North East Festival Football Cup ah Hmar FC

New Delhi, October 7, 2015 (Virthli News): North East Festival – Connecting People, Celebrating Life ti thupui hmanga North East India chungchanga awareness le tourism hai promote tumnaa kum 2013 a inthawka IGNCA, Janpath, New Delhi hmuna lo nei tan ta chu tukum khawm hin hi festival hi 16th-18th October, 2015 inkar sunga nei nawk dingin riruong a ni a. North East Festival 2015 le inzawm tho hin Ministry of Sports, Govt of India huoihawtna hnuoia North East Festival Football Cup ti chu 9th-15th October, 2015 inkar sung hin Jawharlal Nehru Stadium, New Delhi hmuna nei dinga ti a nia, hi footbal cup a hin Delhi hmuna college lien le inlar Hindu College, St. Stephans, IIT Delhi, SRCC le dang dang haia inthawkin le North East a inthawka college dang dang le club hai an inhnel ding a nih.

North East Festival Football Cup a thang ve ding hin Hmar Football Club (Hmar FC) khawm nasa deuin an puocha mek a. Hmundang danga players fekhawm hai le Delhi hmuna lo um reng hai chu 6th Oct.,2015 zan khan Hmar FC Vice Chairman CH Vunga In-ah lawmlutna le inhmelhrietuona hun an hmang. Hi taka inhnel ding Hmar FC players ei hriet thei ta chin hai chu:

1. Cleven Hmarramngahk
2. Malsawm
3. Immanuel Infimate
4. Lalsiemthang Fimate
5. Paoginmuan
6. Zampui
7. Michael Chongthu
8. Sanjoy
9. Chalhmingthang Nungate
10. H. Rambeisei
11. Paul Hellienthang
12. Eldad Khawbung
13. David Lalthangsei
14. Laldarmawi

OFFICIALS:
James Sanate
Robert Penatu
David Shakum Hmar