Responsive Ad Slot

Kum 2015-16 sunga ding SHDC budget Rs 187 lakh pawm a nih

Wednesday, October 21, 2015

/ Published by VIRTHLI
Aizawl, 21 Oct, 2015 (Virthli News):The 7th Mizoram Legislative Assembly, autumn session chun kum 2015 -16 (fiscal year) sunga Sinlung Hills Development Council (SHDC) in enkawlna ding budget Rs 187.10 lakh lai chu a lo pawm (passed) fel tah.

Vawisun khan Mizoram Assembly autumn session iná¹­hung (sitting) tawpnatak chu nei niin Chief Minister Lal Thanhawla enkawl department chi hrang hranghai ‘demand’ chu house ah phar a ni hnungin passed a nih.

Chief Minister le General Administration Department (GAD) changtu ni bawk Lal Thanhawla chun financial year 2015-16 sunga SHDC deficit budget Rs 187.10 lai chu house-ah a put lût hnungin lungruoltaka pass a ni a, hi taka hin Minor Work a dingin Rs 115 lakh le staff salary dingin 42.11 lakh sie a nih.

Central sawrkarin in Planning Commission aiah NITI Aayog an din thar lei le 14th Finance Commission in state hai kuomah sum a pek dan (funding pattern) a sukdanglam leiin Mizoram sawrkar chun budget puitling nei thei loin á¹­umhni lai Vote on Account (April to July and August to October) in a lo fe ta a, tuta á¹­uma assembly session a hin Mizoram deficit budget ding Rs 7,576.56 crore lai pass a ni a, Rs 293.44 crore velin a deficit (indeinaw) dinga ring a nih.

Thla 7 lai Vote on Account hmang a ni sung khan thawktuhai hlaw (staff salary) le establishment fund tlawmte ti naw chu SHDC hin fund iengkhawm a hmu sap naw thu, SHDC Chairman Pu. Hmingchungnunga chun Virá¹­hli palai a hril.
Mizoram sawrkar a sum indeinaw leiin tukum March ni 13 khan SHDC hnuoia thawktu (Muster Roll) mi 13 le Planning Board member-8 bân an lo nita a, Council member hai hlaw khawm sukhnuoi (reduce) a ni nghe nghe a nih.

Planning Board member hai lakkir le kirnaw ding chungchanga zawhna dawnin Pu Hmingchungnunga chun tuta sum ngirhmun enin a la zuk remchang el hmel naw thu a hrila, minor work le inzawma development khawm sawrkarin fund ansuo (release) hun hunah an hmatieng tan ning a tih ti’n a hril bawk.

SHDC hnuoia hin Chairman thanglo in Secretary cum Development Officer tiemsa in staff 25 lai an uma, hi hai laia mi 6 chu SHDC Headquarter, Sakawrdai-a um an nih. An ni hai baka hin Council member – 17 lai an um bawk.
Don't Miss
© all rights reserved
made with by Simon L Infimate