HPC(D) in ralthuom an lak hai an hung thak kir hma chu inbiek ni naw nih

Aizawl, December 10,2015 (Virthli): Mizoram Home Minister R Lalzirliana chun vawisun khan March 28 nia Zokhawthieng bula HPC (D) hai lo lambunna a thi - Sub Inspector Zoramthara Khawlhring le driver Lalchuailova a sunghai kuoma Rs. 10 lakh veve an hlana, Hmangaihmawia ruokchu a sunghai an hung thei naw leiin a hnunga pek dinga ti a nih.

Hi lambunna a thang HPC (D) mi le sa pakhat kaphlum a ni taa, 6 man anni ta bawka chun HPC (D) lo thangpuitua intum mi thenkhat man ani ta bawk a nih.

Hi huna hin Lalzirliana chun Mizoram chun Zokhawthieng lambunna a thang helpawl hai man vawng an nia, jail ah thun anni hma khat chu tosan ni naw ni hai a tia, HPC (D) thuoitu haiin inbiek an nuom thu an hung hrila chu lambunna a silai le a mu an lak hai an hung thak kir hma chu inbiekpui ni naw ni hai tiin a hril bawk a nih.