Hmarkhawlien ah Sikpui Ruoi Barak Valley, Assam hmang; Miss Sikpui Ruoi-in Gloria Zathangpui Zate thlang
- LRS Puruolte | Photo: Alan Famhoite
HMARKHAWLIEN: Dec. 17, 2015 khan Hmarkhawlien ah Sikpui Ruoi Barak Valley, Assam chu Barak Valley Hill Tribes Development Council (BVHTDC), Govt. of Assam Sponsored-na le Sikpui Ruoi Organizing Committee (SPROC), Barak Valley, Assam huoihawtna hnuoiah hmang a nih. Sun hun a chun khawsungah mithi um leiin ti angin hun hmang thei a ni ta naw a. Zan hunah hun ditkhawplo taka hmang a nih. Pu T. Sangkhum chu Sikpui Pa hi hun a hin a nih. Zan programme khawm hi khawsungah sun huna mithi 1 le zan lu mengpui ngai 2, a rengin mithi 3 lai um leiin inthlahrung tak pum le lusun sungkuohai tuorpui zing puma hmang a nih. Zan hun chu Musical Nite cum Miss Sikpui Barak Valley Contest 2015 a hmang niin hlasak thiem tak tak le rimawi rem thiem tak tak haiin mipui hlain an in awi a. Miss Sikpui Barak Valley Contest 2015 neia ni huna chun mi 10 lai an in contest a, Miss Gloria Zathangpui Zate chu Miss Sikpui Barak Valley Contest 2015 dinga thlang a nih. 1st Runner Up in Miss Rebecca Lalnunmawi, 2nd Runner Up in Miss Melody, Miss Best Western Outfit in Miss Esther Khawbung le Miss Best Traditional Attire in Miss Jenny Pakhumate hai thlang an ni bawk.
Hi hun a Khuollien Pu Lalthomlien Hmar Chairman, BVHTDC in thuhrilna hun a neina a chun huoihawttuhai kuomah lawmthu a hril a, ei hnam mawina dingin nang le keia innghat a nih, ei hrat lai siemtu Pathien hriet a tul angin ei hnam a hratna ding ngaituo hlak ei tiu, Mani hnam tadinga thangkai ngaituo lo BA,MA chu thangkai lo a nih ti hai a hril; Khuol chawngpu, Pu Dr. John Pulamte President, HI chun hi huna thang thei a a um chu lawmum a ti hle thu hrilin, hieng hun laia thina tuok lunsun sungkuo hai chu pawi a ti puiin a sunpui thu hai a hril; Spl. Invitee Pu Ngamrothang Ex-Chairman, NCHAC chun Assam le State dang danga Hmar nauhai vangneina hrilin Assam a MIL ei nei ringawt khawm a hlut zie a hril a, ei inchukna, iengkim ei thawna ah a thiem tak nit um ei tiu, Politician ni tum chun Politician ropui tak nit um ding, Ama ngei khawm kum 5 lai a thaw hnunga hung hlawtling a ni thu hai a hril bawk. Spl. Invitee Pu Lalhrillien MDC/Member, Fin. Comm., ADCC (Manipur) chun hi huna thang mipuihai chu chibai bukin Pathien khawma vanglai ni a hlim a phal, ei umna ding taka ei um chun ei num chun ei hnam hi la par suok a tih. Khawvela hnam changkang tak USA a sap hai khawma an nei lo tlawmngaina hi suk vu lei tiu tiin a hril.
Hi huna Artiste hai chu Sinlung Express Band, Manipur; Neitham Headhunters Band, Semi Greve Band, Dima Hasao; Sikpui Band, Hmarkhawlien; Mrs. Nienglawmkim, Mr. Lalsanglien Joute, Manipur; Miss Lawmnakim Hrangate, Manipur; Miss Maryjone Lalengvar, Mrs. Lalramthang, Miss Roslyn Malsawmkim, Miss Khawlneikim, Miss Marilyn, Miss Lily Lalparmawi, Miss Ramnghakmawi, Miss Jenevi Sungte, Miss Lalhmunmawi Khawbung, Miss Ruthi Pakhuongte le Miss Nancy Khawbung hai an nih.
#Thlalak hai chu nakie tieng hung upload ning a tih
- LRS Puruolte | Photo: Alan Famhoite
HMARKHAWLIEN: Dec. 17, 2015 khan Hmarkhawlien ah Sikpui Ruoi Barak Valley, Assam chu Barak Valley Hill Tribes Development Council (BVHTDC), Govt. of Assam Sponsored-na le Sikpui Ruoi Organizing Committee (SPROC), Barak Valley, Assam huoihawtna hnuoiah hmang a nih. Sun hun a chun khawsungah mithi um leiin ti angin hun hmang thei a ni ta naw a. Zan hunah hun ditkhawplo taka hmang a nih. Pu T. Sangkhum chu Sikpui Pa hi hun a hin a nih. Zan programme khawm hi khawsungah sun huna mithi 1 le zan lu mengpui ngai 2, a rengin mithi 3 lai um leiin inthlahrung tak pum le lusun sungkuohai tuorpui zing puma hmang a nih. Zan hun chu Musical Nite cum Miss Sikpui Barak Valley Contest 2015 a hmang niin hlasak thiem tak tak le rimawi rem thiem tak tak haiin mipui hlain an in awi a. Miss Sikpui Barak Valley Contest 2015 neia ni huna chun mi 10 lai an in contest a, Miss Gloria Zathangpui Zate chu Miss Sikpui Barak Valley Contest 2015 dinga thlang a nih. 1st Runner Up in Miss Rebecca Lalnunmawi, 2nd Runner Up in Miss Melody, Miss Best Western Outfit in Miss Esther Khawbung le Miss Best Traditional Attire in Miss Jenny Pakhumate hai thlang an ni bawk.
Hi hun a Khuollien Pu Lalthomlien Hmar Chairman, BVHTDC in thuhrilna hun a neina a chun huoihawttuhai kuomah lawmthu a hril a, ei hnam mawina dingin nang le keia innghat a nih, ei hrat lai siemtu Pathien hriet a tul angin ei hnam a hratna ding ngaituo hlak ei tiu, Mani hnam tadinga thangkai ngaituo lo BA,MA chu thangkai lo a nih ti hai a hril; Khuol chawngpu, Pu Dr. John Pulamte President, HI chun hi huna thang thei a a um chu lawmum a ti hle thu hrilin, hieng hun laia thina tuok lunsun sungkuo hai chu pawi a ti puiin a sunpui thu hai a hril; Spl. Invitee Pu Ngamrothang Ex-Chairman, NCHAC chun Assam le State dang danga Hmar nauhai vangneina hrilin Assam a MIL ei nei ringawt khawm a hlut zie a hril a, ei inchukna, iengkim ei thawna ah a thiem tak nit um ei tiu, Politician ni tum chun Politician ropui tak nit um ding, Ama ngei khawm kum 5 lai a thaw hnunga hung hlawtling a ni thu hai a hril bawk. Spl. Invitee Pu Lalhrillien MDC/Member, Fin. Comm., ADCC (Manipur) chun hi huna thang mipuihai chu chibai bukin Pathien khawma vanglai ni a hlim a phal, ei umna ding taka ei um chun ei num chun ei hnam hi la par suok a tih. Khawvela hnam changkang tak USA a sap hai khawma an nei lo tlawmngaina hi suk vu lei tiu tiin a hril.
Hi huna Artiste hai chu Sinlung Express Band, Manipur; Neitham Headhunters Band, Semi Greve Band, Dima Hasao; Sikpui Band, Hmarkhawlien; Mrs. Nienglawmkim, Mr. Lalsanglien Joute, Manipur; Miss Lawmnakim Hrangate, Manipur; Miss Maryjone Lalengvar, Mrs. Lalramthang, Miss Roslyn Malsawmkim, Miss Khawlneikim, Miss Marilyn, Miss Lily Lalparmawi, Miss Ramnghakmawi, Miss Jenevi Sungte, Miss Lalhmunmawi Khawbung, Miss Ruthi Pakhuongte le Miss Nancy Khawbung hai an nih.
#Thlalak hai chu nakie tieng hung upload ning a tih
