Haflong, September 8,2015: Manipur sawrkarin Aug.31 a Bill a passhai chu Tribal(Non-Meitei)hai ta dinga inchimralna lieu lieu a nih ti leiin Non-Meitei, Manipur sunga Tribal Hnamtin infawkkhawma committe siema um JAC hmalakna chun nasatakin dodalna nei a ni a. Hi thil lei hin mi 9 lai zetin hringna ei chan ta bawk a nih. Hiengang thil, Tribalhai hmustna le hnengdena rapthlaktak ei chunga bunthlaka a um el ta hih, N.C.Hills a Non-Dimasa, IPF banner hnuoia hnamtin inlawilhawmhai chun Sept.7, 2015 hin Manipura thiltlung, sorkar ro inreldan ditnaw zie inlangtirnain RALLY ropui taka nei a nih.
Hi huna hin, Hmarhai chu-Muolhoi-a inthawk, Retzawl le Haflong sevela inthawkin fekhawm ani a, Thado(Kuki)hai khawm Songpijang le hmun dang danga inthawkin fekhawm ani bawk a, ei unau Zeme hai khawm Lodi le khaw dang danga inthawkin fekhawm ana, Hrangkhol, Biete, Gangte, Vaiphei le hnam dang tamtakin hi Rally hih zawm a nih. Thuoituhaiin an enin mipui tamdan chun lung a awi hle thu an hril mawl mawl.
Haflong khawpui sung taka Rally nei ani hnungin D.C kuta Memorandum inhlan dingin mipui chu D.C Office bullai fuonkhawm ani a, hi huna hin hunser tawite hieng ang hin hmang a nih:
1.Conductor: Shri.I.Zeme, ama-a inthawk hin Manipura ei unauhai thiltuok hai hrilin ei ni khawmin theitawpin ei thlawp dingzie le ei thei ang anga ei thawpei dingin mipuihai fielna a nei.
2.Manipura ei unau hringna lo chanhai hmingin SILENT MINUTE hmang ana, Upa L.Chawngtho Hmar in hi hunser hi a keihruoia, hnam danghai hriet thei dingin thiem takin Assamses tawng ngatin a tawngtai.
3.Pu L.Hlima Keivom, MAC, N.C.Hills Autonomous Council, in Manipura ei ni tlangmi (Tribal)hai hmusita ei umna pawi ei ti ziet, ei ni IPF hnuoia hnamtin umhai khawmin hi thil ei ei tuorpui hle a nih tia a hril a. Hienglai zing hin D.C chu mipuilai Memodandum dawng dinga a hung chun thu tlawmte bek hril dinga phut ani chu hril mumal lem loin "Mike hmang hi permission in neinaw leiin ka OFF pek cheu a nih" tia hril mumal nei loin mipui laia inthawkin a fehmang nawk nghal. Chuphing chun, Pu L.Hlima Keivom chun D.C chu Mike hmang phalna hnizui pumin mike chu intawka hmang zawm zing a nih.
4.Mr.David Keivom, President, ISF khawmin lecture a pek a, mipuihai an lawmtlang hle. Ama chun, sawrkar thuneituhai hin Tribal hi namenloin an mi hmusit a, ei righthai khawm iengmaloin an misiem a, Manipura chun ei hringnahai an lak a, ei districta ngei khawm silaimuhai ei lo tuor damzo nawk an ta khah. Sawrkar thuneituhai hin iengang lawma eini Tribal hai hi an mi hnuoisie le endawng am ning a ta, vawisun khawm hin tawng inringna hmanga ei hang inriltuona khawm hih an mi KHAP pek nawk nghal ani hih. Hienghai hi ienglaiam ning a ta? A umzie iem ning a ta? Thangthar, Tribalhai ei thangruol, ei var, ei inthuruol a tul an tah tina a nih tihai hrilin hun a hang hmang chuh mipuihai ri a sosang hle.
Hienga ISF President lecture lai zing hin sipai thuneituhai chun Mike hmang chu suktawp ding le tawngbau ringngawta inhriltuo dingin an hung hril nawn nawk chun mipui lungphu a suksang nawk zuol a. Pu David ma chun, Indigeneuos ei nina hin right ei nei a, IPF hnuoiah hmunkhata ei luong el chau ni ta loin thisenin ami zawm khawm tawl an tah tiin thu a hril bawk.
5.IWF haia inthawkin inthuruol taka ei thawpei a tulzie hrilin le hieng ang harsatnahai hi ei la fekhel ding a nih ti entrinain "WE SHALL OVER COME" ti hla mipui thuoiin sak a nih.
Hmatieng khawm hieng anga ei thaw tulna a um chun inthuruol takain ei thaw nawk pei ding a nih tiin mipui tin dar a nih. (Nghata Zote)
Hi huna hin, Hmarhai chu-Muolhoi-a inthawk, Retzawl le Haflong sevela inthawkin fekhawm ani a, Thado(Kuki)hai khawm Songpijang le hmun dang danga inthawkin fekhawm ani bawk a, ei unau Zeme hai khawm Lodi le khaw dang danga inthawkin fekhawm ana, Hrangkhol, Biete, Gangte, Vaiphei le hnam dang tamtakin hi Rally hih zawm a nih. Thuoituhaiin an enin mipui tamdan chun lung a awi hle thu an hril mawl mawl.
Haflong khawpui sung taka Rally nei ani hnungin D.C kuta Memorandum inhlan dingin mipui chu D.C Office bullai fuonkhawm ani a, hi huna hin hunser tawite hieng ang hin hmang a nih:
1.Conductor: Shri.I.Zeme, ama-a inthawk hin Manipura ei unauhai thiltuok hai hrilin ei ni khawmin theitawpin ei thlawp dingzie le ei thei ang anga ei thawpei dingin mipuihai fielna a nei.
2.Manipura ei unau hringna lo chanhai hmingin SILENT MINUTE hmang ana, Upa L.Chawngtho Hmar in hi hunser hi a keihruoia, hnam danghai hriet thei dingin thiem takin Assamses tawng ngatin a tawngtai.
3.Pu L.Hlima Keivom, MAC, N.C.Hills Autonomous Council, in Manipura ei ni tlangmi (Tribal)hai hmusita ei umna pawi ei ti ziet, ei ni IPF hnuoia hnamtin umhai khawmin hi thil ei ei tuorpui hle a nih tia a hril a. Hienglai zing hin D.C chu mipuilai Memodandum dawng dinga a hung chun thu tlawmte bek hril dinga phut ani chu hril mumal lem loin "Mike hmang hi permission in neinaw leiin ka OFF pek cheu a nih" tia hril mumal nei loin mipui laia inthawkin a fehmang nawk nghal. Chuphing chun, Pu L.Hlima Keivom chun D.C chu Mike hmang phalna hnizui pumin mike chu intawka hmang zawm zing a nih.
4.Mr.David Keivom, President, ISF khawmin lecture a pek a, mipuihai an lawmtlang hle. Ama chun, sawrkar thuneituhai hin Tribal hi namenloin an mi hmusit a, ei righthai khawm iengmaloin an misiem a, Manipura chun ei hringnahai an lak a, ei districta ngei khawm silaimuhai ei lo tuor damzo nawk an ta khah. Sawrkar thuneituhai hin iengang lawma eini Tribal hai hi an mi hnuoisie le endawng am ning a ta, vawisun khawm hin tawng inringna hmanga ei hang inriltuona khawm hih an mi KHAP pek nawk nghal ani hih. Hienghai hi ienglaiam ning a ta? A umzie iem ning a ta? Thangthar, Tribalhai ei thangruol, ei var, ei inthuruol a tul an tah tina a nih tihai hrilin hun a hang hmang chuh mipuihai ri a sosang hle.
Hienga ISF President lecture lai zing hin sipai thuneituhai chun Mike hmang chu suktawp ding le tawngbau ringngawta inhriltuo dingin an hung hril nawn nawk chun mipui lungphu a suksang nawk zuol a. Pu David ma chun, Indigeneuos ei nina hin right ei nei a, IPF hnuoiah hmunkhata ei luong el chau ni ta loin thisenin ami zawm khawm tawl an tah tiin thu a hril bawk.
5.IWF haia inthawkin inthuruol taka ei thawpei a tulzie hrilin le hieng ang harsatnahai hi ei la fekhel ding a nih ti entrinain "WE SHALL OVER COME" ti hla mipui thuoiin sak a nih.
Hmatieng khawm hieng anga ei thaw tulna a um chun inthuruol takain ei thaw nawk pei ding a nih tiin mipui tin dar a nih. (Nghata Zote)
