Tumkhata tuitla mi 3 sansuoktu, National Child Bravery Award dawng tlak:
Naupang Huoisen Master John Lalditsak Hmar (13)
CCPUR | Oct. 20, 2015: Lo inhnu deu tah sienkhawm, chanchinei hriet le inruolin ei bawzui a, Oct. 12, 2015 2:00PM vel khan Churachandpur P/S a inthawka 3/4 KM vela hlaa um Tuiṭhapui Vadung, Saikot Vengthlang kai lai nupui Pahni le naupang Pakhat; Mrs. Lalremkung (60) W/o Mr. Lalropui of Saikot, Mrs. Tingneihoi @Hoinu (35) W/o Mr. Ramchuoilo of Neihsial Veng/Saikot le Master Lalramthar (12) S/o Mr. Ramchuoilo of Neihsial Veng/Saikot hai chu Tuiṭhapui Vadungah Chengkawl zawngin an fe a, vadung paltan tumin Mrs. Lalremkung hin a tupa Master Lalramthar (12) chu a ruongzangah a puok a, chun Mrs. Tingneihoi@Hoinu chu Mrs. Lalremkung hin a chel bawk a, tuta hma chun an paltan tumna hi kawng chen chauh a inthuk a lo ni hlak a. Hrietnawkarin vadung tuilienin a lo suk danglam tak leiin chu lai hmun tak chu ni dang nekin a lo inthuk a, paltan el thei ta loin an um a, vadunga tui khawm chu a lo hrat bawk leiin an Pathum chun tui hrat chun fenin, mangang thlak taka inham buoiin an pil zawm tawl ta nghal a. Chu phing chun vadung panga ngakuoi kama lo inthung Master John Lalditsak Hmar (13) S/o Mr. Edwin Lalrosiem Hmar Saikot Vengthlang chun a taksa silfenhai hlip sawk sawkin vadung a chun an chawmlut a, anni tieng pana inhlieuin Mrs.Lalremkung (60) a zakuo ah manin vapang tieng pan puiin an pathum chun a’nhlieukai puia, a sansuok ta vawng a nih.
Hi chauh khawm hi niloin tuta hma khawmkhan Master John Lalditsak Hmar hin Naupang kum 11 mi chauh a la ni lai, a naupang chanpui kum 8 mi Tuiṭhapui vadunga tuitla a lo sansuok ta bawk. Tuitla sansuoktu hi mi tamtak an lo um ta hlak a, ṭumkhat thil thuah mi Pathum sansuokruok hi chu hriet ding a la tam naw hle. Naupang kum 13 mi Master John Lalditsak Hmar ang hi chu vang khatte ning an tih. Chuleiin, ama hi mihai hringna sanhimna dinga a huoisenna, a’n pumpekna, ama hringna ngei khawm mihai tadinga inhlan ngam le a tlawmngaina lei hin inpakle chawimawi a phu tak zet a, Chawimawina khawtlang le "National Child BraveryAward" chen khawm dawng tlak a nih. Tuhin ama hi Class VI, ICI Standard English Medium School, Saikot, CCPur ah a’nchûk mek. A piengna Pa in ei indawnna a dawnna a chun a naupa John hi a chintea inthawka hi lai vadunga cheng ṭhang le tui thiem tak el a ni thu a hril. Hi thiltlung hlim hin tuitla hai hin inzakum thila an lo lak leiin an chanchin hi mi an lo hril vat naw a, a khawhnungah ei hung hriet tah a nih.
- LRSPuruolte | Photo: HT Image
Naupang Huoisen Master John Lalditsak Hmar (13)
CCPUR | Oct. 20, 2015: Lo inhnu deu tah sienkhawm, chanchinei hriet le inruolin ei bawzui a, Oct. 12, 2015 2:00PM vel khan Churachandpur P/S a inthawka 3/4 KM vela hlaa um Tuiṭhapui Vadung, Saikot Vengthlang kai lai nupui Pahni le naupang Pakhat; Mrs. Lalremkung (60) W/o Mr. Lalropui of Saikot, Mrs. Tingneihoi @Hoinu (35) W/o Mr. Ramchuoilo of Neihsial Veng/Saikot le Master Lalramthar (12) S/o Mr. Ramchuoilo of Neihsial Veng/Saikot hai chu Tuiṭhapui Vadungah Chengkawl zawngin an fe a, vadung paltan tumin Mrs. Lalremkung hin a tupa Master Lalramthar (12) chu a ruongzangah a puok a, chun Mrs. Tingneihoi@Hoinu chu Mrs. Lalremkung hin a chel bawk a, tuta hma chun an paltan tumna hi kawng chen chauh a inthuk a lo ni hlak a. Hrietnawkarin vadung tuilienin a lo suk danglam tak leiin chu lai hmun tak chu ni dang nekin a lo inthuk a, paltan el thei ta loin an um a, vadunga tui khawm chu a lo hrat bawk leiin an Pathum chun tui hrat chun fenin, mangang thlak taka inham buoiin an pil zawm tawl ta nghal a. Chu phing chun vadung panga ngakuoi kama lo inthung Master John Lalditsak Hmar (13) S/o Mr. Edwin Lalrosiem Hmar Saikot Vengthlang chun a taksa silfenhai hlip sawk sawkin vadung a chun an chawmlut a, anni tieng pana inhlieuin Mrs.Lalremkung (60) a zakuo ah manin vapang tieng pan puiin an pathum chun a’nhlieukai puia, a sansuok ta vawng a nih.
Hi chauh khawm hi niloin tuta hma khawmkhan Master John Lalditsak Hmar hin Naupang kum 11 mi chauh a la ni lai, a naupang chanpui kum 8 mi Tuiṭhapui vadunga tuitla a lo sansuok ta bawk. Tuitla sansuoktu hi mi tamtak an lo um ta hlak a, ṭumkhat thil thuah mi Pathum sansuokruok hi chu hriet ding a la tam naw hle. Naupang kum 13 mi Master John Lalditsak Hmar ang hi chu vang khatte ning an tih. Chuleiin, ama hi mihai hringna sanhimna dinga a huoisenna, a’n pumpekna, ama hringna ngei khawm mihai tadinga inhlan ngam le a tlawmngaina lei hin inpakle chawimawi a phu tak zet a, Chawimawina khawtlang le "National Child BraveryAward" chen khawm dawng tlak a nih. Tuhin ama hi Class VI, ICI Standard English Medium School, Saikot, CCPur ah a’nchûk mek. A piengna Pa in ei indawnna a dawnna a chun a naupa John hi a chintea inthawka hi lai vadunga cheng ṭhang le tui thiem tak el a ni thu a hril. Hi thiltlung hlim hin tuitla hai hin inzakum thila an lo lak leiin an chanchin hi mi an lo hril vat naw a, a khawhnungah ei hung hriet tah a nih.
- LRSPuruolte | Photo: HT Image
