December 5, 2015 (Virthli): Vawisun chawhnung dar 1 a inthawkin khan Delhi Hmar Welfare Association huoihawtna hnuoiah Delhi khawpui le a sevela khawsa Hmarnau haiin ropui takin, Sur Taal Open Air Theater, Talkatora Garden, New Delhi hmunah Sikpuiruoi an hmang. Hi huna hin Pu Lalkhothang Thahgen, Director, Ministry of Health & Family Welfare, Government of India chuh Sikpui Pa ni’n Sikpui thucha hrilna a nei.
Delhi khawpuia Sikpuiruoi hmang zo ta hih hun hni a the a hmang a nih. Tv. Zacharia Varte le Nk. Thelma Ramthienghlim hai keihruoina hnuoiah hunkhatna hi hmang a nih. Pastor Lalsiesang Zote in Pathien kuoma tawngtaina neiin hun hmang tan a ni a. Delhi Hmar Sikpui Sports 2015 a inkhelna chi hrang hranga lawmman hai sem a ni zovin, Pu Hrangthangvung, Chairman, Delhi Hmar Welfare Association in Sikpui chibai inhlanna le mipui fe khawmhai lawmlutna thu a hril a. Sikpui Pa, Pu Lalkhothang Thahgen chu tawnlairang intawntirin Sikpui Thucha a hril a nih. Hi huna thuhriltu dinga ruot, Pu L.Keivom, IFS (Retd.) in ‘Sikpuiruoi Pawimawna’ ti thupuia hmangin thu a hril, Sikpuiruoi hmang tan a ni dan le ngaihlut a tulzie uor takin a hril. Hmar Students Assocation, Joint Headquarters Delhi Cultural Troupe haiin hnam lam mawi takin an suklang bawk a nih. Hi huna hin Pu Malsawmthang Keivom khawma thu hrilin Delhi a Hmarnau haiin tlawmngaina a hma neka tlawmngaina insuo tam dingin a fiel.
Kum 2015 sunga mi tlawmngai mi 33, dawmna thisen mamaw petuhai kuomah Chawimawina lekha inhlan a ni bakah, Pi Dr. Janet Thiek Stephens in Delhi a dawmnawhai tlawmngai taka a sawmdawl le enkawl hlak leiin ‘Certificate of Highest Recognition’ DHWA’n an hlan a, Delhi a inchuklai tamtak lo sawmdawl hlaktu, Pi Lalhlupui khawm ‘Certificate of Appreciation’ inhlan a ni bawk.
Sikpuiruoi hmang a ni sung hin kum 2015-2017 sunga Delhi Hmar Welfare Association thuoitu thar dinghai Delhi Hmar mipuiin an thlang a. Chairman dingin, Chairman sin chel lai zing, Pu Hrangthangvung thlang a nih. Secretary dingin Pu Lalchungsiem Thlawngate thlang a ni a, Vice Chairman le Assistant Secretary dingin Pu Franklin Lalsansuok Khawbung, IFoS le Pu Benjamin Khobung hai thlang an nih. Committee member dingin mi pathum: Pu James Pusing Sanate, Pu Lalhmingthang Songate le Pu Lalthuoisuok Pudaite hai thlang sa an nih. An ni hai baka hin val upa le nghak upa ding 5 ve ve thlang an ni a. Val upa dingin: Pu Lalchungthang Infimate, Pu T Romeo Hmar, Pu Joyful Z Khawzawl, Pu Robert Penatu le Pu David Lalkhawnvar Shakum le nghak upa dingin: Nk. Elizabeth Varte, Nk. Elish Vanrammawi, Nk. Chingbawi Buhril, Nk. Alice Lalthakim le Nk. Rose Pulamte hai thlang an nih. Thuoitu thlang thara um hai hin ‘Oath-taking’ an nei zovin Pastor Lalsiesang Zote a Pathien kuomah tawngtai pek nghal a nih.
Hi huna hin Pu L Keivom in Pu Lalchunghnung Infimate in lekhabu a ziek, ‘Chawlhmun Thlifim’ a tlangzar bawk a nih. Hi zova hin Pastor Lalditsak Inbuon in Sikpui ruoi inhlanna neiin bawngsa hmepawk le chartang inhnik tawk tak el, Sikpui Ruoi mipui fe khawm hai po povin khawp le tlai takin an kil tlang a nih.
Sikpui Ruoi kil zo hin hun hnina tan nawk nghal a ni a. Delhi a Hmar nunghak pieng nal tak tak haiin hnam puon zie hmanga thuom mawi tak tak suklangna an nei chun mipui mit a suk tlai hle. Hun hnina hih Pu Nehemiah D Ruolngul le Nk. Mercy Lalumpui haiin an keihruoi a, Delhi a Hmar nau hlasak thiem tak tak haiin mipui an inawi a nih.
Thlalak dang en nuom hai chun: http://www.virthli.in/2015/12/exclusive-photos-of-delhi-sikpuiruoi.html
Delhi khawpuia Sikpuiruoi hmang zo ta hih hun hni a the a hmang a nih. Tv. Zacharia Varte le Nk. Thelma Ramthienghlim hai keihruoina hnuoiah hunkhatna hi hmang a nih. Pastor Lalsiesang Zote in Pathien kuoma tawngtaina neiin hun hmang tan a ni a. Delhi Hmar Sikpui Sports 2015 a inkhelna chi hrang hranga lawmman hai sem a ni zovin, Pu Hrangthangvung, Chairman, Delhi Hmar Welfare Association in Sikpui chibai inhlanna le mipui fe khawmhai lawmlutna thu a hril a. Sikpui Pa, Pu Lalkhothang Thahgen chu tawnlairang intawntirin Sikpui Thucha a hril a nih. Hi huna thuhriltu dinga ruot, Pu L.Keivom, IFS (Retd.) in ‘Sikpuiruoi Pawimawna’ ti thupuia hmangin thu a hril, Sikpuiruoi hmang tan a ni dan le ngaihlut a tulzie uor takin a hril. Hmar Students Assocation, Joint Headquarters Delhi Cultural Troupe haiin hnam lam mawi takin an suklang bawk a nih. Hi huna hin Pu Malsawmthang Keivom khawma thu hrilin Delhi a Hmarnau haiin tlawmngaina a hma neka tlawmngaina insuo tam dingin a fiel.
Kum 2015 sunga mi tlawmngai mi 33, dawmna thisen mamaw petuhai kuomah Chawimawina lekha inhlan a ni bakah, Pi Dr. Janet Thiek Stephens in Delhi a dawmnawhai tlawmngai taka a sawmdawl le enkawl hlak leiin ‘Certificate of Highest Recognition’ DHWA’n an hlan a, Delhi a inchuklai tamtak lo sawmdawl hlaktu, Pi Lalhlupui khawm ‘Certificate of Appreciation’ inhlan a ni bawk.
Sikpuiruoi hmang a ni sung hin kum 2015-2017 sunga Delhi Hmar Welfare Association thuoitu thar dinghai Delhi Hmar mipuiin an thlang a. Chairman dingin, Chairman sin chel lai zing, Pu Hrangthangvung thlang a nih. Secretary dingin Pu Lalchungsiem Thlawngate thlang a ni a, Vice Chairman le Assistant Secretary dingin Pu Franklin Lalsansuok Khawbung, IFoS le Pu Benjamin Khobung hai thlang an nih. Committee member dingin mi pathum: Pu James Pusing Sanate, Pu Lalhmingthang Songate le Pu Lalthuoisuok Pudaite hai thlang sa an nih. An ni hai baka hin val upa le nghak upa ding 5 ve ve thlang an ni a. Val upa dingin: Pu Lalchungthang Infimate, Pu T Romeo Hmar, Pu Joyful Z Khawzawl, Pu Robert Penatu le Pu David Lalkhawnvar Shakum le nghak upa dingin: Nk. Elizabeth Varte, Nk. Elish Vanrammawi, Nk. Chingbawi Buhril, Nk. Alice Lalthakim le Nk. Rose Pulamte hai thlang an nih. Thuoitu thlang thara um hai hin ‘Oath-taking’ an nei zovin Pastor Lalsiesang Zote a Pathien kuomah tawngtai pek nghal a nih.
Hi huna hin Pu L Keivom in Pu Lalchunghnung Infimate in lekhabu a ziek, ‘Chawlhmun Thlifim’ a tlangzar bawk a nih. Hi zova hin Pastor Lalditsak Inbuon in Sikpui ruoi inhlanna neiin bawngsa hmepawk le chartang inhnik tawk tak el, Sikpui Ruoi mipui fe khawm hai po povin khawp le tlai takin an kil tlang a nih.
Sikpui Ruoi kil zo hin hun hnina tan nawk nghal a ni a. Delhi a Hmar nunghak pieng nal tak tak haiin hnam puon zie hmanga thuom mawi tak tak suklangna an nei chun mipui mit a suk tlai hle. Hun hnina hih Pu Nehemiah D Ruolngul le Nk. Mercy Lalumpui haiin an keihruoi a, Delhi a Hmar nau hlasak thiem tak tak haiin mipui an inawi a nih.
Thlalak dang en nuom hai chun: http://www.virthli.in/2015/12/exclusive-photos-of-delhi-sikpuiruoi.html
