Rev. Dr. Rochunga Pudaite ruong tuok dan ding thua HYA Thusuok

HYA GHQ THUSUOK

18th October(Changer), 2015

Office of the

Hmar Youth Association 

General Headquarters; Rengkai, Churachandpur

HYA General Headquarters Executive Meeting Dt. 18/10/2015 chun Rev. Dr. Rochunga Pudaite ruong Manipur a hung lut huna lo inrelbawl dan ding a hnuoia ang hin a rel a, mitinin hi thusuok hi zui le zawm seng dingin eiin ngen a nih.

1. Imphal Airport-a inthawka Sielmat khaw lutna chen HYA Imphal JHQ in ruong chungah mawphurna lang an ta; Sielmat khaw lutna a inthawka PMS Bungalow chen HYA Sielmat Branch/Valupa-in ruong chungah mawphurna lang an tih.
2. Ruong tuoka fe ding nuhmei le pasal hai inthuom dan ding chu hieng ang hi ning a tih:
(i) Pasal - Hmar puonte(muffler) lua khit ding; zakuo dum hak ding
(ii) Nuhmei - Zakuo dum hak ding; Thlanlampuon/Hmar thangsuopuon bie ding.
3. Airport le Sielmat khaw inkara ruong lo sukchawla chawimawina/Ralna hunser lo hmang nuomhai chun HYA GHQ inhriettir lawk ngei ding.
4. Churachandpur area sung ruong a hung lut le inruola ruong tuoktu mipuihai um dan ding (physical arrangement) a tul ang peia rel le enkawlna sin thawtu ding chu HYA Tuithaphai JHQ ning a tih.
5. Sielmat-a ruong a um sung HYA tlawmngaina le inzawma sin tul tamtak a um ding a ni leiin HYA Sielmat Branch thangpuina(assistance) sin Branch dang hai khawma an thaw ve theina dingin HYA Tuithaphai JHQ-in a tul ang peiin Branch hai inhriettirin sin hung semsawm a tih.
A chunga thusuok 5 hai baka khin ngaituo le relfel tul inhmaw thut a um a ni chun HYA GHQ thuoituhai inhriettir dingin mitin ngen le inhriettir ei nih.

(SONGNEILIEN SONGATE)
General Secretary
+919612500688

(UPA LALDAWNLIEN VARTE)
General President +919436270074