hla tawng, Tribal Movement le thu tiemnuom um tak tak tiem ding a um.
ATWU siem Calender tlangzar
CCPUR: All Tribal Women Union, CCPur in Tribal Martyrs hai hrietzingna dinga 2016 Calendar an siem chu January 3, 2015, 2:00PM khan Public Ground, CCPurah Ms Kim Gangte, Convener, All Tribal Women Union (ATWU), Manipur in a hawng a, Pastor Joseph L. Khawbung in Pathien kuoma tawngtainain an hlan. Kim Gangte chun, JAC hi CCPur district chau ni lova district dang haia khawm sukhrat a ni theina dinga mimal le pawl tum tum han an thlawp a pawimaw thu hrilin JAC khawmin sawrkar nawrna dinag strategy tha tak an nei a ngai thu a hril.
LM Khaute in DGP Manipur
CCPUR: Mr L.M. Khaute, IPS chu Director General of Police (DGP) Manipur dinga inkaisangtir a ni a, January 1, 2016 a inthawk khan DGP Manipur sin a chel tan. ZSF GHQ chun lawmpuina le ditsakna an inhlan.
Naupang kum tlinglo sukbuoi
CCPUR: Policea inthawk ei thu dawngnain a hril danin Dec. 28, 2015 khan Rengkai khaw mi naupang iemanizat inpawl hai laia naupang kum 1011 inkar mi 3 hai chun an neka naupang kum 5 mi, kum 79 inkar hai an sawisak (sodomy) a, hi thua hin Dec. 31, 2015 khan sawisaka um naupang sungkuo han Policeah report an pek a, Police han FIR No. 102 (12) 2015 CCPPS U/S 377/34 IPC & 4 POCSO Act an registered bakah zanikhan naupang 5 sawisak hai chu RIMSah medical test dingin an thuoi.
JAC Road Const. Committee in lampui
CCPUR: JAC Against AntiTribal Bills hnuoia Road Construction Committee member han zani zingkar khan YMA Office, Hmuia Vengah joint meeting an nei a, fur ruotui hung tlak hma ngeiin tlangram khuo tum tum hai le infepawna lampui siemthat dan ding, a bikin Mizoram le Manipur infepawna lampui siemthat dan ding an ngaituo. BRO/BRTF fethlengin Mizoram le Manipur inkar lampui siemthat an remtih. JAC Road Construction Committeea Chairman G.Nengdouthang (PTC); Vice ChairmanS. Zam Khan Pau (ZYA); SecyH.Lalhmangaihzuala (YMA); Asst Secy Seilet Mate (MTC); Finance Dal Khan Nang (TCU); TreasurerFrancis Mamang (ZYO); Joint Secretaries ah Planning Thangkhanlun (SSPP); Works L. Paukhanthang (YPA); Infn. Paukhanthang Mate (MSO). MembersDo Lam Thang (TCYA); HVL Hruaia (MPC);Lalniropuia (MZP) bakah ExOfficio Members All Convenors of JAC hai an nih.
Simkhawlei inhning leiin Manipurah 8 an thi; mi 100 chuong an hliem
Sawrkar thlungpuiin a tul anga thangpuina hung pek a tiem
IMPHAL: January 4, 2015 zingkar 4:35AM vela Manipur thanga India hmarsak states le Bangladesh ram hmun thenkhata simkhawlei richter scale 6.7a hrat an hning lei khan Manipura chun hi thu ei sut chena mi 8 an thi bakah midang za chuongin hliemna an tuok. Simkhawlei hung inhning tanna (Epicentre) hi Imphala inthawk Km. 33 vela hla Noney, Tamenglong distict hnuoi km. 17 vela inthuk a inthawk intan a hril a nih.
Simkhawlei inhning lei hin Imphala chun building tam tak a sawichim bakah a sawikak tawl. Building a sawikak le suksiet hai lai Presbyterian Church, Leimakhong (Khuga Sadar Presbytery (MPCS) Biekin; Ima Keithel Market; Minuthong Bridge, BSNL building near Old Secretariat, Yairipok Bazar shed, Thoubal College building, Thoubal Wangma Taba Manishang Primary School (a sawi thluk); Bishnupur Bazar New Market,Govt. Polytechnic clock tower ( a sawi thluk tawp), Lamboikhongnangkhong retaining wall (tlu), Nungba SDPO’s office, Saikul market shed, Sadar Hills districta Charbung Villagea pil bang zut In 26 a sawithluk a, electric ban thenkhat a tlu bakah Manipur Press Club building khawm a sawikak.
Hi thu ei sut chena thina tuok 8 hai laia hming ei hriet hai chu Imphal west districtah 1) Kangujam Ibotombi Singh (64) S/o (L) Thambaljao, Taobungkhok Awang Leikai, Patsoi PS. 2) Mrs Debumaya Mote (55) W/o Bhim Bahadur of Premnagar, Sekmai PS, 3) Darsha Mote (11) D/o Gopal Mote of Premnagar, Sekmai PS; Imphal Eastah Miss Dijapati (17) D/o Opendro Namasadra, Chandranathpur Latingkhal, Borobekra PS; Moirangthem Sarat (56) S/o M Tomba, Luwangsangbam Makha Leikai, Heingang PS; Senapati Districtah Ms Geeta Rimal (19) D/o Ruk Narayan Rimal of P. Maulding Nepali Part1, Sapermeina PS hai an nih. Mithi hi an la hung pung ring a nih.
Simkhawlei inhning hi NorthEast state hieng Assam, Tripura, Mizoram, Meghalaya, Sikkim, Nagaland le West Bengal haia khawm hriet a ni a, sienkhawm In thenkhat a sawikak met met tinaw chu Manipur ang ema sietna tlung thu hriet a ni nawh. Assam rama chun simkhawlei inhning leiin mi 30 velin hliemna an tuok bakah building thenkhat a sawikak. Hliem inrik ruok chu an um naw a, ti leia ina inthawk an tlansuoknaa insukpal/insukhliem an ni tawl.
Bangladesh a chun mi 3 an thi bakah midang 100 velin hiemna an tuok a, building iemanizat zet a sawikak bawk niin ei thu dawngna chun a hril.
Simkhawlei inhning le inzawm hin zani zingkar khan National CrisisManagement Committee (NCMC) meeting nei a nih. Army le Air Force han sansuokna le sawmdawlna sin an thangpui bakah Assama inthawk National Disaster Response Force team hni Imphal an hung.
Union Home Minister Rajnath Singh chun a tul le pawimaw anga Manipur sawrkar bakah simkhawlei inhning leia harsatna tuok state dang hai kuoma thangpuina a pek ding thu a hril. PM le Home Minister hai chun Manipur CM O.Ibobi Singh bakah NE biela Chief Ministers dang dang hai khawm telephone a biein simkhawlei inhning ngirhmun an hrilpui.
Regional Seismological Centre, Guwahati chun, tuta tuma simkhawlei inhning hi tulai hnaia India hmarsak biela simkhawlei inhning laia a hrat tak le sietna an tlun nasa tak tum niin a hril. NE biel pumpui hi India ram Seismological mapah zone V categorya um niin simkhawlei inhning nuom/tamna huomsunga um a nih.
Sawrkarin zangnadawmna Rs. 5 lakh seng pek dingin
IMPHAL: Manipur sawrkar chun simkhawlei inhning leia thina tuok sungkuo hai kuoma zangnadawmna Rs. 5 lakh seng pek dingin a puong. Simkhawlei inhning leia hliemna tuok RIMS, JNIMS le private Hospital dang dang haia enkawl a um chu hi thu ei sut chena 124 ni tain ei thu dawnbgna chun a hril.
Govt. Spokesperson le Education Minister M. Okendro Singh chun, hliemna tuok hai inenkawlna sum seng po po sawkarin a tum ding thu a hril. Ima Keithel building siet siemthat a ni sung a tul le pawimaw anga women vendors hai ta dinga arrangement siem a ni ding thu le a tul anga relief camp hawng a ni ding thu a hril.
Hieng laizing hin Manipur Disaster Response team chun state le central paramilitary forces hai le thangruolin sansuokna le sawmdawlna sin an thaw mek niin Okendro Singh chun a hril a; CM O.Ibobi Singh le a cabinet ministers le MLA han zanikhan RIMS, JNIMS le Raj Medicity hmuna hiem enkawla um hai an va kan tawl.
Rijiju le Dr Jitendra hai Manipurah
IMPHAL: Simkhawlei inhning le inzawma Manipur ngirhmun a hmuna enfel dingin PM Narendra Modi thupek angin zanikhan Union Minister of State for Home Affairs Kiren Rijiju le Union Minister of state for DoNER Dr Jitendra Singh zanikhan Imphal Airport an hung vuong lut. Manipur CM O.Ibobi Singh bakah state officials hai inhmupuiin simkhawlei inhning in thil a suksiet hai chungthu le ngirhmun an hriltlang.
Schools ni 7 le Govt. Offices ni 2 chawl
IMPHAL: Simkhawlei inhning leia Manipur in sietna nasa tak a tuok le inzawmin Manipur sawrkar chun Govt. Schools, Colleges hai ni 7 sung chawl a puong bakah January 5 le 6, 2016 hai hin essential services offices/departments hieng health, works, PHED, Power, IFCD, security establishments le secretariat hai ti lo Govt. Offices hai General Holiday a puong.
Union minister 2 an hung inzin ding
IMPHAL:Union minister of state (IC) environment, forest and climate change Prakash Javadekar chu January 5, 2015 hin Manipurah a hung inzin ding bakah January 8, 2015 khin Minister of state for rural development Sudharshan Bhagat chu official tuor in a hung inzin ding niin ei thu dawngna chun a hril. Mr Sudarshan Bhagat hi Senapati local grounda social and cultural programmeah a thang ding a ni bakah Senapatia IAY beneficiaries hai an hmupui ring a nih. Mr Prakash Javadekar hi Manipur Forest department hmalakna enfel dinga hun inzin tum a nih.
JAC in Press release an siem
CCPUR: JAC Againsts AntiTribal Bills chun January 2, 2016 khan thusuok (press release) an siem nawk a; JAC in ni 10 sung Special Assembly ko a, Charter of demands sukpuitlingna dinga December 29, 2015 nia Manipur CM le NonTribal MLA hai kuoma inhriettirna an pek thu; December 29, 2015 nia JAC le State sawrkar inbiekna nei huna Chief Minister in Bill 3 hai thuah Central sawrkarin a passed naw ding hre zinga Assembly in an passed a ni thu le Myanmar thangsana um phairam helpawl CorCom hai nawrna (pressure) leia passed a nia a hril thu hai an zieklang.
Hieng laizing hin JAC in Tripartite talk nei dinga rawtna a siem chu state sawrkarin a remti peknaw; amiruokchu CM inrawi nontribal MLA han Bills 3 han Tribal hai ta dinga harsatna an tlun thei ding thil hai pointout a, ziek ngeia pe dinga a ti chu JAC hin an pawm niin an thusuok chun an zieklang.
Medical Emergency RRT numbers
Medical Directorate, Manipur chun simkhawlei inhning le inzawmin Medical Emergencies thilah district tin le State level in Rapid Response Teams (RRT) an din a, RRT medical emergencies numbers chu a hnuoia ang hi a nih-
RRT, Churachandpur- 9862152829, 8258056494;
RRT, Headquarter- 9612555708, 8974035295, 9436026694
Imphal West- 8974009603; 9856089275
Imphal East- 8974035200; 9862236856; 9612186831
Jiribam- 9774522750; 9612021665
Thoubal- 9615901826; 8974009015
Bishnupur- 9436022335; 9436025511
Senapati- 9612042811; 8416074460
Chandel- 9612258678; 8729988519; 9612412938
Moreh- 9436894439
Ukhrul- 8413806564; 9436032231; 8413942523
Tamenglong- 9402415562; 9436683196
Manipur Earth Quake Helpline Numbers :
Police Control Room : 2220100
Fire Service : 101
RIMS : 2414478
JNIMS : 2450385
IMPHAL HOSPITAL : 2411353
SHIJA HOSPITAL : 2414214-2414252
LANGOL VIEW : 2414679-2416288
RAJ MEDICITY : 2441653-2459553
MANIPUR STATE EMERGENCY CONTROL ROOM PHONE NO.:03852443441
VAWISUN THUPUI
Chuongchun, chi ropuitakah siem ka ti cheh a, mal khawm sawm ka ti cheh a, i hming sukropui bawk ka tih: nang malsawmna ni rawh. Genesis 12:2
Editorial
Hringna dinga tlansuok
Pathien thuoina zarin Kum 2016 Kum Thar lawm ei hmang zo hnungah January ni 5, 2016 ei chuongkai nawk der ta a. Hun tha le hun lawmum mi pea, hring le dama ni thar min hmutirtu Pathien chunga lawmthu ei hril a nih. Chanchinbu latu le tiemtu hai popo kum 2016 hi vangneina,hlawtlingna, hriselna le malsawmna kum hung ni ngei dinga ditsakna leh Hmasawnna Thar chun Kum Thar chibai a buk cheu.
Kum 2016 ei hmang tan mek a, mi tam tak chun tukum sunga ei thaw ding hai remruotna fel tak khawm ei siem a ni thei. Sam 90:12 a chun, ‘Kan damsung nihai tiem dan min chuktir la; Varna lungril kan nei pha hiel na dingin” ti ziek ei hmu a. Mihriem chun remruotna ei siem hlak a, sienkhawm sukpuitling tu chu Pathien a ni leiin ei duthusam le remruotna haiah Pathien malsawm tlaka ei um theina ding le a puitling theina dingin kum 2016 kumtir ei hmang tana inthawk ei nitin hun hmang dana Pathien rawn zing puma nun ei khal hi a tul takzet.
Bibleah Sodom le Gomora suolna Pathienin mei le kata a raw hmang ding leia mifel Lota hai sungkuo an hringna dinga tlansuok dinga an hriettirna thu, a Vantirko hai hmanga a tirsuokna thu Genesis Bung 19 chang 17ah ei hmuh. Kum Thar Lawm ei hang hmangzo dek deka, Manipur thangin India hmarsakbiel state hai chu simkhawlei inhning hrat takel richter scale 6.7/6.8 zeta hratin January 4, 2015 zingkar dar 4 vela a mi hang sawi khan chu zing thozo lo hai khawm hring dama la um nuom leiin tuolah ei tlansuok a; Nisa suok hrim hrim hmu phak ngailo tam takin Nisa suok mawi tak ei hmu pha a ni kha. Kha taka inthawk khan Hringna dinga tlansuok a pawimaw zie chieng takin an lang awm ie.
Khawvel hmasawn mek le, a ru dawng dawng hnawchepa, hnawsuokna khawvel; thiemna le varna nasa taka pung pei le suolna nasa taka pung mek kara hin ei hringna dingin iengtin am tlansuok ei ta!. Ei hringna dinga ei tlansuok tulna hai chu inang vawng kher naw nih. Zu hmunsa hmunhlimna; hleprukna, thabona, indiknawna, depdena le ei mimal, insung, kohran, khawtlang le hnamah ei hringna dinga tlansuokna ding tam tak a um a ta, tlansuok nachang hre lova mani umna pangngaia uma, ei thaw pangngai thawa, nun ei hmang a ni chun ei la boral ngei ding a nih. Mi tam tak chun ei ngirhmun derthawng zie, ei damna dinga tlansuok a tul zie ei hrietnaw khawm a ni el thei; Sienkhawm, thil chinchang hre chin hai chun ei hriet a, sienkhawm khawvel thil duamna le hmasielna leiin, hrietnaw tehlem ei thaw leiin ei insung, ei khawtlang, ei kohran le ei hnamah harsatna dang dang ei tuok mek a nih ti inla ei hril suol ring a um nawh.
January 4, 2016 zingkar inhma taka Simkhawlei hrat taka an hning huna khan ei hringna a derthawng ti ei hriet leiin ei hringna ta dingin ei tlansuok sup sup a ni kha! Tulai khawvel boruok inher dan le ei hun tawng mek en khawm hin mitin, sungtin le hnam tin hai ta dingin ei hringna dinga tlansuok a tul zie chieng takin an lang a; AntiTribal Bills 3 hai khawm ei dodal nasan iengdang lei a ni nawh, ei dikna le chanvo lakpeka ei umna ding thil a ni leia ei do a, mi khuoptu ding Dân laka inthawk tlansuok tumna leia Central sawrkar chen inpun ei nih. Hi taka inthawk khawm hin ei ngirhmun derthawng zie hrietnaw tehlem thawa, tlansuok nachang ei la hrietnaw a ni chun ei chan hi inhnar a umnaw hle ding a nih.
Taksa hriselna dinga tha lo a nih ti hre zinga Zu le sa, inruithei bawia lan tang zing dam; hnam hmasawnna ding daltu le fasetu a nih ti hre zinga mani mimal hamthatna le insukkhawpna dinga Pawl hming hmanga sum tlawmtea ei mipui le hnam zawr ei ching dam; indiklo taka sum laklut tumna dam; Election huna inzawr ei ching dam; indiknawna, ringumnawna, depdena le thabona dam, insumtheinawna dam, tlansiet san ding tam tak a um a. AntiTribal Bills 3 han a mi la ben har zonaw a ni khawmin January 4, 2015 zingkara simkhawlei inhning hrat takin ei ram a nuoi a inthawk bek khan thangharin, ei damna dinga tlansuok a pawimawzie hre thar inla nuom a um takzet. Kum bul hlima khanganga hrat Simkhawlei inhningin a mi nawt kha a bik takin Kristien hai khawmin inennawnnain hmang inla nuom a um takzet. Pathien thutak le ama ngaisakna tieng neka khawvel thil (material thing) in ei lungril ngaituona a hluolien lem leia ama ei ngai a, ei ngaisak zuol theina dinga ei hringna dinga tlansuok a tulzie min hriettir a nuom leia khang thil kha a hung thaw khawm a ni el thei! Khawvel thil ropuina; thunei inchuna; thaw thei intina hai peithlaa titakzeta Pathien ei ko a hun ta takzet. Kum bul ei tan chau a ni a, iengang hun harsa am ei la tawng ding ti ei hriet naw a, Simkhawlei inhning nasa lem khawm el la tawng el thei ei hriet nawh. Mitinin ei intangna haia inthawk ei hringna dinga tlansuok ngei dinga kum bula inthawk thang laa, ei mimal, insung, khawtlang, ram le hnam ta dinga nun thar nei seng dingin ei infiel a nih.
CCPUR: District Malaria Department chun kum 2015 sung khan Dengue ringhla mi 336 hai thisen lain an enfel a, hi laia 42 hai chu Dengue positive an nih. Dengue Positive tamna tak Rengkai niin mi 21 an nih. Chun, January - December, 2015 sung khan khawsik mi 20026 hai thisen lain an enfel a, hienghai lai hin Malaria positive 140 an hmu a, hi laia 88 malaria PF an nih. Kum 2015 sung khan Malaria Department,CCPur chun Health Centre 7 huom sunga In 2766 haiah thosilen 7859 hai damdawitui an inchie.
Building thenkhat a suksiet met
CCPUR: January 4, 2015, 4:35 vela Simkhawlei richter scale 6.7 vela hrat an hning lei khan Churachandpur Districta khawm simkhawlei inhning hi a hrat ve hle a, zing tho ngailo tam tak a keitho pha a, himna zawngin mi tam tak an in haia inthawk tuolah an tlansuok tawl. Building thenkhat a sawikak met tinaw chu mihriem thi le hliemna tuok an um thu hriet a ni nawh. Simkhawlei inhning lei hin CCPurah nuhmei pakhat Vahneihling (20) of Gelmol chu zani zingkar 5:30AM khan Dist. Hospital casualty phurlut a ni a, sienkhawm Doctor han an insuoktir nawk tah. Simkhawlei inhningin CCPura building a suksiet met ei hriet thei hai chu Gilgal Children Home, Muolvaiphei (a kak); New Lamka YPA Hall (a sipzum lai chite a sawi chim) le Samulamlan Blocka Chothe Jr. H/S building hai an ni a, hmun danga building a sawikak ruok chu hrietna ei la nei hri nawh. DC/CCPur chun District Disaster Management Respond Team (DDMRT), CCPur chu In le lo suksiet a nei le neinaw enquiry thawa zani ma khan report pe dingin an hriettir.
A thlawna sin thaw an nuom
CCPUR: January 4, 2016 nia Manipura simkhawlei inhning leia ei rama Biekin, Mission Office le Schol building thenkhat a sawikak chu pawi a ti thu Joseph R Joute, For One Life, Asia, Director chun a hril a; EMI (Engineer Ministries International) hnuoia professional engineer le architect hai ei building hai ngirhmun en thlithlai dingin in cha dawk tumin hma lak mek a ni a, sin thahnem tawk thaw ding a um a ni chun EMI chun team hung tir an in huom zing thu le Biekin, Mission/NGO Office le School building hai Engineer le architect hai inentira an thurawn la nuom hai chun (free of cost) Jan. 7, 2016 hma ngeia Pu. Jousanghlei Joute, Rengkai/Apollo Veng, CCPur /09862016701 kuoma intlun (report) dingin an hriettir.
Ineipuia nuhmei hlemtu Police in an man
CCPUR: Mr Thangkhopao Haokip (32) s/o Henkhokam Haokip of H. Mongjang chun thla 3 vel liemtaa inthawk khan Nengkholhing (25) d/o Chungkholun of Moljol chu nuhmeiin a nei a, sienkhawm Thangkhopao hin a ina fepui lovin Hotel le ramtina a riekpui hlak leiin Nengkholhing chun Dec. 30, 2015 khan Policeah complaint a peklut a. Hi dungzui hin Thangkhopao Haokip chu zanikhan Police han manin a vawihnina dingin zanikhan Session Court hmaah an inlangtir a, Court chun January 7, 2016 chen Police Custodya um phawt dingin a rel.
Ms Nengkholhing chun, Thangkhopao Haokip hin 27Assam Riflesa thang nia inhrila an neipui niin a hril a, a chang leh a vuok hlak bakah a naunu (Nengkholhing naunu kum 3 mi) chu suollui dingin a vau bawk hlak niin Police kuoma complaint a peklutnaah a hril.
Thangkhopao Haokip hi nuhmei nei laizing niin, tuta hma khawmin hiengang hin midang a lo hlem ta hlak nia hril a nih. Police chun FIR No. 100 (12) 2015 CCPPS U/S 420/498A/307 IPC & 12/18 POCSO Act an registered khum.
Manmasi Digest Jan. issue
CCPUR: Manmasi Digest January, 2016 issue chu a suok nawk ta a, Agent le lekhabu zawrna dawr tum tum haiah hmu thei ning a tih. Hmar Lengkhawm hla suizauna, US Presidential candidate thubuoi, Hla tawng, Tribal Movement le thu tiemnuom um tak tak tiem ding a um.
ATWU siem Calender tlangzar
CCPUR: All Tribal Women Union, CCPur in Tribal Martyrs hai hrietzingna dinga 2016 Calendar an siem chu January 3, 2015, 2:00PM khan Public Ground, CCPurah Ms Kim Gangte, Convener, All Tribal Women Union (ATWU), Manipur in a hawng a, Pastor Joseph L. Khawbung in Pathien kuoma tawngtainain an hlan. Kim Gangte chun, JAC hi CCPur district chau ni lova district dang haia khawm sukhrat a ni theina dinga mimal le pawl tum tum han an thlawp a pawimaw thu hrilin JAC khawmin sawrkar nawrna dinag strategy tha tak an nei a ngai thu a hril.
LM Khaute in DGP Manipur
CCPUR: Mr L.M. Khaute, IPS chu Director General of Police (DGP) Manipur dinga inkaisangtir a ni a, January 1, 2016 a inthawk khan DGP Manipur sin a chel tan. ZSF GHQ chun lawmpuina le ditsakna an inhlan.
Naupang kum tlinglo sukbuoi
CCPUR: Policea inthawk ei thu dawngnain a hril danin Dec. 28, 2015 khan Rengkai khaw mi naupang iemanizat inpawl hai laia naupang kum 1011 inkar mi 3 hai chun an neka naupang kum 5 mi, kum 79 inkar hai an sawisak (sodomy) a, hi thua hin Dec. 31, 2015 khan sawisaka um naupang sungkuo han Policeah report an pek a, Police han FIR No. 102 (12) 2015 CCPPS U/S 377/34 IPC & 4 POCSO Act an registered bakah zanikhan naupang 5 sawisak hai chu RIMSah medical test dingin an thuoi.
JAC Road Const. Committee in lampui
CCPUR: JAC Against AntiTribal Bills hnuoia Road Construction Committee member han zani zingkar khan YMA Office, Hmuia Vengah joint meeting an nei a, fur ruotui hung tlak hma ngeiin tlangram khuo tum tum hai le infepawna lampui siemthat dan ding, a bikin Mizoram le Manipur infepawna lampui siemthat dan ding an ngaituo. BRO/BRTF fethlengin Mizoram le Manipur inkar lampui siemthat an remtih. JAC Road Construction Committeea Chairman G.Nengdouthang (PTC); Vice ChairmanS. Zam Khan Pau (ZYA); SecyH.Lalhmangaihzuala (YMA); Asst Secy Seilet Mate (MTC); Finance Dal Khan Nang (TCU); TreasurerFrancis Mamang (ZYO); Joint Secretaries ah Planning Thangkhanlun (SSPP); Works L. Paukhanthang (YPA); Infn. Paukhanthang Mate (MSO). MembersDo Lam Thang (TCYA); HVL Hruaia (MPC);Lalniropuia (MZP) bakah ExOfficio Members All Convenors of JAC hai an nih.
Simkhawlei inhning leiin Manipurah 8 an thi; mi 100 chuong an hliem
Sawrkar thlungpuiin a tul anga thangpuina hung pek a tiem
IMPHAL: January 4, 2015 zingkar 4:35AM vela Manipur thanga India hmarsak states le Bangladesh ram hmun thenkhata simkhawlei richter scale 6.7a hrat an hning lei khan Manipura chun hi thu ei sut chena mi 8 an thi bakah midang za chuongin hliemna an tuok. Simkhawlei hung inhning tanna (Epicentre) hi Imphala inthawk Km. 33 vela hla Noney, Tamenglong distict hnuoi km. 17 vela inthuk a inthawk intan a hril a nih.
Simkhawlei inhning lei hin Imphala chun building tam tak a sawichim bakah a sawikak tawl. Building a sawikak le suksiet hai lai Presbyterian Church, Leimakhong (Khuga Sadar Presbytery (MPCS) Biekin; Ima Keithel Market; Minuthong Bridge, BSNL building near Old Secretariat, Yairipok Bazar shed, Thoubal College building, Thoubal Wangma Taba Manishang Primary School (a sawi thluk); Bishnupur Bazar New Market,Govt. Polytechnic clock tower ( a sawi thluk tawp), Lamboikhongnangkhong retaining wall (tlu), Nungba SDPO’s office, Saikul market shed, Sadar Hills districta Charbung Villagea pil bang zut In 26 a sawithluk a, electric ban thenkhat a tlu bakah Manipur Press Club building khawm a sawikak.
Hi thu ei sut chena thina tuok 8 hai laia hming ei hriet hai chu Imphal west districtah 1) Kangujam Ibotombi Singh (64) S/o (L) Thambaljao, Taobungkhok Awang Leikai, Patsoi PS. 2) Mrs Debumaya Mote (55) W/o Bhim Bahadur of Premnagar, Sekmai PS, 3) Darsha Mote (11) D/o Gopal Mote of Premnagar, Sekmai PS; Imphal Eastah Miss Dijapati (17) D/o Opendro Namasadra, Chandranathpur Latingkhal, Borobekra PS; Moirangthem Sarat (56) S/o M Tomba, Luwangsangbam Makha Leikai, Heingang PS; Senapati Districtah Ms Geeta Rimal (19) D/o Ruk Narayan Rimal of P. Maulding Nepali Part1, Sapermeina PS hai an nih. Mithi hi an la hung pung ring a nih.
Simkhawlei inhning hi NorthEast state hieng Assam, Tripura, Mizoram, Meghalaya, Sikkim, Nagaland le West Bengal haia khawm hriet a ni a, sienkhawm In thenkhat a sawikak met met tinaw chu Manipur ang ema sietna tlung thu hriet a ni nawh. Assam rama chun simkhawlei inhning leiin mi 30 velin hliemna an tuok bakah building thenkhat a sawikak. Hliem inrik ruok chu an um naw a, ti leia ina inthawk an tlansuoknaa insukpal/insukhliem an ni tawl.
Bangladesh a chun mi 3 an thi bakah midang 100 velin hiemna an tuok a, building iemanizat zet a sawikak bawk niin ei thu dawngna chun a hril.
Simkhawlei inhning le inzawm hin zani zingkar khan National CrisisManagement Committee (NCMC) meeting nei a nih. Army le Air Force han sansuokna le sawmdawlna sin an thangpui bakah Assama inthawk National Disaster Response Force team hni Imphal an hung.
Union Home Minister Rajnath Singh chun a tul le pawimaw anga Manipur sawrkar bakah simkhawlei inhning leia harsatna tuok state dang hai kuoma thangpuina a pek ding thu a hril. PM le Home Minister hai chun Manipur CM O.Ibobi Singh bakah NE biela Chief Ministers dang dang hai khawm telephone a biein simkhawlei inhning ngirhmun an hrilpui.
Regional Seismological Centre, Guwahati chun, tuta tuma simkhawlei inhning hi tulai hnaia India hmarsak biela simkhawlei inhning laia a hrat tak le sietna an tlun nasa tak tum niin a hril. NE biel pumpui hi India ram Seismological mapah zone V categorya um niin simkhawlei inhning nuom/tamna huomsunga um a nih.
Sawrkarin zangnadawmna Rs. 5 lakh seng pek dingin
IMPHAL: Manipur sawrkar chun simkhawlei inhning leia thina tuok sungkuo hai kuoma zangnadawmna Rs. 5 lakh seng pek dingin a puong. Simkhawlei inhning leia hliemna tuok RIMS, JNIMS le private Hospital dang dang haia enkawl a um chu hi thu ei sut chena 124 ni tain ei thu dawnbgna chun a hril.
Govt. Spokesperson le Education Minister M. Okendro Singh chun, hliemna tuok hai inenkawlna sum seng po po sawkarin a tum ding thu a hril. Ima Keithel building siet siemthat a ni sung a tul le pawimaw anga women vendors hai ta dinga arrangement siem a ni ding thu le a tul anga relief camp hawng a ni ding thu a hril.
Hieng laizing hin Manipur Disaster Response team chun state le central paramilitary forces hai le thangruolin sansuokna le sawmdawlna sin an thaw mek niin Okendro Singh chun a hril a; CM O.Ibobi Singh le a cabinet ministers le MLA han zanikhan RIMS, JNIMS le Raj Medicity hmuna hiem enkawla um hai an va kan tawl.
Rijiju le Dr Jitendra hai Manipurah
IMPHAL: Simkhawlei inhning le inzawma Manipur ngirhmun a hmuna enfel dingin PM Narendra Modi thupek angin zanikhan Union Minister of State for Home Affairs Kiren Rijiju le Union Minister of state for DoNER Dr Jitendra Singh zanikhan Imphal Airport an hung vuong lut. Manipur CM O.Ibobi Singh bakah state officials hai inhmupuiin simkhawlei inhning in thil a suksiet hai chungthu le ngirhmun an hriltlang.
Schools ni 7 le Govt. Offices ni 2 chawl
IMPHAL: Simkhawlei inhning leia Manipur in sietna nasa tak a tuok le inzawmin Manipur sawrkar chun Govt. Schools, Colleges hai ni 7 sung chawl a puong bakah January 5 le 6, 2016 hai hin essential services offices/departments hieng health, works, PHED, Power, IFCD, security establishments le secretariat hai ti lo Govt. Offices hai General Holiday a puong.
Union minister 2 an hung inzin ding
IMPHAL:Union minister of state (IC) environment, forest and climate change Prakash Javadekar chu January 5, 2015 hin Manipurah a hung inzin ding bakah January 8, 2015 khin Minister of state for rural development Sudharshan Bhagat chu official tuor in a hung inzin ding niin ei thu dawngna chun a hril. Mr Sudarshan Bhagat hi Senapati local grounda social and cultural programmeah a thang ding a ni bakah Senapatia IAY beneficiaries hai an hmupui ring a nih. Mr Prakash Javadekar hi Manipur Forest department hmalakna enfel dinga hun inzin tum a nih.
JAC in Press release an siem
CCPUR: JAC Againsts AntiTribal Bills chun January 2, 2016 khan thusuok (press release) an siem nawk a; JAC in ni 10 sung Special Assembly ko a, Charter of demands sukpuitlingna dinga December 29, 2015 nia Manipur CM le NonTribal MLA hai kuoma inhriettirna an pek thu; December 29, 2015 nia JAC le State sawrkar inbiekna nei huna Chief Minister in Bill 3 hai thuah Central sawrkarin a passed naw ding hre zinga Assembly in an passed a ni thu le Myanmar thangsana um phairam helpawl CorCom hai nawrna (pressure) leia passed a nia a hril thu hai an zieklang.
Hieng laizing hin JAC in Tripartite talk nei dinga rawtna a siem chu state sawrkarin a remti peknaw; amiruokchu CM inrawi nontribal MLA han Bills 3 han Tribal hai ta dinga harsatna an tlun thei ding thil hai pointout a, ziek ngeia pe dinga a ti chu JAC hin an pawm niin an thusuok chun an zieklang.
Medical Emergency RRT numbers
Medical Directorate, Manipur chun simkhawlei inhning le inzawmin Medical Emergencies thilah district tin le State level in Rapid Response Teams (RRT) an din a, RRT medical emergencies numbers chu a hnuoia ang hi a nih-
RRT, Churachandpur- 9862152829, 8258056494;
RRT, Headquarter- 9612555708, 8974035295, 9436026694
Imphal West- 8974009603; 9856089275
Imphal East- 8974035200; 9862236856; 9612186831
Jiribam- 9774522750; 9612021665
Thoubal- 9615901826; 8974009015
Bishnupur- 9436022335; 9436025511
Senapati- 9612042811; 8416074460
Chandel- 9612258678; 8729988519; 9612412938
Moreh- 9436894439
Ukhrul- 8413806564; 9436032231; 8413942523
Tamenglong- 9402415562; 9436683196
Manipur Earth Quake Helpline Numbers :
Police Control Room : 2220100
Fire Service : 101
RIMS : 2414478
JNIMS : 2450385
IMPHAL HOSPITAL : 2411353
SHIJA HOSPITAL : 2414214-2414252
LANGOL VIEW : 2414679-2416288
RAJ MEDICITY : 2441653-2459553
MANIPUR STATE EMERGENCY CONTROL ROOM PHONE NO.:03852443441
VAWISUN THUPUI
Chuongchun, chi ropuitakah siem ka ti cheh a, mal khawm sawm ka ti cheh a, i hming sukropui bawk ka tih: nang malsawmna ni rawh. Genesis 12:2
Editorial
Hringna dinga tlansuok
Pathien thuoina zarin Kum 2016 Kum Thar lawm ei hmang zo hnungah January ni 5, 2016 ei chuongkai nawk der ta a. Hun tha le hun lawmum mi pea, hring le dama ni thar min hmutirtu Pathien chunga lawmthu ei hril a nih. Chanchinbu latu le tiemtu hai popo kum 2016 hi vangneina,hlawtlingna, hriselna le malsawmna kum hung ni ngei dinga ditsakna leh Hmasawnna Thar chun Kum Thar chibai a buk cheu.
Kum 2016 ei hmang tan mek a, mi tam tak chun tukum sunga ei thaw ding hai remruotna fel tak khawm ei siem a ni thei. Sam 90:12 a chun, ‘Kan damsung nihai tiem dan min chuktir la; Varna lungril kan nei pha hiel na dingin” ti ziek ei hmu a. Mihriem chun remruotna ei siem hlak a, sienkhawm sukpuitling tu chu Pathien a ni leiin ei duthusam le remruotna haiah Pathien malsawm tlaka ei um theina ding le a puitling theina dingin kum 2016 kumtir ei hmang tana inthawk ei nitin hun hmang dana Pathien rawn zing puma nun ei khal hi a tul takzet.
Bibleah Sodom le Gomora suolna Pathienin mei le kata a raw hmang ding leia mifel Lota hai sungkuo an hringna dinga tlansuok dinga an hriettirna thu, a Vantirko hai hmanga a tirsuokna thu Genesis Bung 19 chang 17ah ei hmuh. Kum Thar Lawm ei hang hmangzo dek deka, Manipur thangin India hmarsakbiel state hai chu simkhawlei inhning hrat takel richter scale 6.7/6.8 zeta hratin January 4, 2015 zingkar dar 4 vela a mi hang sawi khan chu zing thozo lo hai khawm hring dama la um nuom leiin tuolah ei tlansuok a; Nisa suok hrim hrim hmu phak ngailo tam takin Nisa suok mawi tak ei hmu pha a ni kha. Kha taka inthawk khan Hringna dinga tlansuok a pawimaw zie chieng takin an lang awm ie.
Khawvel hmasawn mek le, a ru dawng dawng hnawchepa, hnawsuokna khawvel; thiemna le varna nasa taka pung pei le suolna nasa taka pung mek kara hin ei hringna dingin iengtin am tlansuok ei ta!. Ei hringna dinga ei tlansuok tulna hai chu inang vawng kher naw nih. Zu hmunsa hmunhlimna; hleprukna, thabona, indiknawna, depdena le ei mimal, insung, kohran, khawtlang le hnamah ei hringna dinga tlansuokna ding tam tak a um a ta, tlansuok nachang hre lova mani umna pangngaia uma, ei thaw pangngai thawa, nun ei hmang a ni chun ei la boral ngei ding a nih. Mi tam tak chun ei ngirhmun derthawng zie, ei damna dinga tlansuok a tul zie ei hrietnaw khawm a ni el thei; Sienkhawm, thil chinchang hre chin hai chun ei hriet a, sienkhawm khawvel thil duamna le hmasielna leiin, hrietnaw tehlem ei thaw leiin ei insung, ei khawtlang, ei kohran le ei hnamah harsatna dang dang ei tuok mek a nih ti inla ei hril suol ring a um nawh.
January 4, 2016 zingkar inhma taka Simkhawlei hrat taka an hning huna khan ei hringna a derthawng ti ei hriet leiin ei hringna ta dingin ei tlansuok sup sup a ni kha! Tulai khawvel boruok inher dan le ei hun tawng mek en khawm hin mitin, sungtin le hnam tin hai ta dingin ei hringna dinga tlansuok a tul zie chieng takin an lang a; AntiTribal Bills 3 hai khawm ei dodal nasan iengdang lei a ni nawh, ei dikna le chanvo lakpeka ei umna ding thil a ni leia ei do a, mi khuoptu ding Dân laka inthawk tlansuok tumna leia Central sawrkar chen inpun ei nih. Hi taka inthawk khawm hin ei ngirhmun derthawng zie hrietnaw tehlem thawa, tlansuok nachang ei la hrietnaw a ni chun ei chan hi inhnar a umnaw hle ding a nih.
Taksa hriselna dinga tha lo a nih ti hre zinga Zu le sa, inruithei bawia lan tang zing dam; hnam hmasawnna ding daltu le fasetu a nih ti hre zinga mani mimal hamthatna le insukkhawpna dinga Pawl hming hmanga sum tlawmtea ei mipui le hnam zawr ei ching dam; indiklo taka sum laklut tumna dam; Election huna inzawr ei ching dam; indiknawna, ringumnawna, depdena le thabona dam, insumtheinawna dam, tlansiet san ding tam tak a um a. AntiTribal Bills 3 han a mi la ben har zonaw a ni khawmin January 4, 2015 zingkara simkhawlei inhning hrat takin ei ram a nuoi a inthawk bek khan thangharin, ei damna dinga tlansuok a pawimawzie hre thar inla nuom a um takzet. Kum bul hlima khanganga hrat Simkhawlei inhningin a mi nawt kha a bik takin Kristien hai khawmin inennawnnain hmang inla nuom a um takzet. Pathien thutak le ama ngaisakna tieng neka khawvel thil (material thing) in ei lungril ngaituona a hluolien lem leia ama ei ngai a, ei ngaisak zuol theina dinga ei hringna dinga tlansuok a tulzie min hriettir a nuom leia khang thil kha a hung thaw khawm a ni el thei! Khawvel thil ropuina; thunei inchuna; thaw thei intina hai peithlaa titakzeta Pathien ei ko a hun ta takzet. Kum bul ei tan chau a ni a, iengang hun harsa am ei la tawng ding ti ei hriet naw a, Simkhawlei inhning nasa lem khawm el la tawng el thei ei hriet nawh. Mitinin ei intangna haia inthawk ei hringna dinga tlansuok ngei dinga kum bula inthawk thang laa, ei mimal, insung, khawtlang, ram le hnam ta dinga nun thar nei seng dingin ei infiel a nih.
