Sinlung Hills, Mizoram-ah HSA Education Campaign nei ning a tih

Hmar Students' Association (HSA), GHQ chun hun sawttak a inthawk a Hmar Students' Education Board (HSEB) in a lo tum Sinlung Hills, Mizoram huom sung-ah Education Campaign nei dingin programme a lo siem fel tah. Hi programme hi ni 7 sung aw dingin ni 8 Sept. 2015 hin Virengte a țan ning a tih.

Hieng a hnuoia ang hin khuo kanna ding programme siem a nih. Dt. 8/9/15 - Vairengte Dt. 9/9/15 -Sunah Saiphai, Zanah Saipum Dt.10/9/15 - Sunah Mauchar Zanah -Zohmun Dt.11/9/15 - Sunah Ținghmun Zanah - Sakawrdai. Dt. 12/9/15 - Zanah Sungpuilwn Dt. 13/9/15 - Khawlek, Zanah - Phuoibuong Dt. 14/9/15 - Khawlien

Education Campaign Thupui dingin HSEB Theme "Inchukna hmangin ei hringnun suk awlsam ei tiu". (Let us make our life easier through Education) ti ani a, hieng a hnuoia thenawi hai hi Resource person dang dang haiin hril an tih.

1. Education for Social Transformation (Khawtlang Nun tlakdanglamna dinga inchukna)

2. Education for Economic Development (Taksa khawsak intodelna dinga inchukna)

3. Competitive Exams and Professional Courses -

4. Role of Society and Parents in Education (Inchukna a nu le pa le khawtlang mawphurna)

5. Benifits of Education (Inchukna hlawkna hai)

Khuotin a nu le pa, thalai hai, khawtlang le kohran thuoutu le inchuklai hai popo thahnemngai taka thang dingin fiel eini a, ei programme hi a hlawtling ngei theina dingin theitawp a lo insingsa ding le tawngtaina a lo hre seng dingin eiin ngen bawk a nih.

Hi programme hi HSA GHQ anthawkin Tv. Simon L Infimate, AGS, Tv. Lalringum Riengsete, Dy.Secy. Assembly Affairs, Tv. Josef V Tuolor, Secy. Edu. Pu Lalumpui Pulamte, Jt.Secretary HSA GHQ hai ning anta, HSA Barak Valley anthawkin Tv. Hossana K Thiek, Secy.Pub Relation, Sinlung Hills JHQ President Pu Lalropianga, GS Tv. VLa Khawbung le Block thuoitu hai le Adviser hai chu Resource Person le tawiawmtu ning an tih.

Hi programme suk hlawtling ngei theina dinga a bik taka tu chena sum le puon a mi tuomtu le nasa taka thang mi la pektu hieng 1. Gen. Secy. HSA GHG Tv. Rothanglien Khawbung- Rs. 5000/-

2. HSA Sinlung Hills JHQ - Rs. 5000/- le arrangement popo thawtu.

3. Pu. Hossana K Thiek, Hmarkhawlien, fe le hungna dinga Gypsy mi tum pektu.

4. Tv. Sumlamrawn Hmar in a sangnu famtah "RAMSIEMPUI MEMORIAL CHARITABLE FOUNDATION" a inthawk Rs. 2000.00 a hung thaw bawk.

Anni hai chunga hin lawmthu ei hril mawl mawl a, an thahnem ngaina hai le an inpekzona hai hi HSA le hnam zawng chun iengkhawm pek kir thei ei nei naw a malsawmtu Lalpa'n a let tam takin malsawm mawl sien ti chu ei ditsakna a nih.

Inchukna hmangin ram lang eita mihai mi lakpek theinaw hrietna le varna hmangin ei hnam hi chawisangin ala um dibng ani ti hi eiin hmai naw hle a nih.