Thenmuol Local Church in Silver Jubilee an hmang
CCPUR: Thenmuol Local Church chun zani 11:00AM khan Thenmuol Local Churchah kum 25 Silver Jubilee lawmna an nei. Silver Jubilee lungdaw hawngna Pastor Zosangkhum in a nei a, Pathien kuoma tawngtainain an hlan nghal bawk.
Zanita Silver Jubilee hawngna huna hin Pastor Zosangkhum inrawinain kohran member han kum 25 liemta sunga an member fam lo chang ta hai sunna hun an hmang bawk. Jubilee lungdaw hawng zo hin Jubilee Choir han hlapawl an sak a, hi zo hin Upa Lalthakhum in Jubilee Souvenir hawngna a nei bawk.
Silver Jubilee hi December 15, 2015 hin sunzawm ning a ta, Zing inkhawm 11:00AM a thuhriltu ding chu Rev. Robinson Zote, Cambodia ning a ta, zantieng Silver Jubilee lawmna ruoi the ni bawk a tih. Zan program 5PM in hmang nawk ning ata, Silver Jubilee star result puongna, thilpek inhlanna le hla ngaithlakna um a tih.
Cold Storage cabinet pakhat fit zo
CCPUR: District Hospitala mithi ruong se loa sawttak siethat theina Cold Storage cabinet 2 hungtlung hai laia cabinet pakhat (ruong 6 um theina) chu zanikhan Engineers 3 han an fit zo ta a, martyrs hai ruong sielut nghal an nih. Vawisun hin Unit pakhat lem fit tan nawk an tih.
Bankers meet nei
CCPUR: Zani zantieng 1:00PM khan CEO/ADCC Office chamberah Bankers meeting nei a nih. Hi huna hin CT Lian,MDC, ADCC inrawinain SBI, MSCB, MRB, UCO, Vijaya, HDFC, Axis, ICICI le NABARD haia inthawk Manager hai thangin thingpui dawn tlangna an nei bawk. Hi huna hin Bank tum tuma mipuiin sum an sielut (deposit) hai mipui laia a tam thei ang taka loan a ni thei dan ding an hriltlang.
Voters Youth Festival la thul phawt
CCPUR: December 19, 2015 nia Voters Youth Festival nei ding tumna le inzawmin zani zantieng 1:30PM khan Election Department, CCPur le Ambassador han meeting an nei. Hi huna hin Voter Youth Festival hmang dan ding tentative programme le incharge ding ruotna an nei. Amiruokchu District Hospital Morgue a mithi ruong vui loa an la um leiin programme hi tiemchin um loa la sawn an remtih.
Khuo thar hawng
CCPUR: Mr Thangkhosei Guite le a sung han New Lamka areaa khuo thar an sat ‘G. Tonjang Village’ chu zani zantieng 2PM khan EBCC Biekin hmun ding, Raja Goukhothang Road & Culvert hawngna hun hmang a nih. K.Guite, Adviser Guite Innpi in Culvert le Raja Goukhothang Road hai a hawng a, Rev. Thangkhangin, Director of Institution, EBC in G. Tonjang village ram inhlanna a nei. Thangkhosei Guite in Biekin hmun ding ram a pek hi 72x36 a lien a ni a, hi hmuna hin Rev. Sonna Langzakham, DS Lamka South Division in Biekin hmun ding lungphumna neiin Pathien kuoma inhlanna a nei nghal bawk.
Rajya Sabha rorel thei lova sukbuoi nawk a nih: GST thuah Consensus a la um thei nawh
NEW DELHI: Rajya Sabha a chun zanikhan Opposition parties han Punjaba dalit mi that a nina thuah Punjab sawrkar thiek dinga an ngennaa risie nasa taka an siem leiin vawi 5 lai zet inthung sukchawl lailawk a ni a, Opposition han risie an siem zawm pei leiin zanita Rajya Sabha inthung chu rorel thei loa umin zanita dinga sukchawl a nih. Rajya Sabhaa Opposition han risie an siem leia ni 5 a zawna rorel thei lova an um na a ni tah. Kar hmasa khan Rajya Sabha a chun National Herald chanchinbu chungthuah Rajya Sabha inthung rorel thei lovin an lo siem ta bawk a nih.
RS inthung vawi 5 sukchawl hnunga zani zantieng dar 3a Rajya Sabha inthung nawk huna Congress le BSP member hai chun Punjab sawrkar thiek dinga ngena an khek laiin Treasury bench tieng chun hnam hnufuol hai humhalna dinga Opposition hai ngenna sukpuitlingna ding chu Scheduled Castes and Scheduled Tribes (Prevention of Atrocities) Amendment Bill, 2015 pass a nih tia hrilin hi bill hi pass an nuom thu an kheksuokpui ve a. Deputy Chairman Prof. PJ. Kurien chun hi bill hi Dalit issue tho a nih tia hrilin risie siem member hai chu thlawp dingin a ngen a, Soial Justice and Empowerment Minister Thavarchand Gehlow chun hi Bill hi a pawimaw em leiin hriltlang kher lova pass dingin Chair a ngen a nih.
Hieng laizing hin zanikhan Union Finance Minister Arun Jaitley chun Goods and Services Tax (GST) thuah zanikhan senior Congress leader le Rajya Sabha member Anand Sharma an hmupui a, sienkhawm inlungruolna (consensus) iengkhawm a la um thei nawh. Hi inbieknaa hin Parliamentary Affairs Minister Venkaiah Naidu le External Affairs Minister Sushma Swaraj hai bakah Congress tiengpangah Ghulam Nabi Azad le Jyotiraditya Scindia hai khawm an thang.
GST Bill hi Lok Sabhaa passed tah, Rajya Sabhaah BJP minority an ni leia hmasawn thei loa la um zing a ni a, tuta tum hin sawrkar chun pass ngei tumin PM hlui Dr Manmohan Singh le Congress President Sonia Gandhi hai khawm tuta hma khan PM Narendra Modi chun thingpui dawnpuiin a lo hriltlangpui ta a nih. Amiruokchu, Congress chun hi Bill a thil pathum siemthat an ngiet tlat leia Rajya Sabhaa lan tang a nih. Congress in siemthat dinga an phut hai hi ‘nonnegotiable’ a nih tiin an thang tlat a nih. Tuhin Parliament session inthung ding ni 6 sung hun a la um a. Opposition han inpui inthung rorel thei lova an siem zing lei hin tuta Parliament Session sung hin GST Bill pass hman a beiseinaw tieng a ni thu Finance Minister Arun Jaitley chun a hril.
Official team hai an hung kir nawk tah
IMPHAL: Imphal (Manipur) le Mandalay (Myanmar) inkara Bus in service tir tumna le inzawma Manipur CM O.Ibobi Singh in December 9, 2015 nia Imphal hotela a vailiem India team mi 27 hai chuongna Bus chu zanikhan an hungkir nawk ta a, zani zantieng 2PM khan Moreh, Manipur an hungtlung tah.
CHC Jiribam an enfel
JIRIBAM:Democratic Students Alliance of Manipur (DESAM) Jiri Local Council Jiribam le Coalition Against Drugs & Alcohol (CADA) Jiribam District Committee hai chun zani 11:00AM khan Community Health Centre (CHC) Jiribam an enfel. Doctors 22 duty/um dinga ti a ni laiin Doctor 5 chau an lo um. Hi chungthua hin pawl pahni hai chun thuneitu hai an rang thei anga enfel le hma la dingin an ngen.
CEE result puong
IMPHAL: Soldier General Duty le Soldier Technical lakna dinga Rangapahar, Kohima le Shillong a technical rally November 29, 2015 nia neia um result puong a ni ta a, hlawtlingna chang candidates hai chun Army Recruiting Office, Rangapahar hmuna Dec. 1722, 2015, 8AM5PM inkar sung mani document hai chawia lak thei a nih. Result hi en thei dingin PIB (Defence), M. Sector, Imphal Notice Boardah tar a nih.
Sainik School in 41st Annual Athletic Meet
IMPHAL: Zanikhan Sainik School, Imphal chun 41st Athletic Meet an school groundah an nei a, hi huna hin W. Bhaktaraj Singh, Director, Youth Affairs & Sport, Govt. of Manipur chu khuolliena thangin athletic meet hi a hawng. Khuollien chun, games and sports hi mihriem hringnuna thil pawimaw tak a ni thu a hril. Athletic meet hi December 16, 2015 chen aw ding a nih.
Blockade in Manipurah inhmangna nasa tak
IMPHAL: Manipura chun pawl tum tum han an khat tawka Economic Blockades an thaw hlak leiin state sawrkar ta dingin inhmangna nasa tak an tlun pha. Tulai hnai December 2, 2015 zanrila inthawk Civil Societies of Sadar Hills in an lampui siemtha dinga ngennaa Kuki Inpi, KSO le Kuki Women Union hai le thangruola blockade an thaw khawm kha hlip nita sienkhawm sawrkarin sum nasa takin an hmang pha a, ni khata sawrkarin sum an hmang pha hi Rs. 23 crore vela hisap niin ei thu dawngna chun a hril.
Rajya Sabha rorel thei lova sukbuoi nawk a nih: GST thuah Consensus a la um thei nawh
NEW DELHI: Rajya Sabha a chun zanikhan Opposition parties han Punjaba dalit mi that a nina thuah Punjab sawrkar thiek dinga an ngennaa risie nasa taka an siem leiin vawi 5 lai zet inthung sukchawl lailawk a ni a, Opposition han risie an siem zawm pei leiin zanita Rajya Sabha inthung chu rorel thei loa umin zanita dinga sukchawl a nih. Rajya Sabhaa Opposition han risie an siem leia ni 5 a zawna rorel thei lova an um na a ni tah. Kar hmasa khan Rajya Sabha a chun National Herald chanchinbu chungthuah Rajya Sabha inthung rorel thei lovin an lo siem ta bawk a nih.
RS inthung vawi 5 sukchawl hnunga zani zantieng dar 3a Rajya Sabha inthung nawk huna Congress le BSP member hai chun Punjab sawrkar thiek dinga ngena an khek laiin Treasury bench tieng chun hnam hnufuol hai humhalna dinga Opposition hai ngenna sukpuitlingna ding chu Scheduled Castes and Scheduled Tribes (Prevention of Atrocities) Amendment Bill, 2015 pass a nih tia hrilin hi bill hi pass an nuom thu an kheksuokpui ve a. Deputy Chairman Prof. PJ. Kurien chun hi bill hi Dalit issue tho a nih tia hrilin risie siem member hai chu thlawp dingin a ngen a, Soial Justice and Empowerment Minister Thavarchand Gehlow chun hi Bill hi a pawimaw em leiin hriltlang kher lova pass dingin Chair a ngen a nih.
Hieng laizing hin zanikhan Union Finance Minister Arun Jaitley chun Goods and Services Tax (GST) thuah zanikhan senior Congress leader le Rajya Sabha member Anand Sharma an hmupui a, sienkhawm inlungruolna (consensus) iengkhawm a la um thei nawh. Hi inbieknaa hin Parliamentary Affairs Minister Venkaiah Naidu le External Affairs Minister Sushma Swaraj hai bakah Congress tiengpangah Ghulam Nabi Azad le Jyotiraditya Scindia hai khawm an thang.
GST Bill hi Lok Sabhaa passed tah, Rajya Sabhaah BJP minority an ni leia hmasawn thei loa la um zing a ni a, tuta tum hin sawrkar chun pass ngei tumin PM hlui Dr Manmohan Singh le Congress President Sonia Gandhi hai khawm tuta hma khan PM Narendra Modi chun thingpui dawnpuiin a lo hriltlangpui ta a nih. Amiruokchu, Congress chun hi Bill a thil pathum siemthat an ngiet tlat leia Rajya Sabhaa lan tang a nih. Congress in siemthat dinga an phut hai hi ‘nonnegotiable’a nih tiin an thang tlat a nih. Tuhin Parliament session inthung ding ni 6 sung hun a la um a. Opposition han inpui inthung rorel thei lova an siem zing lei hin tuta Parliament Session sung hin GST Bill pass hman a beiseinaw tieng a ni thu Finance Minister Arun Jaitley chun a hril.
LSah Atomic Energy (Amendment) Bill2015 passed
NEW DELHI: Lok Sabha a chun zanikhan voice vote in member han Atomic Energy (Amendment) Bill, 2015 an passed. Hi bill hi ei rama power tamlem siemsuokna dinga nuclear project thar indinna ding kawnga harsatna um hai siemthat (amend) theina ding bill a ni a, hi dungzui hin Nuclear Power Corporation of India Limited (NPCIL) chun Public sector undertaking hai leh nuclear power plant indinnaah an thawtlang thei ding bakah sawrkarin nuclear power plant indinna ding kawnga jointventure licence a pek thei ding a nih. Minister of state for Atomic Energy and Space Dr Jitendra Singh chun, sawrkar thlungpuiin kum 2020 chenah nuclear energy hmangin power megawat 13,000 siemsuok a tum thu le, nuclear programme hi ralthuom siemna tiengpang tinzawn lova a him thei ang taka fepui a ni ding thu a hril.
Samak kaptu mi 2 kap hlum
GUWAHATI: Assam rama Kaziranga National Park (KNP) a chun Bagori rangeah security forces han dan kala sapeltu mi 2 an kap hlum a, an kuta inthawk silai le a mu iemanizat hmu a ni bawk. Tukum sung hin Security Forces han Kaziranga National Parkah dan lova sapeltu (poachers) 20 an kap hlum ta a; Sa peltu han tukum sung hi parka hin Samak 15 zet an kap hlum ta bawk a nih.
Maoist han Mobile tower an suksiet
KORAPUT: Odisha a Koraput district sunga Kathpada village a chun zanikhan Maoist helpawl ni dinga ringhla han Private cellular company ta Mobile Tower an suksiet. Mobile tower hi tulai hnai ela kha siemzo, la hmang tan lo a nih. Maoist hai hin tower bakah battery room le generator hai khawm an suksiet vawng niin SP, Koraput, Charan Singh Meena chun a hril a, thi le hliemna tuok ruok chu an um nawh.
Thuoihmanga um Meghalaya Police a thisaa hmu
SHILLONG: November 6, 2015 nia GNLA helpawl ni dinga ringhla han North Garo Hills districta Rongdongre hmuna inthawka an thuoihmang Meghalaya Policea Havildar Khomraj Bhattarai ruong chu zani hmas khan ramhnuoiah a thisaa hmu niin Inspector General incharge Operations G.H.P. Raju chun a hril. A ruong hi autopsy thaw dingin Mendipathar hospital –a sie a nih.
India le Pak. inbiekna sukbuoi ninaw nih
NEW DELHI: External Affairs Minsiter Sushma Swaraj chun zanikhan Lok Sabhaah Pakistan khawpui Islamabad hmuna Heart of Asia Conference a thangna report pein, inremna le muongna a um theina dinga Pakistan le inbiekna nei le sukbuoi a ninaw ding thu a hrilin; hieng ram pahni hai kara inringtawnna a um chauin inbiekna hi a hlawtling thei ding thu le inbiekna haiah insumdawngtuona le sakhuo hmun thienghlim hai insir tawnna chungthu hai hriltlangsa a ni ding thu a hril. India le Pakistan hai chun terrorist hai chetna hrim hrim do tlang a, tukdawl an remtitlang tiin a hril bawk.
Dec. 16 in Assam le Tripura bandh
GUWAHATI: ABSU, JACAS, ADSU, NDFB(P) & PJACBM hai inthlungkhawmna National Federation for New States chun Bodoland, Karbi State, Dimaraji le Tripraland siem dinga ngennain December 16, 2015, 5AM5PM inkar sung khin darkar 12 sung Assam le Tripura Bandh thaw an tum.
VAWISUN THUPUI
Chun, Marin, “Ka hringnan Lalpa a chawimawi a, Ka thlarau khawm a mi sandamtu Pathien chungah a lawm bek bek a, Luka 1:4647
Editorial
Cold Storage
Manipur Assembly in August 31, 2015 nia Bills 3 a passed hai dodalna leia Manipur tlangram district, a bikin Churachandpur Districta helna nasa tak hung um le inzawma mi 9 zetin hringna an chan phana chun Churachandpur districta la um ngailo, thil thar, Manipura khawm district hospital dang haia la um lo mithiruong siethatna ding Cold Storage ei nei thar a; Martyrs hai ruong vui lova la umzing ngaituo chun thil lawmum tak khawm a ni lai zingin rapum tak chu a ni ngei el.
Hieng Cold Storage Unit pahni ruong 12 zet siethat theina ding hi ei movement le inzawma Tribal Martyrs hai ruong vui lova hun sawt tak siethat ani theina dinga Joint Phillanthropic Organisation (JPO), CCPur in CMO/CCPur fethlenga ngenna an siem le inzawma Directorate of Health Services fethlenga Manipur sawrkarin Rs 16, 24,750/ zet senga M/S RS Cooling Appliance Company a inthawka an chawk, a hung tlung hun dinga ti baw pela vawi iemanizat sukhnuk (delayed) a ni hnunga December 9, 2015 nia kha Churachandpur hung phurtlung an nih.
A hungtlung le inruol hin Guwahatia inthawk Company Engineers han chawl loin installation an thaw nghal a, zanikhan Unit pakhat (ruong 6 um theina) chu an fit zo a, ruong hai khawm an sielut nghal a nih. Tuta inthawk ni 1/ 2 hnungah Unit pakhat lem khawm hi fit zoin martyrs hai ruong chu a rengin Cold Storage sungah sielut nitang a ta, buoipui sawl tul der lovin sawttak siethat thei a hung ni ta ding a nih. Cold Storage umnaw lei hin JPO chun ruong hai siethat le enkawlna kawngah tha le zung, sum le pai tam tak an lo seng ta a, a hrana sum seng tul ta lo dinga hienganga Cold Storage ei hung nei thei hi thiltha, lawmum le hmasawnna pakhat chu a nih.
Hieng laizing hin a thei china Cold Storage hmang tul lo dingin um thei hram inla nuom a um a, a hmangtu ni tumnaw bawk inla nuom a um. Thiltha le hmasawnna chikhat a ni lai zinga hi thil thar in a hung intlun ding nia inlang chu, thil iemani meta thina tuok amani ei um chang, hmang tangkai phet phet tuma ruong lak loa sie tum pawl ei la hung um thei leiin lawm a um lai zingin a tha naw zawng le tul lo baksaka hmang tum pawl hung umin, ruong um leia mipui sosang leia buoina nasa lem ei tuok inlau a um angreng.
Eini tlangmi hai dana chun mi an thi ta chun an ruong sawt tak sie hi ei thaw ngai lo thil a ni a. Amiruokchu, tu tieng tieng hin phairam mi hai thawdan ei entawn lei am a ni ding, ruong siethatna (cold storage) ei neinaw sa khawmin Morguea lut ta hnung chu thubuoi sukfel a ni hmakhat lakdawk lova sie ei hung ching ta a. Thil tha mani a thanaw khawm hriet an tak. Thina hrim hrim hi a nep bik a um naw a, lung a thawng hle hlak. Naute, nunghak, tlangval le puitling khawm nisien, thina hrim hrim hin nghawng a nei na hle hlak, a san chu khawvela mihriem ei inzinna tawpna a ni lei a nih. Thi thaa thi hai chu Kohran programme siemna hnuoia buoina um lovin ei vuiliem el hlak.
Hieng laizing hin thi tha lo, inthathatna leia thina nasa taka ei rama a hung pung lai meka hiengang ruong sawt tak siethat theina ei nei hin iem a hung kakhawk ding; ei rama hnam le hnam, chi le kuonga inenhranna le inbeina a hung zuol pei bawk si, ruong siethat thei a hung ni ta leia hnam buoina annawleh chi le kuonga buoina leia inthatna tlung hun haia ei hmang tangkai pal inlau um tak a nih. A san chu, hnam thil lei amania thina a tlung chang ruong um le umnaw hin nasa takin boruok a sukdanglam hlak leiin. Hi lei hin Tribal Martyrs hai ruong siethatnaa ei hmang hi ei rama dingin a tawpna nisien, hmang tangkai tumnaw hram inla, hnam tinin a hmangtu ni tumnaw hram bawk inla nuom a um takzet.
CCPUR: Thenmuol Local Church chun zani 11:00AM khan Thenmuol Local Churchah kum 25 Silver Jubilee lawmna an nei. Silver Jubilee lungdaw hawngna Pastor Zosangkhum in a nei a, Pathien kuoma tawngtainain an hlan nghal bawk.
Zanita Silver Jubilee hawngna huna hin Pastor Zosangkhum inrawinain kohran member han kum 25 liemta sunga an member fam lo chang ta hai sunna hun an hmang bawk. Jubilee lungdaw hawng zo hin Jubilee Choir han hlapawl an sak a, hi zo hin Upa Lalthakhum in Jubilee Souvenir hawngna a nei bawk.
Silver Jubilee hi December 15, 2015 hin sunzawm ning a ta, Zing inkhawm 11:00AM a thuhriltu ding chu Rev. Robinson Zote, Cambodia ning a ta, zantieng Silver Jubilee lawmna ruoi the ni bawk a tih. Zan program 5PM in hmang nawk ning ata, Silver Jubilee star result puongna, thilpek inhlanna le hla ngaithlakna um a tih.
Cold Storage cabinet pakhat fit zo
CCPUR: District Hospitala mithi ruong se loa sawttak siethat theina Cold Storage cabinet 2 hungtlung hai laia cabinet pakhat (ruong 6 um theina) chu zanikhan Engineers 3 han an fit zo ta a, martyrs hai ruong sielut nghal an nih. Vawisun hin Unit pakhat lem fit tan nawk an tih.
Bankers meet nei
CCPUR: Zani zantieng 1:00PM khan CEO/ADCC Office chamberah Bankers meeting nei a nih. Hi huna hin CT Lian,MDC, ADCC inrawinain SBI, MSCB, MRB, UCO, Vijaya, HDFC, Axis, ICICI le NABARD haia inthawk Manager hai thangin thingpui dawn tlangna an nei bawk. Hi huna hin Bank tum tuma mipuiin sum an sielut (deposit) hai mipui laia a tam thei ang taka loan a ni thei dan ding an hriltlang.
Voters Youth Festival la thul phawt
CCPUR: December 19, 2015 nia Voters Youth Festival nei ding tumna le inzawmin zani zantieng 1:30PM khan Election Department, CCPur le Ambassador han meeting an nei. Hi huna hin Voter Youth Festival hmang dan ding tentative programme le incharge ding ruotna an nei. Amiruokchu District Hospital Morgue a mithi ruong vui loa an la um leiin programme hi tiemchin um loa la sawn an remtih.
Khuo thar hawng
CCPUR: Mr Thangkhosei Guite le a sung han New Lamka areaa khuo thar an sat ‘G. Tonjang Village’ chu zani zantieng 2PM khan EBCC Biekin hmun ding, Raja Goukhothang Road & Culvert hawngna hun hmang a nih. K.Guite, Adviser Guite Innpi in Culvert le Raja Goukhothang Road hai a hawng a, Rev. Thangkhangin, Director of Institution, EBC in G. Tonjang village ram inhlanna a nei. Thangkhosei Guite in Biekin hmun ding ram a pek hi 72x36 a lien a ni a, hi hmuna hin Rev. Sonna Langzakham, DS Lamka South Division in Biekin hmun ding lungphumna neiin Pathien kuoma inhlanna a nei nghal bawk.
Rajya Sabha rorel thei lova sukbuoi nawk a nih: GST thuah Consensus a la um thei nawh
NEW DELHI: Rajya Sabha a chun zanikhan Opposition parties han Punjaba dalit mi that a nina thuah Punjab sawrkar thiek dinga an ngennaa risie nasa taka an siem leiin vawi 5 lai zet inthung sukchawl lailawk a ni a, Opposition han risie an siem zawm pei leiin zanita Rajya Sabha inthung chu rorel thei loa umin zanita dinga sukchawl a nih. Rajya Sabhaa Opposition han risie an siem leia ni 5 a zawna rorel thei lova an um na a ni tah. Kar hmasa khan Rajya Sabha a chun National Herald chanchinbu chungthuah Rajya Sabha inthung rorel thei lovin an lo siem ta bawk a nih.
RS inthung vawi 5 sukchawl hnunga zani zantieng dar 3a Rajya Sabha inthung nawk huna Congress le BSP member hai chun Punjab sawrkar thiek dinga ngena an khek laiin Treasury bench tieng chun hnam hnufuol hai humhalna dinga Opposition hai ngenna sukpuitlingna ding chu Scheduled Castes and Scheduled Tribes (Prevention of Atrocities) Amendment Bill, 2015 pass a nih tia hrilin hi bill hi pass an nuom thu an kheksuokpui ve a. Deputy Chairman Prof. PJ. Kurien chun hi bill hi Dalit issue tho a nih tia hrilin risie siem member hai chu thlawp dingin a ngen a, Soial Justice and Empowerment Minister Thavarchand Gehlow chun hi Bill hi a pawimaw em leiin hriltlang kher lova pass dingin Chair a ngen a nih.
Hieng laizing hin zanikhan Union Finance Minister Arun Jaitley chun Goods and Services Tax (GST) thuah zanikhan senior Congress leader le Rajya Sabha member Anand Sharma an hmupui a, sienkhawm inlungruolna (consensus) iengkhawm a la um thei nawh. Hi inbieknaa hin Parliamentary Affairs Minister Venkaiah Naidu le External Affairs Minister Sushma Swaraj hai bakah Congress tiengpangah Ghulam Nabi Azad le Jyotiraditya Scindia hai khawm an thang.
GST Bill hi Lok Sabhaa passed tah, Rajya Sabhaah BJP minority an ni leia hmasawn thei loa la um zing a ni a, tuta tum hin sawrkar chun pass ngei tumin PM hlui Dr Manmohan Singh le Congress President Sonia Gandhi hai khawm tuta hma khan PM Narendra Modi chun thingpui dawnpuiin a lo hriltlangpui ta a nih. Amiruokchu, Congress chun hi Bill a thil pathum siemthat an ngiet tlat leia Rajya Sabhaa lan tang a nih. Congress in siemthat dinga an phut hai hi ‘nonnegotiable’ a nih tiin an thang tlat a nih. Tuhin Parliament session inthung ding ni 6 sung hun a la um a. Opposition han inpui inthung rorel thei lova an siem zing lei hin tuta Parliament Session sung hin GST Bill pass hman a beiseinaw tieng a ni thu Finance Minister Arun Jaitley chun a hril.
Official team hai an hung kir nawk tah
IMPHAL: Imphal (Manipur) le Mandalay (Myanmar) inkara Bus in service tir tumna le inzawma Manipur CM O.Ibobi Singh in December 9, 2015 nia Imphal hotela a vailiem India team mi 27 hai chuongna Bus chu zanikhan an hungkir nawk ta a, zani zantieng 2PM khan Moreh, Manipur an hungtlung tah.
CHC Jiribam an enfel
JIRIBAM:Democratic Students Alliance of Manipur (DESAM) Jiri Local Council Jiribam le Coalition Against Drugs & Alcohol (CADA) Jiribam District Committee hai chun zani 11:00AM khan Community Health Centre (CHC) Jiribam an enfel. Doctors 22 duty/um dinga ti a ni laiin Doctor 5 chau an lo um. Hi chungthua hin pawl pahni hai chun thuneitu hai an rang thei anga enfel le hma la dingin an ngen.
CEE result puong
IMPHAL: Soldier General Duty le Soldier Technical lakna dinga Rangapahar, Kohima le Shillong a technical rally November 29, 2015 nia neia um result puong a ni ta a, hlawtlingna chang candidates hai chun Army Recruiting Office, Rangapahar hmuna Dec. 1722, 2015, 8AM5PM inkar sung mani document hai chawia lak thei a nih. Result hi en thei dingin PIB (Defence), M. Sector, Imphal Notice Boardah tar a nih.
Sainik School in 41st Annual Athletic Meet
IMPHAL: Zanikhan Sainik School, Imphal chun 41st Athletic Meet an school groundah an nei a, hi huna hin W. Bhaktaraj Singh, Director, Youth Affairs & Sport, Govt. of Manipur chu khuolliena thangin athletic meet hi a hawng. Khuollien chun, games and sports hi mihriem hringnuna thil pawimaw tak a ni thu a hril. Athletic meet hi December 16, 2015 chen aw ding a nih.
Blockade in Manipurah inhmangna nasa tak
IMPHAL: Manipura chun pawl tum tum han an khat tawka Economic Blockades an thaw hlak leiin state sawrkar ta dingin inhmangna nasa tak an tlun pha. Tulai hnai December 2, 2015 zanrila inthawk Civil Societies of Sadar Hills in an lampui siemtha dinga ngennaa Kuki Inpi, KSO le Kuki Women Union hai le thangruola blockade an thaw khawm kha hlip nita sienkhawm sawrkarin sum nasa takin an hmang pha a, ni khata sawrkarin sum an hmang pha hi Rs. 23 crore vela hisap niin ei thu dawngna chun a hril.
Rajya Sabha rorel thei lova sukbuoi nawk a nih: GST thuah Consensus a la um thei nawh
NEW DELHI: Rajya Sabha a chun zanikhan Opposition parties han Punjaba dalit mi that a nina thuah Punjab sawrkar thiek dinga an ngennaa risie nasa taka an siem leiin vawi 5 lai zet inthung sukchawl lailawk a ni a, Opposition han risie an siem zawm pei leiin zanita Rajya Sabha inthung chu rorel thei loa umin zanita dinga sukchawl a nih. Rajya Sabhaa Opposition han risie an siem leia ni 5 a zawna rorel thei lova an um na a ni tah. Kar hmasa khan Rajya Sabha a chun National Herald chanchinbu chungthuah Rajya Sabha inthung rorel thei lovin an lo siem ta bawk a nih.
RS inthung vawi 5 sukchawl hnunga zani zantieng dar 3a Rajya Sabha inthung nawk huna Congress le BSP member hai chun Punjab sawrkar thiek dinga ngena an khek laiin Treasury bench tieng chun hnam hnufuol hai humhalna dinga Opposition hai ngenna sukpuitlingna ding chu Scheduled Castes and Scheduled Tribes (Prevention of Atrocities) Amendment Bill, 2015 pass a nih tia hrilin hi bill hi pass an nuom thu an kheksuokpui ve a. Deputy Chairman Prof. PJ. Kurien chun hi bill hi Dalit issue tho a nih tia hrilin risie siem member hai chu thlawp dingin a ngen a, Soial Justice and Empowerment Minister Thavarchand Gehlow chun hi Bill hi a pawimaw em leiin hriltlang kher lova pass dingin Chair a ngen a nih.
Hieng laizing hin zanikhan Union Finance Minister Arun Jaitley chun Goods and Services Tax (GST) thuah zanikhan senior Congress leader le Rajya Sabha member Anand Sharma an hmupui a, sienkhawm inlungruolna (consensus) iengkhawm a la um thei nawh. Hi inbieknaa hin Parliamentary Affairs Minister Venkaiah Naidu le External Affairs Minister Sushma Swaraj hai bakah Congress tiengpangah Ghulam Nabi Azad le Jyotiraditya Scindia hai khawm an thang.
GST Bill hi Lok Sabhaa passed tah, Rajya Sabhaah BJP minority an ni leia hmasawn thei loa la um zing a ni a, tuta tum hin sawrkar chun pass ngei tumin PM hlui Dr Manmohan Singh le Congress President Sonia Gandhi hai khawm tuta hma khan PM Narendra Modi chun thingpui dawnpuiin a lo hriltlangpui ta a nih. Amiruokchu, Congress chun hi Bill a thil pathum siemthat an ngiet tlat leia Rajya Sabhaa lan tang a nih. Congress in siemthat dinga an phut hai hi ‘nonnegotiable’a nih tiin an thang tlat a nih. Tuhin Parliament session inthung ding ni 6 sung hun a la um a. Opposition han inpui inthung rorel thei lova an siem zing lei hin tuta Parliament Session sung hin GST Bill pass hman a beiseinaw tieng a ni thu Finance Minister Arun Jaitley chun a hril.
LSah Atomic Energy (Amendment) Bill2015 passed
NEW DELHI: Lok Sabha a chun zanikhan voice vote in member han Atomic Energy (Amendment) Bill, 2015 an passed. Hi bill hi ei rama power tamlem siemsuokna dinga nuclear project thar indinna ding kawnga harsatna um hai siemthat (amend) theina ding bill a ni a, hi dungzui hin Nuclear Power Corporation of India Limited (NPCIL) chun Public sector undertaking hai leh nuclear power plant indinnaah an thawtlang thei ding bakah sawrkarin nuclear power plant indinna ding kawnga jointventure licence a pek thei ding a nih. Minister of state for Atomic Energy and Space Dr Jitendra Singh chun, sawrkar thlungpuiin kum 2020 chenah nuclear energy hmangin power megawat 13,000 siemsuok a tum thu le, nuclear programme hi ralthuom siemna tiengpang tinzawn lova a him thei ang taka fepui a ni ding thu a hril.
Samak kaptu mi 2 kap hlum
GUWAHATI: Assam rama Kaziranga National Park (KNP) a chun Bagori rangeah security forces han dan kala sapeltu mi 2 an kap hlum a, an kuta inthawk silai le a mu iemanizat hmu a ni bawk. Tukum sung hin Security Forces han Kaziranga National Parkah dan lova sapeltu (poachers) 20 an kap hlum ta a; Sa peltu han tukum sung hi parka hin Samak 15 zet an kap hlum ta bawk a nih.
Maoist han Mobile tower an suksiet
KORAPUT: Odisha a Koraput district sunga Kathpada village a chun zanikhan Maoist helpawl ni dinga ringhla han Private cellular company ta Mobile Tower an suksiet. Mobile tower hi tulai hnai ela kha siemzo, la hmang tan lo a nih. Maoist hai hin tower bakah battery room le generator hai khawm an suksiet vawng niin SP, Koraput, Charan Singh Meena chun a hril a, thi le hliemna tuok ruok chu an um nawh.
Thuoihmanga um Meghalaya Police a thisaa hmu
SHILLONG: November 6, 2015 nia GNLA helpawl ni dinga ringhla han North Garo Hills districta Rongdongre hmuna inthawka an thuoihmang Meghalaya Policea Havildar Khomraj Bhattarai ruong chu zani hmas khan ramhnuoiah a thisaa hmu niin Inspector General incharge Operations G.H.P. Raju chun a hril. A ruong hi autopsy thaw dingin Mendipathar hospital –a sie a nih.
India le Pak. inbiekna sukbuoi ninaw nih
NEW DELHI: External Affairs Minsiter Sushma Swaraj chun zanikhan Lok Sabhaah Pakistan khawpui Islamabad hmuna Heart of Asia Conference a thangna report pein, inremna le muongna a um theina dinga Pakistan le inbiekna nei le sukbuoi a ninaw ding thu a hrilin; hieng ram pahni hai kara inringtawnna a um chauin inbiekna hi a hlawtling thei ding thu le inbiekna haiah insumdawngtuona le sakhuo hmun thienghlim hai insir tawnna chungthu hai hriltlangsa a ni ding thu a hril. India le Pakistan hai chun terrorist hai chetna hrim hrim do tlang a, tukdawl an remtitlang tiin a hril bawk.
Dec. 16 in Assam le Tripura bandh
GUWAHATI: ABSU, JACAS, ADSU, NDFB(P) & PJACBM hai inthlungkhawmna National Federation for New States chun Bodoland, Karbi State, Dimaraji le Tripraland siem dinga ngennain December 16, 2015, 5AM5PM inkar sung khin darkar 12 sung Assam le Tripura Bandh thaw an tum.
VAWISUN THUPUI
Chun, Marin, “Ka hringnan Lalpa a chawimawi a, Ka thlarau khawm a mi sandamtu Pathien chungah a lawm bek bek a, Luka 1:4647
Editorial
Cold Storage
Manipur Assembly in August 31, 2015 nia Bills 3 a passed hai dodalna leia Manipur tlangram district, a bikin Churachandpur Districta helna nasa tak hung um le inzawma mi 9 zetin hringna an chan phana chun Churachandpur districta la um ngailo, thil thar, Manipura khawm district hospital dang haia la um lo mithiruong siethatna ding Cold Storage ei nei thar a; Martyrs hai ruong vui lova la umzing ngaituo chun thil lawmum tak khawm a ni lai zingin rapum tak chu a ni ngei el.
Hieng Cold Storage Unit pahni ruong 12 zet siethat theina ding hi ei movement le inzawma Tribal Martyrs hai ruong vui lova hun sawt tak siethat ani theina dinga Joint Phillanthropic Organisation (JPO), CCPur in CMO/CCPur fethlenga ngenna an siem le inzawma Directorate of Health Services fethlenga Manipur sawrkarin Rs 16, 24,750/ zet senga M/S RS Cooling Appliance Company a inthawka an chawk, a hung tlung hun dinga ti baw pela vawi iemanizat sukhnuk (delayed) a ni hnunga December 9, 2015 nia kha Churachandpur hung phurtlung an nih.
A hungtlung le inruol hin Guwahatia inthawk Company Engineers han chawl loin installation an thaw nghal a, zanikhan Unit pakhat (ruong 6 um theina) chu an fit zo a, ruong hai khawm an sielut nghal a nih. Tuta inthawk ni 1/ 2 hnungah Unit pakhat lem khawm hi fit zoin martyrs hai ruong chu a rengin Cold Storage sungah sielut nitang a ta, buoipui sawl tul der lovin sawttak siethat thei a hung ni ta ding a nih. Cold Storage umnaw lei hin JPO chun ruong hai siethat le enkawlna kawngah tha le zung, sum le pai tam tak an lo seng ta a, a hrana sum seng tul ta lo dinga hienganga Cold Storage ei hung nei thei hi thiltha, lawmum le hmasawnna pakhat chu a nih.
Hieng laizing hin a thei china Cold Storage hmang tul lo dingin um thei hram inla nuom a um a, a hmangtu ni tumnaw bawk inla nuom a um. Thiltha le hmasawnna chikhat a ni lai zinga hi thil thar in a hung intlun ding nia inlang chu, thil iemani meta thina tuok amani ei um chang, hmang tangkai phet phet tuma ruong lak loa sie tum pawl ei la hung um thei leiin lawm a um lai zingin a tha naw zawng le tul lo baksaka hmang tum pawl hung umin, ruong um leia mipui sosang leia buoina nasa lem ei tuok inlau a um angreng.
Eini tlangmi hai dana chun mi an thi ta chun an ruong sawt tak sie hi ei thaw ngai lo thil a ni a. Amiruokchu, tu tieng tieng hin phairam mi hai thawdan ei entawn lei am a ni ding, ruong siethatna (cold storage) ei neinaw sa khawmin Morguea lut ta hnung chu thubuoi sukfel a ni hmakhat lakdawk lova sie ei hung ching ta a. Thil tha mani a thanaw khawm hriet an tak. Thina hrim hrim hi a nep bik a um naw a, lung a thawng hle hlak. Naute, nunghak, tlangval le puitling khawm nisien, thina hrim hrim hin nghawng a nei na hle hlak, a san chu khawvela mihriem ei inzinna tawpna a ni lei a nih. Thi thaa thi hai chu Kohran programme siemna hnuoia buoina um lovin ei vuiliem el hlak.
Hieng laizing hin thi tha lo, inthathatna leia thina nasa taka ei rama a hung pung lai meka hiengang ruong sawt tak siethat theina ei nei hin iem a hung kakhawk ding; ei rama hnam le hnam, chi le kuonga inenhranna le inbeina a hung zuol pei bawk si, ruong siethat thei a hung ni ta leia hnam buoina annawleh chi le kuonga buoina leia inthatna tlung hun haia ei hmang tangkai pal inlau um tak a nih. A san chu, hnam thil lei amania thina a tlung chang ruong um le umnaw hin nasa takin boruok a sukdanglam hlak leiin. Hi lei hin Tribal Martyrs hai ruong siethatnaa ei hmang hi ei rama dingin a tawpna nisien, hmang tangkai tumnaw hram inla, hnam tinin a hmangtu ni tumnaw hram bawk inla nuom a um takzet.
