Responsive Ad Slot

HSA Pune in 13th Freshers' Social Meet an hmang

Saturday, August 8, 2015

/ by VIRTHLI HMAR
Pune, August 8,2015 (Virthli News): Hmar Students' Association (HSA) Pune Branch chun vawisun khan Convent of St. Mary the Virgin in India, 5 Panchowd,Guruwarpeth, Pune hmunah 13th Freshers' Meet 2015 an hmang.

Hi hun hi hunhnia the a ni a, hunkhatna hi Tv. Emmanuel Ralsun le Nk. Mariam Joute hai keihruoina hnuoia hmang niin Freshers hai lawmlutna hun nei a nih. Thuhriltawi le Freshers hai ta dinga tawngtai pekna Rev. Kh. Thangdailo in a nei a, Freshers hai awiaw in Tv. Thangbieksang in thuhrilna hun a nei bawk a nih. Freshers lawmlutna huna thangpo hi mi 9 (Nuhmei 3 le pasal 6) lai an nih.

Hi huna hin Education Department a'nthawk in inchukna tienga thawtha zuol mi 15 hai kuoma Meritorious Award an inhlan a. Secretarial Report Tv. Rambuotsai Tusing a inthawkin ngaitlak a ni a, hunkhatna hi Tv. Ernest Thachunghnungin in Pathien kuoma tawngtaina neiin khar a nih.

Hunhnina ah Rev. Kh. Thangdailo le Tv. Ernest Thachunghnung hai inrawina hnuoia HSA Pune Branch thuoitu thar ding thlangna nei a ni a, hieng a hnuoia hai hi kum 2015-2016 sunga thuoitu dinga thlangtling hai chu an nih.

President: Immanuel Hrangchal
Secretary: Donald Ngaite

Committee Members:
1. Nk. Lungawizo
2. Nk. Baby Zodinthar
3. Eloy Zairemthang
4. James Ruolngul
5. Thangzairem
6. Nahum Zate
7. HD Ramtharlawm
8. William Darngawn

Thuoitu tharhai tawngtaipekna Pu Samuel Songate, Chairman ,HCFP in a nei zova HSA Pune Mr. & Miss Fresher thlangna nei nawk nghal a ni a, Mr. Fresher dingin Tv. Thangzairem le Miss dingin Miss Nk. B. Lalringum hai thlang an ni bawk a nih. Pune Nuhmei Pawl haiin Hmar Traditional Attire hai suklangna an nei. Rimawi tieng panga Pune a Hmar nauhai laia hlasakthiem tak tak el hieng Tv. Eloy zairemthang, Pu Nelson Khawbung and co., Tv. William, Nk. Alicia, Tv. Anthony Buongpui, Tv. J.C. Lallawmsang, Tv. Jackson Hrangchal, Nk. Baby zodinthar le Pi Laltha and Pi Rose Isaac haiin mipui an inawi hne hle bawk a nih.

Hunkhar tawngtaina le ruoi inhlanna Pu Lalthoruol Sanate in a hmanga, hlimtlang takin ruoi the a nih. (Immanuel L Zote, Virthli)
















Don't Miss
© all rights reserved
made with by Simon L Infimate