MSU in Mizoram po Scheduled (tribal) area a siem dingin an ngen tum

Aizawl, October 8,2015: Mizo Students' Union (MSU) General Conference chu Darlawn khuoa nei a nia, hi conference huna hin resolution iemanizat an passed a, chuonghai laia pakhat chu Mizoram State sung popo chu a rama chenghai humhal na dingin Scheduled Area/tribal area a siem dingin an rem tia, hi thu le inzawm hin Mizoram sawrkar chu hma la dinga ngen an tum a nih.

Mizoram a hin tuhin scheduled area/6th Scheduled area Saiha le Lawngtlai district sunga pathum a um a chuonghai chu Mara, Lai le Chakma autonomous district council hai an nih.

Hi Conference a hin Indian Constitution a Mizo/Zohnathlak hnam inziek hai (list of Mizo tribes) le inzawma Amendment thaw dinga ngen dingin thuthlukna an siem bawk a nih. MSU chun hieng Zohnathlak hnam dang dang Constitution-a an ziekdan infuk naw lei hin Zohnathlak hai inthuruolna kawnga harsatna chitum tum an tlun niin an hriet a nih.