Tuolsung
DAPCU le DLSA huoihawtnain 27th World AIDS Day hmang
CCPUR: Zani 10AM a inthawk khan District AIDS Prevention and Control Unit (DAPCU) le CCPur District Legal Services Authority hai thangruola huoihawtnain CMO Conference Hall, CMO Campus/CCPurah 27th World AIDS Day hmang a ni a, khuollienin Alfred Jamlallun, AC to DC/CCPur a thang a, ama inrawinain Dr Thangchinkhup Guite, CMO/CCPur le Dr Phirthanglien, DACO han candle sitvarin 27th World AIDS Day2015 an hawng.
Khuollien Jamllalun chun, kum 1988 a inthawka hmang World AIDS 2015 thupui “Getting to Zero” hi HIV/AIDS a damnaw hai hmusitna sukbo le mithi um ta lo ding ti a ni a, hi thila dingin Stakeholders han inthuruol taka HIV/AID do tlang ding ti a nih tiin a hril. HIV/AIDS hi awareness inpeka do thei a ni thu hrilin Science & Technology hmasawn pei lein tuhin chu HIV/AIDS dona damdawi ARTetc hai man tlawm taka hmu thei le dawra inchawk thei ding hielin a um ta a, HIV/AIDS invawi hai ta dingin inngaisietna ding a um ta nawh tiin a hril.
Dr Phirthanglien Buhril chun, 27th World AIDS Day hmang a ni le inzawmin Kohran, Community le Organisations hai chu 3 Zeros: Zero infection, Zero death le Zero discrimination a um theina dinga thangruol seng dingin a ngen a, science hmangin CUBA chun khawvela a hmasa tak dingin tukum 2015 hin Mother to Child HIV infection chu zero infection a puongin 100 percent sukpuitling a nih tiin a hril.
Hi hun hmangnaa hin People Living with HIV (PLHIV) hai ta dinga Legal/Rights of PLHIV thuah CCpur District Legal Service Authority in hun an hmang hmain Chief Guest chun DAPCU Led Single Window SBS PLHIV, CABA and MARPS hawngna le DACO, Member Secretary DAPCC, CCPur in Appreciation Gift semna a nei a;Safe Babies Show hunah SHALOM le PPTCT han HIV invawi nupa haia inthawka nau piengsuok 4 HIV a inthawka sansuok (HIV negative) mipui hmu thei dingin inhmelhriettirna an nei. Hieng naupang 4 hai hi thla 18 sung HIVtest thaw an nita a, sienkhawm negative an nih tiin an hril.
ICI 66th General Assembly
CCPUR: Independent Church of India (ICI) chun December 36, 2015 inkar sung khin Muolvaiphei, Churachandpur hmunah 66th General Assembly hmang an tih. Assembly sunga Pathien thucha hriltu ding hai chu Dec. 3, 2015, 6PM mipui inkhaw huna Rev. Vanlalruot Joute, Vangai Presbytery; Dec.4, 6PM inkhawm ah Rev Lalneikhup Hmar, Secretary, Finance ICI; Dec. 5, 2015 6PM zan inkhawm ah Rev. H. Chungthang Thiek, Evan. At large; Dec. 6, 10AM ah Rev. Darsanglien Ruolngul, Vice Moderator, ICI; Dec. 6,5PM zan inkhawmahRev S.K. Songate, Moderator, ICI hai ning an tih. Chun, Dec. 6, 2015 sun inkhawm 1:30PM ah Pension le Ordination service um bawk a tih.
December 3 in World Disable Day
CCPUR: December 3, 2015 khin GM Hall, Imphal hmunah State Level World Disable Day hmang ning a tih. Hi huna hin CCPur Districta inthawk regular student 10 le Children with Special Needs 10 va thang an tih. Disable Day a va thang ding hai hi Dec. 3, 2015, 7:30AM in T. Goukhomang, ZEO chun CCPur Govt. H/S Campusa Resource Centreah inthlaliem a tih.
Hill House Counting le khawpui cheimawi dan ding
CCPUR: Zani zantieng 3:00PM khan Mr Lunminthang Haokip, IAS, DC CCPUr inrawinain DC Officea BRGF Resource Centreah Lamka TD Block le Tuibuong TD Block sung Town areaa Lal/Village Authority Chairman/Secretary hai le SDO/BDO CCPur & Tuibuong le staff han meeting an nei a, hi huna hin Hill House Counting chungthu le khawpui sung cheimawi dan ding an hriltlang.
RPC(NEI) 25th Synod khawmpui
CCPUR: December 36, 2015 inkar sung khin Parbung khuoah Reformed Presbyterian ChurchNEI 25th Synod (Silver Jubilee Celebration) hmang ning a tih. Synod khawmpui sunga thuhriltu dinghai chu Rev. Chalrosang Suptd Tripura Mission; Rev. Lalsiemthar Joute Evan. at large.; Rev. Ros Infimate Secy Mission; Rev. Lalngailien Puruolte Evan. at large; Rev. Dr. V Lalnghakthang, Gen Secy, RPCNEI; Rev. Huolthanglur DS Cachar District hai ning an tih. Dec. 6, 2015 in ProPastor Joseph Hanse Commissioning (Ordination) prog. Rev. Saithanglur Joute in hmang a ta, Lalpa zanbu Sacrament semin zui a ta; Dec. 6, 2015 zan inkhawm hunah Rev. Dr V. Lalnghakthang in Kum 2016 thupui “Rorelna Fel” hrilzauna le hawngna nei a tih.
Delhi version vel 16 a tiemsuok
CCPUR: Pu J. Malsawm, Social Worker of Sangaiprou, Imphal chun Pu L. Keivom in an let le sut Hmar Holy Bible (BibleHmar) Delhi Version vel 16 zet a tiem suok ta a.Hi le inzawm hin Pu L. Keivom chun lawmum a ti em leiin zanikhan Pu C. Thant Khawbung fethlengin Pu J. Malsawm kuomah Delhi Version Hmar Holy Bible savun kawm Rs. 700/ man chu a thlawnin an hlan.
Nundan pangngai hmang nawk
CCPUR: JAC Against AntiTribal Bills in December 1, 2015 a inthawk CCPur khawpui sunga dawr, bazar le Institutions hai a pangngaia hawng nawk ta dinga thusuok an siem le inzawmin zanikhan CCPur khawpui sunga chun nundan pangngai hmang tan nawk a nitah. AntiTribal Bills 3 hai le inzawma indin JAC Information Centre, KKL Complex khawm zanikhan chu khar a nih.
KNO le UPF in ngenna an siem
CCPUR: KNO& UPF Convenor Calvin H le T.S. Haokip, CoConvenor, UPF&KNO hai chun zanikhan Joint appeal siemin NSCNIM le India sawrkar han inremna a hung um theina dinga ‘framework Agreement’an ziek chu lawmum an ti thu, UPF le KNO khawmin inremna um theina dinga inbiekna an fepui mek thu; UPF le KNO chun Manipura hnam tin hai inzatuo a, inrem taka um a nuom thu an zieklang a. Ralthuom chawi thenkhat in thawluina hmanga November 20, 2015 nia Chandel District sunga Aimol Satu hmuna Aimol hnam hai Naga an nih ti sukchiengna dinga lungdaw hawnga um chu pawi an ti thu hrlin Tribal hnam tum tum cheng hai kara inlaichinna sukse thei ding thil tu pawl khawma sunzawm talo ding le Aimol hnam sung inthedarna le inngeinawna intlun thei ding thil thaw ta lo dingin an ngen.
Tribal Martyrs ralna a la lut pei
CCPUR: District Hospitala JPO kuta chun Tribal Martyrs hai ralna le hliem hai thangpuina sum a la lut zing a, zanikhan mimal le organisation pakhat han JPO kutah Rs. 4800/ an inhlan. Zanita JPO kuta ralna le thangpuina petu hai chu Huaite Sinzawl Area Progressive Farmers Association Rs 1000/ le JPO thangpuina dingin Rs 100/; Kamzathang of Bungmual in Rs 500, le JPO thangpuinain Rs 200/; Kaikhochin of Shillong in Rs 1000/; Dalzakam of Guwahati in Rs 1000/ le T. Kaithang of New Delhi in Rs 1000 a nih.
Dec. 2, 2015 a District Hospital Morgue duty le thingpui inlumtu ding YPA ning an ta, 11:002PM sung Hill Town le Hq. Veng hai Morgue bulah lengkhawm an tih.
CHC le PHCs haiah HIV/AIDS testing facilities le ART Centre sie tum a nih: CM
IMPHAL: Khawvel hmun tum tum haia hmang a ni ang bawkin zanikhan 1MR Ground, Imphala khawm “Getting to Zero” ti thupui hmangin Manipur State AIDS Control Society (MACS) huoihawtnain World AIDS Day 2015 hmang a ni a, Manipur CM O.Ibobi Singh khuollienin a thang.
Hi huna CM O.Ibobi Singh in thu a hrilnaah state sawrkarin a bik takin tlangram biel haia Community Health Centres (CHCs) le Primary Health Centres (PHCs) haiah free HIV/AIDS testing facilities le ART Centres indin a tum thu a hril a. Manipur state in India rama infant mortality rate inhnuoina tak Award a dawng thu, Manipur in Arts and Culture le sports tiengah India ram ta dinga ngirhmun pawimaw tak nei mek a ni thu; kum 3 liemta sunga HIV/AIDS ngirhmun zieum tieng a pan pei thu hrilin HIV/AIDS dona kawnga NGOs, CSOs le mitin thangruol a pawimaw thu hrilin MACS in HIV/AIDS dona kawnga hma a lakna hai inpakum a ti thu a hril bawk.
CM O.Ibobi Singh chun World AIDS Day le inzawmin hi huna hin Voluntary Blood Donation Camp a hawng bakah HIV/AIDS dona kawnga sinthaw tha zuol Doctors 6 hai kuomah chawimawina Awards an hlan.
HIV hi kum 1986 a hmusuok tan niin India ram chu khawvela HIV tamna tienga a pathumna niin Manipur khawm hi HIV tam tienga hmathuoitu a lo ni a, tuhin Manipurah mihriem 2.7 million um hai lai HIV (PLWHA) 43,171 an um a, hienghai laia a tamlem chu drugs inkap (injecting) laia kai an nih tiin ei thu dawngna chun a hril. Mi tam tak society le khawtlang in an enhran inlauna leia thisen test lo tam tak an um a, hienghai hi test vawng nisien chu tuta nek hin Manipurah HIV invawi an tamlem ngei ring a nih.
Wangkhei hmuna bomb a puok
IMPHAL: Zani zan 8:30PM vel khan Imphal East districta Wangkheimayum Leiraka MM Higher Secondary School terrace lai IED bomb a puok a, sienkhawm mihriem thi le hliemna tuo an um thu hriet a ni nawh. Imphal East District Police chun hi thil tlungna hmun hi pan nghalin thil umdan an enfel.
Dy. CM an inhmupui
IMPHAL: Dec. 1, 2015 khan Upa D. Lomsang, Rev. Benjamin Shakum, Dr. Zarzosang, Pu. R. Hmar, Tv. Thangboi, Pu Zangsat, Pu Blessing le Pu Jonathan han Dy. CM Gaikhangam an inhmupuia, Jiribam chungthu an hrilpui. Dy. CM chun “Jiribam chu revenue vawnga record a ni taa, sienkhawm in thil buoipui hi a tha a, house ah putlut tum ning a ta, Tribal SDO, BDO le TD block sunga in umdan ding ngaituo ning a tih”, tiin a lo hril niin Pu (Tv) Upa D. Lomsang chun a hril a, CM O.Ibobi Singh khawm inhmupui vat a ni ding thu a hril. a hril bawk. (Virthli)
Kum khat dang suksei nawk
IMPHAL: Imphal Municipal area thang lovin Manipur state pumpui under Section 3 of the Armed Forces (Special Powers) Act 1958 hnuoia Disturbed areaa puongna chu December 1, 2015 a inthawk kum khat dang suksei dingin zani hmasaa cabinet meeting chun an rel. Chun, Waikhong SubDivision, Thoubal Districtah Sugnu SDC circle hawng ding, State Health Society, Manipur hnuoiah National Health Mission (NHM) thawktu ding contract basis a 357 lak dingin cabinet chun remtina a nei. Thawktu lak ding hai lai hin Medical Specialist doctors, Psychiatrists, ENT specialist, Dental Surgeons, MBBS doctors, Physiotherapist, Staff Nurses, Programme consultants, Counsellors le social workers hai a thang. Chun, MPSC fethlengin PWD hnuoia AE/ASW post 24 ruok hai suksip dingin cabinet chun an rel bawk.
Lok Sabha le RS haiah Intolerance thu hril nawk
NEW DELHI: Parliament Winter Session fe meka chun zanikhan Lok Sabha le Rajya Sabha haia sakhuo dang/midang ngaitheinawna ‘intolerance’chungthu hril le chai nawk a nih. Home Minsiter Rajnath Singh chun inremna le muongna sukse tumtu hai chu ngaidam ni naw ni hai tiin a hril.
Minister of State for Home Kiren Rijiju chun, kum 2013 a inthawk khan India ramah hnam le hnam kara buoina (communal violence) nasa takin a tlahnuoi tiin zanikhan Rajya Sabha hmuna indawnna dawnin a hril. Law and Order enkawl hi State sawrkar mawphurna a ni lai zingin sawrkar thlungpuiin law & order enkawlnaah state sawrkar hai a thangpui hlak bakah hnam thila buoina leia thi le harsatna tuor hai kuoma sawrkar thlungpuiin zangnadawmna a pek hlak thu a hril bawk.
Mr Rijiju in Lok Sabhaa zieka dawnna a pek dungzuiin kum 2014 khan India ramah hnam thila buoina vawi 644 a tlung a, hieng hai laia 133 chu Uttar Pradesh a tlung an ni a, Rajasthanah vawi 72, Maharashtraah vawi 97, Madhya pradeshah vawi 56, Karnatakaah vawi 73, Jharkhandah vawi 4, Gujaratah vawi 74, Delhiah vawi 7, Biharah vawi 61 le West Bengalah vawi 16 hnam thila buoina a tlung a. JanuaryOctober, 2015 sung khan hnam thila buoina vawi 650 a tlung a, hi laia 139 hai chu Uttar Pradesh a tlung; Maharashtraah 97, Madhya Pradeshah 86, Karnatakaah 79, Jharkhandah 24, Gujaratah 47, Biharah 59, West Bengalah vawi 24 hnam buoina a tlung niin Rijiju chun a hril.
Zanikhan Left parties han Parliament tuolah India rama midang theidana (intolerance) pung pei dodalnain protest an nei. Protest hi CPM General Secretary Sitaram Yechury le senior CPI leader D. Raja han an inrawi a,‘ Down down Communalism” ti le “Rising Intolerance in the Country” ti haiin an khek. Zani hmasa khawm khan Youth Congress han Jantar Mantarah protest an lo nei ta bawk.
Bihar Congress in candidates 45 an hnawtdawk
PATNA: Bihara chun State Congress Chief hlui Ram Jatan Sinha thangin Congress party leaders 45 hai chu Congress in kum 6 sunga dingin partya inthawk an hnawtdawk. Bihar Assembly Election 2015 neia khan Mr Ram Jatan Sinha hin Congress official candidate le Grand Alliance candidate an khingpui a nih. Congress a inthawka hnawtdawk hai lai hin senior leaders Raghunandan Manjhi, Sunita Devi le State Youth Congress Chief hlui Lallan Kumar hai khawm an thang.
India le Myanmar ramriah venghimna sukkhau
AIZAWL: Lt. Gen. Abhay Krishna, General Officer Commanding (GOC) 3 Corps in thu a pek angin Mizorama India le Myanmar ramri a chun venghimna sukkhau zuol a nih. Mizoram hin India le Myanmar han ramri intawm km. 510 a sei le Bangladesh leh ramri 318 a sei an nei a, hi lai ramri hi ralthuom le drugsa sumdawngtu han lampuia an hmang a nih.
Class IX inchuklai in toilet sungah nau a nei
HYDERABAD: Zanikhan Andhra Pradesha Madhapur areaah government school pakhata Class IX inchuklai nuhmei kum 14 mi in an school toilet/washroom sungah nau a nei. An class lak laiin a phingna a sawisel leiin toiletah a lut a, chu huna nau hi a nei niin Malkangiri Deputy Educational Officer (DEO) A Usha Rani chun a hril. Naute le a nu hi school thuneitu hai chun Police kuta an inhlan a, nuhmei nu pa in complaint a peklut angin Police chun pasal pakhat Dhanu an ti chungah suolluina case an zieklut. Hi thil tlung le inzawm hin DEO chun school Headmaster S. Basavalingam chu a sina inthawk a suspended.
NE Tamchon: Hmar FC an hrat
NEW DELHI: 9th NE Tamchon Football Tournament chu zanikhan Ambedkar Stadium, New Delhiah tan a ni a, Openingah Hmar FC le Wung United an inkhel a, Hmar FC chun 10 in an hne. Hmar FC ta dinga goal thuntu chu Daniel Hmar a nih. Dec. 3, 2015, 9:30AM khin Barhungkha FC hai inkhelpui nawk an tih. (Virthli)
2nd December, Wednesday Fixture
Venue: Ambedkar Stadium
9:30 AM to 10:50 AM: Barhungkha vs Sikkim Gambos FC
11:20 AM to 12:40 PM: SSPP Vs Chiru REM FC
1:10 PM to 2:30 PM: ASUD TODO FC vs Zelianrong FC
3:00 PM to 4:20 PM: Hombill FC VS Garo FC
Venue: Jamia University Ground
9:30 AM to 10:50 AM: KSL vs Muvanlai
11:20 AM to 12:40 PM: Senapati Vs Chandel United FC
1:10 PM to 2:30 PM: MISAD vs United Rhino FC
VAWISUN THUPUI
Zalen in nih, nisienlakhawm, in zalenna chu suol inkhumna dinga hmang loin, Pathien suoka umna dingin hmang lem ro. Mi po po chawimawi ro. Unauhai chu hmangai ro, Pathien tidek ro. Laltak chu chawimawi ro. 1 Peter 2:1617
Editorial
Krismas insingsatna
Kristien han kumpui lingleta ei lo thlir, mitinin hmu le chang an nuom Krismas hmangna thla December ei hang chuongkai meu hin chu mitin Krismas ‘rau’ hin a mi man deu vawng niin an lang. United States of America (USA) a chun kum tinin November thla Ningani vawilina hi lawmthu hrilna ni (Thanksgiving Day) in an hmang hlak a, hi ni an hmang a inthawk char hin a tlangpuiin Krismas boruok chun a rampum a tuom hlak. India ram ril South India tieng Kristien hai chengna hmun haia chun ‘Ber’ thla a hung intan chara inthawk hin Kristien hai chun an In hai light chi hran hrana cheimawia Krismas tree intungin Krismas hi an lo urlawk ta hlak bawk.
Krismas hi hun lawmum le hlimum tak a ni lai zingin mi thenkhat ta ding chun lunginlengna sukzuoltu a ni hlak. A san chu Krismas hun hi sin thawna lei dam le thil dang dang leia hmun hran hrana cheng le khawsa hai inhmukhawmna hun deua ei hmang hlak, sungkuo member kim hun a ni a. Chuong lai zingah hi hun ropui tak le hlimum takel lusunna leia sungkima hmang thei lo ding sungkuo hai ta ding chun khawsawt a nain, lung an leng vawng vawng hlak a, lung an no nuom hle bawk a nih.
Hieng laizing hin Kristien seng seng, nu le pa seng seng, thalai seng seng le naupang seng seng hai lai khawm ei sandamtu Isu Krista piengchampha Krismas ei lo tung dan le hmang ei tum dan chu an angnaw nuol ngei ring a um. Then tamlem chun a Bethlehem tiengpang nekin thuomhnaw thar neina ding tiengpang hin ei lung an len hlak nisien a hawi. Hun lawmum a ni angin Krismas hi hlim le lawm taka hmang ding chu ei ni hrim a nih, sienkhawm thlarau tieng neka tisa tienga inhawi chennaa hmang tum pawl ei pung pei ruok hi chu Krismas hlutna sukdaltu a hung ni pei ta a nih.
Krismas le inzawma thil thar nei hai hi a thanaw chu a ni der naw a, thil tha tak a nih. Ram changkang haia lem chun an uor em em a, Krismas hun hi thil inpekna hunin an hmang hlak a, sungkhata cheng hai khawmin thil inpektuo hi an uor hle a, chuong thil an inpek hai chu hawngin hlim takin hun an hmang hlak a nih. Lusun tuok hai chau ni lovin Krismas hi hun lawmum le hlimum tak a ni laiin mihriem hi ei khawsakna ngirhmun an chen naw a, thenkhatin ei dit ang ang inchawa ei nei thei laiin khawsak harsa taka nu le pa thenkhat, mani nau le te hai ta ding thil thar an thaw pek ve theinaw leia rinum taka hun hmang an lo um thei leiin Kohran member hai hieng kawnga bengvar ei insuo zuol a tul.
Kohran thuoitu hai khawmin hi hun lawmum tak hmang dinga mitin ei insingsat mek zing lai hin mani member hai lai taksa bawrsawmna leia harsatna tuok annawleh insung khawsakna kawnga beidawng le lusun beidawngna leia harsatna tuok an um am ti tiengpanga hin bengvar inla nuom a um. A Krismas program ding buoipui ringawt amani annawleh a ruoi ding chau ngaituo loin ei beram hai khawlam an um a, ieng ngirhmuna um am an nia tia nasa nawk zuola ei bengvar thiltha a ni ngei ring a um. Hi hun lawmum tak hlim le lawm taka ei hmang tlang seng theina dingin thilpek mamaw lem lo, a mi pe let ve thei ding hai kuoma thil pek inhlan nekin, a mamaw ngawi ngawi hai kuoma thil pek inhlanna damin hmang inla, Krismas hung tlung ding hi mi ta dinga iemani kawng beka malsawmna, hlimna le lawmna intluntu ni dingin mitinin thang la seng inla; Mani mimal annawleh sungkuo hlimna ding chau ngaituo lovin, midang ta dinga hlimna le lawmna intluntu ni ngei dingin hi hun pawimaw tak hi hmang tum seng bawk inla chu umzie nei le hlawk takin Krimas hi ei hmang ngei ring a um.
Chun, Krismas hmang dinga Kristien hai ei insingsat mek lai hin bazaar kai mipui ei hung tam pei ding a ni leiin eksiden le thil dang dang sietna laka ei him theina ding; motor inlawn vel le a sunga chuong hai him lemna dingin Traffic tiengpang khawmin fimkhur le khau nawk zuola enkaiin inrui puma motor khal hai khawm enkai hlak hai sien thil tha tak ning a tih.
DAPCU le DLSA huoihawtnain 27th World AIDS Day hmang
CCPUR: Zani 10AM a inthawk khan District AIDS Prevention and Control Unit (DAPCU) le CCPur District Legal Services Authority hai thangruola huoihawtnain CMO Conference Hall, CMO Campus/CCPurah 27th World AIDS Day hmang a ni a, khuollienin Alfred Jamlallun, AC to DC/CCPur a thang a, ama inrawinain Dr Thangchinkhup Guite, CMO/CCPur le Dr Phirthanglien, DACO han candle sitvarin 27th World AIDS Day2015 an hawng.
Khuollien Jamllalun chun, kum 1988 a inthawka hmang World AIDS 2015 thupui “Getting to Zero” hi HIV/AIDS a damnaw hai hmusitna sukbo le mithi um ta lo ding ti a ni a, hi thila dingin Stakeholders han inthuruol taka HIV/AID do tlang ding ti a nih tiin a hril. HIV/AIDS hi awareness inpeka do thei a ni thu hrilin Science & Technology hmasawn pei lein tuhin chu HIV/AIDS dona damdawi ARTetc hai man tlawm taka hmu thei le dawra inchawk thei ding hielin a um ta a, HIV/AIDS invawi hai ta dingin inngaisietna ding a um ta nawh tiin a hril.
Dr Phirthanglien Buhril chun, 27th World AIDS Day hmang a ni le inzawmin Kohran, Community le Organisations hai chu 3 Zeros: Zero infection, Zero death le Zero discrimination a um theina dinga thangruol seng dingin a ngen a, science hmangin CUBA chun khawvela a hmasa tak dingin tukum 2015 hin Mother to Child HIV infection chu zero infection a puongin 100 percent sukpuitling a nih tiin a hril.
Hi hun hmangnaa hin People Living with HIV (PLHIV) hai ta dinga Legal/Rights of PLHIV thuah CCpur District Legal Service Authority in hun an hmang hmain Chief Guest chun DAPCU Led Single Window SBS PLHIV, CABA and MARPS hawngna le DACO, Member Secretary DAPCC, CCPur in Appreciation Gift semna a nei a;Safe Babies Show hunah SHALOM le PPTCT han HIV invawi nupa haia inthawka nau piengsuok 4 HIV a inthawka sansuok (HIV negative) mipui hmu thei dingin inhmelhriettirna an nei. Hieng naupang 4 hai hi thla 18 sung HIVtest thaw an nita a, sienkhawm negative an nih tiin an hril.
ICI 66th General Assembly
CCPUR: Independent Church of India (ICI) chun December 36, 2015 inkar sung khin Muolvaiphei, Churachandpur hmunah 66th General Assembly hmang an tih. Assembly sunga Pathien thucha hriltu ding hai chu Dec. 3, 2015, 6PM mipui inkhaw huna Rev. Vanlalruot Joute, Vangai Presbytery; Dec.4, 6PM inkhawm ah Rev Lalneikhup Hmar, Secretary, Finance ICI; Dec. 5, 2015 6PM zan inkhawm ah Rev. H. Chungthang Thiek, Evan. At large; Dec. 6, 10AM ah Rev. Darsanglien Ruolngul, Vice Moderator, ICI; Dec. 6,5PM zan inkhawmahRev S.K. Songate, Moderator, ICI hai ning an tih. Chun, Dec. 6, 2015 sun inkhawm 1:30PM ah Pension le Ordination service um bawk a tih.
December 3 in World Disable Day
CCPUR: December 3, 2015 khin GM Hall, Imphal hmunah State Level World Disable Day hmang ning a tih. Hi huna hin CCPur Districta inthawk regular student 10 le Children with Special Needs 10 va thang an tih. Disable Day a va thang ding hai hi Dec. 3, 2015, 7:30AM in T. Goukhomang, ZEO chun CCPur Govt. H/S Campusa Resource Centreah inthlaliem a tih.
Hill House Counting le khawpui cheimawi dan ding
CCPUR: Zani zantieng 3:00PM khan Mr Lunminthang Haokip, IAS, DC CCPUr inrawinain DC Officea BRGF Resource Centreah Lamka TD Block le Tuibuong TD Block sung Town areaa Lal/Village Authority Chairman/Secretary hai le SDO/BDO CCPur & Tuibuong le staff han meeting an nei a, hi huna hin Hill House Counting chungthu le khawpui sung cheimawi dan ding an hriltlang.
RPC(NEI) 25th Synod khawmpui
CCPUR: December 36, 2015 inkar sung khin Parbung khuoah Reformed Presbyterian ChurchNEI 25th Synod (Silver Jubilee Celebration) hmang ning a tih. Synod khawmpui sunga thuhriltu dinghai chu Rev. Chalrosang Suptd Tripura Mission; Rev. Lalsiemthar Joute Evan. at large.; Rev. Ros Infimate Secy Mission; Rev. Lalngailien Puruolte Evan. at large; Rev. Dr. V Lalnghakthang, Gen Secy, RPCNEI; Rev. Huolthanglur DS Cachar District hai ning an tih. Dec. 6, 2015 in ProPastor Joseph Hanse Commissioning (Ordination) prog. Rev. Saithanglur Joute in hmang a ta, Lalpa zanbu Sacrament semin zui a ta; Dec. 6, 2015 zan inkhawm hunah Rev. Dr V. Lalnghakthang in Kum 2016 thupui “Rorelna Fel” hrilzauna le hawngna nei a tih.
Delhi version vel 16 a tiemsuok
CCPUR: Pu J. Malsawm, Social Worker of Sangaiprou, Imphal chun Pu L. Keivom in an let le sut Hmar Holy Bible (BibleHmar) Delhi Version vel 16 zet a tiem suok ta a.Hi le inzawm hin Pu L. Keivom chun lawmum a ti em leiin zanikhan Pu C. Thant Khawbung fethlengin Pu J. Malsawm kuomah Delhi Version Hmar Holy Bible savun kawm Rs. 700/ man chu a thlawnin an hlan.
Nundan pangngai hmang nawk
CCPUR: JAC Against AntiTribal Bills in December 1, 2015 a inthawk CCPur khawpui sunga dawr, bazar le Institutions hai a pangngaia hawng nawk ta dinga thusuok an siem le inzawmin zanikhan CCPur khawpui sunga chun nundan pangngai hmang tan nawk a nitah. AntiTribal Bills 3 hai le inzawma indin JAC Information Centre, KKL Complex khawm zanikhan chu khar a nih.
KNO le UPF in ngenna an siem
CCPUR: KNO& UPF Convenor Calvin H le T.S. Haokip, CoConvenor, UPF&KNO hai chun zanikhan Joint appeal siemin NSCNIM le India sawrkar han inremna a hung um theina dinga ‘framework Agreement’an ziek chu lawmum an ti thu, UPF le KNO khawmin inremna um theina dinga inbiekna an fepui mek thu; UPF le KNO chun Manipura hnam tin hai inzatuo a, inrem taka um a nuom thu an zieklang a. Ralthuom chawi thenkhat in thawluina hmanga November 20, 2015 nia Chandel District sunga Aimol Satu hmuna Aimol hnam hai Naga an nih ti sukchiengna dinga lungdaw hawnga um chu pawi an ti thu hrlin Tribal hnam tum tum cheng hai kara inlaichinna sukse thei ding thil tu pawl khawma sunzawm talo ding le Aimol hnam sung inthedarna le inngeinawna intlun thei ding thil thaw ta lo dingin an ngen.
Tribal Martyrs ralna a la lut pei
CCPUR: District Hospitala JPO kuta chun Tribal Martyrs hai ralna le hliem hai thangpuina sum a la lut zing a, zanikhan mimal le organisation pakhat han JPO kutah Rs. 4800/ an inhlan. Zanita JPO kuta ralna le thangpuina petu hai chu Huaite Sinzawl Area Progressive Farmers Association Rs 1000/ le JPO thangpuina dingin Rs 100/; Kamzathang of Bungmual in Rs 500, le JPO thangpuinain Rs 200/; Kaikhochin of Shillong in Rs 1000/; Dalzakam of Guwahati in Rs 1000/ le T. Kaithang of New Delhi in Rs 1000 a nih.
Dec. 2, 2015 a District Hospital Morgue duty le thingpui inlumtu ding YPA ning an ta, 11:002PM sung Hill Town le Hq. Veng hai Morgue bulah lengkhawm an tih.
CHC le PHCs haiah HIV/AIDS testing facilities le ART Centre sie tum a nih: CM
IMPHAL: Khawvel hmun tum tum haia hmang a ni ang bawkin zanikhan 1MR Ground, Imphala khawm “Getting to Zero” ti thupui hmangin Manipur State AIDS Control Society (MACS) huoihawtnain World AIDS Day 2015 hmang a ni a, Manipur CM O.Ibobi Singh khuollienin a thang.
Hi huna CM O.Ibobi Singh in thu a hrilnaah state sawrkarin a bik takin tlangram biel haia Community Health Centres (CHCs) le Primary Health Centres (PHCs) haiah free HIV/AIDS testing facilities le ART Centres indin a tum thu a hril a. Manipur state in India rama infant mortality rate inhnuoina tak Award a dawng thu, Manipur in Arts and Culture le sports tiengah India ram ta dinga ngirhmun pawimaw tak nei mek a ni thu; kum 3 liemta sunga HIV/AIDS ngirhmun zieum tieng a pan pei thu hrilin HIV/AIDS dona kawnga NGOs, CSOs le mitin thangruol a pawimaw thu hrilin MACS in HIV/AIDS dona kawnga hma a lakna hai inpakum a ti thu a hril bawk.
CM O.Ibobi Singh chun World AIDS Day le inzawmin hi huna hin Voluntary Blood Donation Camp a hawng bakah HIV/AIDS dona kawnga sinthaw tha zuol Doctors 6 hai kuomah chawimawina Awards an hlan.
HIV hi kum 1986 a hmusuok tan niin India ram chu khawvela HIV tamna tienga a pathumna niin Manipur khawm hi HIV tam tienga hmathuoitu a lo ni a, tuhin Manipurah mihriem 2.7 million um hai lai HIV (PLWHA) 43,171 an um a, hienghai laia a tamlem chu drugs inkap (injecting) laia kai an nih tiin ei thu dawngna chun a hril. Mi tam tak society le khawtlang in an enhran inlauna leia thisen test lo tam tak an um a, hienghai hi test vawng nisien chu tuta nek hin Manipurah HIV invawi an tamlem ngei ring a nih.
Wangkhei hmuna bomb a puok
IMPHAL: Zani zan 8:30PM vel khan Imphal East districta Wangkheimayum Leiraka MM Higher Secondary School terrace lai IED bomb a puok a, sienkhawm mihriem thi le hliemna tuo an um thu hriet a ni nawh. Imphal East District Police chun hi thil tlungna hmun hi pan nghalin thil umdan an enfel.
Dy. CM an inhmupui
IMPHAL: Dec. 1, 2015 khan Upa D. Lomsang, Rev. Benjamin Shakum, Dr. Zarzosang, Pu. R. Hmar, Tv. Thangboi, Pu Zangsat, Pu Blessing le Pu Jonathan han Dy. CM Gaikhangam an inhmupuia, Jiribam chungthu an hrilpui. Dy. CM chun “Jiribam chu revenue vawnga record a ni taa, sienkhawm in thil buoipui hi a tha a, house ah putlut tum ning a ta, Tribal SDO, BDO le TD block sunga in umdan ding ngaituo ning a tih”, tiin a lo hril niin Pu (Tv) Upa D. Lomsang chun a hril a, CM O.Ibobi Singh khawm inhmupui vat a ni ding thu a hril. a hril bawk. (Virthli)
Kum khat dang suksei nawk
IMPHAL: Imphal Municipal area thang lovin Manipur state pumpui under Section 3 of the Armed Forces (Special Powers) Act 1958 hnuoia Disturbed areaa puongna chu December 1, 2015 a inthawk kum khat dang suksei dingin zani hmasaa cabinet meeting chun an rel. Chun, Waikhong SubDivision, Thoubal Districtah Sugnu SDC circle hawng ding, State Health Society, Manipur hnuoiah National Health Mission (NHM) thawktu ding contract basis a 357 lak dingin cabinet chun remtina a nei. Thawktu lak ding hai lai hin Medical Specialist doctors, Psychiatrists, ENT specialist, Dental Surgeons, MBBS doctors, Physiotherapist, Staff Nurses, Programme consultants, Counsellors le social workers hai a thang. Chun, MPSC fethlengin PWD hnuoia AE/ASW post 24 ruok hai suksip dingin cabinet chun an rel bawk.
Lok Sabha le RS haiah Intolerance thu hril nawk
NEW DELHI: Parliament Winter Session fe meka chun zanikhan Lok Sabha le Rajya Sabha haia sakhuo dang/midang ngaitheinawna ‘intolerance’chungthu hril le chai nawk a nih. Home Minsiter Rajnath Singh chun inremna le muongna sukse tumtu hai chu ngaidam ni naw ni hai tiin a hril.
Minister of State for Home Kiren Rijiju chun, kum 2013 a inthawk khan India ramah hnam le hnam kara buoina (communal violence) nasa takin a tlahnuoi tiin zanikhan Rajya Sabha hmuna indawnna dawnin a hril. Law and Order enkawl hi State sawrkar mawphurna a ni lai zingin sawrkar thlungpuiin law & order enkawlnaah state sawrkar hai a thangpui hlak bakah hnam thila buoina leia thi le harsatna tuor hai kuoma sawrkar thlungpuiin zangnadawmna a pek hlak thu a hril bawk.
Mr Rijiju in Lok Sabhaa zieka dawnna a pek dungzuiin kum 2014 khan India ramah hnam thila buoina vawi 644 a tlung a, hieng hai laia 133 chu Uttar Pradesh a tlung an ni a, Rajasthanah vawi 72, Maharashtraah vawi 97, Madhya pradeshah vawi 56, Karnatakaah vawi 73, Jharkhandah vawi 4, Gujaratah vawi 74, Delhiah vawi 7, Biharah vawi 61 le West Bengalah vawi 16 hnam thila buoina a tlung a. JanuaryOctober, 2015 sung khan hnam thila buoina vawi 650 a tlung a, hi laia 139 hai chu Uttar Pradesh a tlung; Maharashtraah 97, Madhya Pradeshah 86, Karnatakaah 79, Jharkhandah 24, Gujaratah 47, Biharah 59, West Bengalah vawi 24 hnam buoina a tlung niin Rijiju chun a hril.
Zanikhan Left parties han Parliament tuolah India rama midang theidana (intolerance) pung pei dodalnain protest an nei. Protest hi CPM General Secretary Sitaram Yechury le senior CPI leader D. Raja han an inrawi a,‘ Down down Communalism” ti le “Rising Intolerance in the Country” ti haiin an khek. Zani hmasa khawm khan Youth Congress han Jantar Mantarah protest an lo nei ta bawk.
Bihar Congress in candidates 45 an hnawtdawk
PATNA: Bihara chun State Congress Chief hlui Ram Jatan Sinha thangin Congress party leaders 45 hai chu Congress in kum 6 sunga dingin partya inthawk an hnawtdawk. Bihar Assembly Election 2015 neia khan Mr Ram Jatan Sinha hin Congress official candidate le Grand Alliance candidate an khingpui a nih. Congress a inthawka hnawtdawk hai lai hin senior leaders Raghunandan Manjhi, Sunita Devi le State Youth Congress Chief hlui Lallan Kumar hai khawm an thang.
India le Myanmar ramriah venghimna sukkhau
AIZAWL: Lt. Gen. Abhay Krishna, General Officer Commanding (GOC) 3 Corps in thu a pek angin Mizorama India le Myanmar ramri a chun venghimna sukkhau zuol a nih. Mizoram hin India le Myanmar han ramri intawm km. 510 a sei le Bangladesh leh ramri 318 a sei an nei a, hi lai ramri hi ralthuom le drugsa sumdawngtu han lampuia an hmang a nih.
Class IX inchuklai in toilet sungah nau a nei
HYDERABAD: Zanikhan Andhra Pradesha Madhapur areaah government school pakhata Class IX inchuklai nuhmei kum 14 mi in an school toilet/washroom sungah nau a nei. An class lak laiin a phingna a sawisel leiin toiletah a lut a, chu huna nau hi a nei niin Malkangiri Deputy Educational Officer (DEO) A Usha Rani chun a hril. Naute le a nu hi school thuneitu hai chun Police kuta an inhlan a, nuhmei nu pa in complaint a peklut angin Police chun pasal pakhat Dhanu an ti chungah suolluina case an zieklut. Hi thil tlung le inzawm hin DEO chun school Headmaster S. Basavalingam chu a sina inthawk a suspended.
NE Tamchon: Hmar FC an hrat
NEW DELHI: 9th NE Tamchon Football Tournament chu zanikhan Ambedkar Stadium, New Delhiah tan a ni a, Openingah Hmar FC le Wung United an inkhel a, Hmar FC chun 10 in an hne. Hmar FC ta dinga goal thuntu chu Daniel Hmar a nih. Dec. 3, 2015, 9:30AM khin Barhungkha FC hai inkhelpui nawk an tih. (Virthli)
2nd December, Wednesday Fixture
Venue: Ambedkar Stadium
9:30 AM to 10:50 AM: Barhungkha vs Sikkim Gambos FC
11:20 AM to 12:40 PM: SSPP Vs Chiru REM FC
1:10 PM to 2:30 PM: ASUD TODO FC vs Zelianrong FC
3:00 PM to 4:20 PM: Hombill FC VS Garo FC
Venue: Jamia University Ground
9:30 AM to 10:50 AM: KSL vs Muvanlai
11:20 AM to 12:40 PM: Senapati Vs Chandel United FC
1:10 PM to 2:30 PM: MISAD vs United Rhino FC
VAWISUN THUPUI
Zalen in nih, nisienlakhawm, in zalenna chu suol inkhumna dinga hmang loin, Pathien suoka umna dingin hmang lem ro. Mi po po chawimawi ro. Unauhai chu hmangai ro, Pathien tidek ro. Laltak chu chawimawi ro. 1 Peter 2:1617
Editorial
Krismas insingsatna
Kristien han kumpui lingleta ei lo thlir, mitinin hmu le chang an nuom Krismas hmangna thla December ei hang chuongkai meu hin chu mitin Krismas ‘rau’ hin a mi man deu vawng niin an lang. United States of America (USA) a chun kum tinin November thla Ningani vawilina hi lawmthu hrilna ni (Thanksgiving Day) in an hmang hlak a, hi ni an hmang a inthawk char hin a tlangpuiin Krismas boruok chun a rampum a tuom hlak. India ram ril South India tieng Kristien hai chengna hmun haia chun ‘Ber’ thla a hung intan chara inthawk hin Kristien hai chun an In hai light chi hran hrana cheimawia Krismas tree intungin Krismas hi an lo urlawk ta hlak bawk.
Krismas hi hun lawmum le hlimum tak a ni lai zingin mi thenkhat ta ding chun lunginlengna sukzuoltu a ni hlak. A san chu Krismas hun hi sin thawna lei dam le thil dang dang leia hmun hran hrana cheng le khawsa hai inhmukhawmna hun deua ei hmang hlak, sungkuo member kim hun a ni a. Chuong lai zingah hi hun ropui tak le hlimum takel lusunna leia sungkima hmang thei lo ding sungkuo hai ta ding chun khawsawt a nain, lung an leng vawng vawng hlak a, lung an no nuom hle bawk a nih.
Hieng laizing hin Kristien seng seng, nu le pa seng seng, thalai seng seng le naupang seng seng hai lai khawm ei sandamtu Isu Krista piengchampha Krismas ei lo tung dan le hmang ei tum dan chu an angnaw nuol ngei ring a um. Then tamlem chun a Bethlehem tiengpang nekin thuomhnaw thar neina ding tiengpang hin ei lung an len hlak nisien a hawi. Hun lawmum a ni angin Krismas hi hlim le lawm taka hmang ding chu ei ni hrim a nih, sienkhawm thlarau tieng neka tisa tienga inhawi chennaa hmang tum pawl ei pung pei ruok hi chu Krismas hlutna sukdaltu a hung ni pei ta a nih.
Krismas le inzawma thil thar nei hai hi a thanaw chu a ni der naw a, thil tha tak a nih. Ram changkang haia lem chun an uor em em a, Krismas hun hi thil inpekna hunin an hmang hlak a, sungkhata cheng hai khawmin thil inpektuo hi an uor hle a, chuong thil an inpek hai chu hawngin hlim takin hun an hmang hlak a nih. Lusun tuok hai chau ni lovin Krismas hi hun lawmum le hlimum tak a ni laiin mihriem hi ei khawsakna ngirhmun an chen naw a, thenkhatin ei dit ang ang inchawa ei nei thei laiin khawsak harsa taka nu le pa thenkhat, mani nau le te hai ta ding thil thar an thaw pek ve theinaw leia rinum taka hun hmang an lo um thei leiin Kohran member hai hieng kawnga bengvar ei insuo zuol a tul.
Kohran thuoitu hai khawmin hi hun lawmum tak hmang dinga mitin ei insingsat mek zing lai hin mani member hai lai taksa bawrsawmna leia harsatna tuok annawleh insung khawsakna kawnga beidawng le lusun beidawngna leia harsatna tuok an um am ti tiengpanga hin bengvar inla nuom a um. A Krismas program ding buoipui ringawt amani annawleh a ruoi ding chau ngaituo loin ei beram hai khawlam an um a, ieng ngirhmuna um am an nia tia nasa nawk zuola ei bengvar thiltha a ni ngei ring a um. Hi hun lawmum tak hlim le lawm taka ei hmang tlang seng theina dingin thilpek mamaw lem lo, a mi pe let ve thei ding hai kuoma thil pek inhlan nekin, a mamaw ngawi ngawi hai kuoma thil pek inhlanna damin hmang inla, Krismas hung tlung ding hi mi ta dinga iemani kawng beka malsawmna, hlimna le lawmna intluntu ni dingin mitinin thang la seng inla; Mani mimal annawleh sungkuo hlimna ding chau ngaituo lovin, midang ta dinga hlimna le lawmna intluntu ni ngei dingin hi hun pawimaw tak hi hmang tum seng bawk inla chu umzie nei le hlawk takin Krimas hi ei hmang ngei ring a um.
Chun, Krismas hmang dinga Kristien hai ei insingsat mek lai hin bazaar kai mipui ei hung tam pei ding a ni leiin eksiden le thil dang dang sietna laka ei him theina ding; motor inlawn vel le a sunga chuong hai him lemna dingin Traffic tiengpang khawmin fimkhur le khau nawk zuola enkaiin inrui puma motor khal hai khawm enkai hlak hai sien thil tha tak ning a tih.
