Hmasawnna Thar | 15 August, 2015

Tuolsung

Dist. level Independence Day

CCPur: Vawisun 9AM a inthawk hin Public Ground, CCPur­ah District Level Independence Day hmang ning a tih. Hi huna hin Pu Lunminthang Haokip, IAS, DC, CCPur khuollienin thang a ta, India hnam puonzar keipharna le parade hai salute lakna nei a tih.

Independence Day hmangna huna hin mi 94 kuomah Appreciation Certificate inhlan ning an ta, Head of Department tinin Appreciation Certificate hi a hlawpin dawng an tih. Chun, mi 19 hai kuoma Red Blanket (puonsen) inhlan ning an ta, mi 4 kuomah Bravery Award; mi 4 kuomah Distinguish service (NCC) 4, Distinguished Services (sports) mi 2 le Distinguished services (social worker) pakhat hai kuoma inhlan ni bawk an tih.

Debate le Valedictory prog. hmang

CCPur: Lamka Rehabilitation & Research Centre in Drugs Abuse Awareness and Prevention Campaign an zo le inzawmin zani 11:00AM khan Dorcas Hall­ah Debating & Valedictory program an hmang. Hi huna hin VK Tawna High School, The Dawn School, Ebenezer Academy, Rayburn High/College, Vimala Raina Govt. High School, Soikholal Ideal High School le  Donbosco haia inthawk inchuklai 4 seng an thang a. Pakhatna, pahnina le pathumna lawmman latu hai kuomah Rs. 1000/­, Rs. 700/­ le Rs. 300/­ inhlan an nih.

A hmang man peka hmang thei

CCPur: August 13, 2015 nia DC/CCPur in District Hospital campus­a Public Toilet a hawng chu mipui hai ta dingin a hmang man peka hmang thei a nitah. Ekin hmang man Rs. 10 le Zunin hmang man mi 1 ah Rs. 5/­ ning a tih.

HSA in thangpuina an dawl ding

CCPur: August 1, 2015 nia Chandel District­a Joumuol khuoa mimkei rapthlak takel a tlung leia thina le harsatna tuortu hai sawmdawlna dingin HSA Churachandpur Joint Headquarters chun khaw tina thawlawm dawl an tum a. Hi le inzawm hin nu le pa le mitin thangpui ngaihai sawmdawlna dinga mani thei ang tawk tawk phal taka lo pe seng dingin HSA CCPur Jt. Hqrts chun ngenna an siem.

Vawisun Independence Day a vawi 69-na ropui taka hmang ding;  

Delhi­ah PM khuollien le Imphal­ah CM khuollien anni ding

New Delhi/Imphal: Vawisun hin India ram pumpuiah Independence Day a vawi 69­na ropui taka hmang ning a tih. Delhi a chun Red Fort­ah Independence Day hi hmang ning a ta, PM Narendra Modi khuollien niin India hnam puonzar keipharna le parade hai chibai bukna nei a tih. Delhi a Independence Day hmangna hmun hi venghimtu thuo 7 zetin veng an ta, CCTVs 500 chuong le venghimtu 30,000; Drone le Helicopters hai hmanga veng ning a tih. PM vengtu dinghai lai NSG, SPG, SWAT, IB, RAW le venghimtu dang dang hai thang an tih. Nikum ang bawk khan PM chun bullet proof enclosure hmang lovin mipui hmaah thu hrilna nei nawk a tum.

    

Manipura chun Independence Day hi State level in 1^st MR Ground, Imphal; District Headquarters haiah hmang ning a tih. 1st MR Ground, Imphal­a State level­a Independence Day hmangnaa chun CM O.Ibobi Singh khuollien ning a ta, hnam puonzar keipharna le parade hai chibai buk a tih. Independence Day hi helpawl group tum tum han an boycott leiin venghimna sin nasa taka sukkhau zuol a nih. NE biela state dang, a bikin Assam le Meghalaya haiah venghimna sin sukkhau zuol a ni bawk. Manipur a Fire Service Department hnuoia thawktu 2 hai chu President Fire Service Medal dawng dinga thlang an nih. Chun, tu kuma Chief Minister’s Medal for Gallantry le Chief Minister Police Medal for Outstanding Devotion to Duty dawng dingin Police Personnel 17 thlang an nih.

Auto 3 le Bolero 1 suksiet

Imphal: JCILPS in zani zing dar 4 a inthawka zantieng dar 4 chen, darkar 12 sung Public curfew an thaw chu buoina lien taluo um lovin a lo tawp tah. Imphal khawpui sunga chun Public Curfew hi a khau hle a, Patsoi Part­II, Takyel, Moirang Leirak, Khanam Leirak le Koirengei haia chun Curfew thlawptu han Auto Rickshaw 3 le Bolero pakaht an suksiet. KKL Ambulance khawm an tawksa nia hril a nih.

AR han Heroin le OGW an man

Imphal: August 13, 2015 khan 24 Assam Rifles han Khudengthabi Check post ah motor inlawn vel hai sukchawla an dapanaah Md. Ajijur (45) s/o (L) Md. Anamuddin of Mulim Nagar Leikai, MOreh Ward No. 5 chu heroin grams 80, Aadhar Card 1 le pawisafai Rs. 600 leh an man a, Moreh Police station­ah an peklut niin Assam Rifles thusuok chun a hril. Chun, hi ni ma hin PREPAK (PRO) hnuoia Overground worker (OGW), P.  Bijoy Singh (32), s/o P. Lukhoi Singh of Lamboikhul chu Lamboikhul­ah an man a, Sagolmang PS­ah an peklut niin AR thusuok chun a hril.

Thalak pawrche thedartu mi 11 man

Imphal:  Security personnel 2 thangin mi 11 hai chu WhatsApp a thedartua intumin man le zanikhan CJM, Imphal hmaah inlangtir an ni a, August 19, 2015 chen Police Custody­a um dinga ti an nih. Pasal nei tahnung nuhmei pakhat thlalak (obscene picture) thedara intum an ni a, hi thua hin Imphal Police chun FIR No 331(08) 2015 IPS U/S 506IPC & 67/67­A IT Act an registered.

Thi chen huomin nuorna an nei tan

Imphal: ILP ngennain zanita inthawk khan Ananda Singh Higher Secondary Academy Gate­ah student 5 hai chun thi chen huomin bungheia nuorna an nei tan. Nuorna neihai lai hin nuhmei pakhat a thangsa. Bungheia nuorna neihai chu Ananda Hr. Sec. School Academya  Class XII inchuklai Surjit Sagolsem, Dayananda Lairikyengbam, Oinam Suresh hai bakah Ibotonsana Girls Higher Secondary Schoola Class XII inchuklai Loitongbam Bidyalakxmi le Lamlong Hr. Sec. School a Clss XII inchuklai Thoudam Mukesh hai an nih.

Pasal pakhat vuok hlum a nih

Imphal: Mipui lungsen insum zo lo han zani zingkar dar 5 vel khan Wangoi ah Husen Jajabai (21) s/o Md. Islamudin of Turen Ahanbi Dam Makha of Lilong chu an vuok h lum a, mithiruong hi RIMS morgue­ah sie a nih.

CM in All Political Party meeting a ko

Imphal: Manipur CM O.Ibobi Singh chun August 17, 2015 zantieng dar 3 ah CM’s Secretariat, Imphal­ah All Political Party meeting a ko. Hi meetinga hin tulai hnai ela New Delhi a zun zin tuma Naga Peace Accord chungchanga PM Narendra Modi, Union Home Minister Rajnath Singh le NSCN(IM) le sawrkar inbieknaa interloctor, R.N. Ravi hai an hmupuina huna an thu lo hril hai le thutiem hai report a pek ding niin ei thu dawngna chun a hril. Chun, R.N. Ravi khawm August 22, 2015 khin Imphal­ah a hung inzin ding nia hril a nih.

69th Naga Independence Day hmang

Dimapur:  August 14, 2015 khan Camp Hebron, Dimapur, Nagaland hmuna NSCN/GPRN chun 69th Naga Independence Day an hmang.

   

Hi huna Pu Th. Muivah, Hon’ble Ato Kilonser (PM, GPRN) in thuhrilna a nei huna chun, Pathien thuoina zar chauva hieng hun chen Naga hai tlung thei an ni thu, Muivah le Isaac remhrietna lei ni lovin Pathien remhrietna lei a nih tiin a hril. Naga hai thil ngen chu a la pangngai zing a, India sawrkar lukhaitu PM le midang danghai, i nbiekna a hung um theina dinga hmalatuhai chungah Th. Muivah chun lawmthu a hril a. Hi huna hin Krista ta dinga Nagaland ti chu thupui taka nei a nih.

   

69th Naga Independence Day hmangna hi Hmar Inpui Gen. President Pu John Pulamte, Pu Richard Laltanpuia, President, HSA CCPur JHQ, Tv. Muona Infimate le Tv LRS Puruolte hai khawmin an zu uop ve a, India le ramdanga inthawk  mi 7,000 neka tlawm lo hi hun hmangnaa hin an thang. Pu Isaac Chisi Swu ruok damnawna leiin hi huna hin a thang thei nawh.

(spl. Correspondent)

EC thar dingin Om Prakash  Rawat

New Delhi: Election Commissioner (EC) thar dinga ruot a ni angin zanita inthawk khan Sh. Om Prakash Rawat (62) chun Election Commissioner sin a chel tan. Ama hi 1977 batch IAS Officer, December, 2013 a inthawka a sina pension ta a nih. A term sungin Bihar, Tamil Nadu, Kerala, West Bengal, Puducherry, Assam, Uttarakhand, Punjab, Manipur, Uttar Pradesh, Goa, Gujarat le Himachal Pradesh Assemblies Election hai bakah India President le India Vice President thar dinghai thlangna a um ding a nih.

NSA level­a inbiekna Aug. 23 ah

New Delhi/Islambad: India le Pakistan hai chun National Security Adviser (NSA) level­a inbiekna nei an remti ve ve a, NSA level­a inbiekna hi August 23, 2015 khin New Delhi­ah nei an tih. Hi inbieknaa thang ding hin August 23, 2015 khin New Delhi a hungtlung ding thu Pakistan Prime Minister’s Advisor on National Security & Foreign Affairs Sartaz Aziz chun a hril. Hi inbieknaa thang dinga inpeisa a ni thu India National Security Advisor Ajit Doval khawmin a hril.

Assam­ah Congress Gen. Secretaries 2 suspended

Guwahati: Assam state a Morigaon town huop sunga Milanpur hmuna Bangladesh mi um hai man dinga fe Police team an lo bei leiin Morigaon District Congress a General Secretaries 2, Habibur Rahman le Siddique Ahmed hai chu kum 6 sunga dingin Congress party a inthawk suspended an nih tiin Anjan Dutta, President, Assam Pradesh Congress Committee chun a hril. Rahman le Ahmed hai hi man dinga ti an ni a, sienkhawm an tlanhmang leiin man an la ni nawh.

Lawmmanin Rs. 1,00,000 ve ve pek

Mumbai: Jammu & Kashmir a Udhampur hmuna Pakistan thangsana helpawl um hai laia Lashkar­e­Toiba (LeT) cadre pakhat Mohammad Naveed @ Usman AK­47 Rifle pakhat le lo mantu Rakesh Sharma (24) le Vikramjit (33) hai chu August 13, 2015 khan Mumbai­ah chawimawi anni a, hi huna hin “Chhtrapati Shivaji Maharaja Bravery Award” All India Anti­Terrorist Front (AIATF) in an hlan bakah lawmmanin pawisafai Rs. 1,00,000 ve ve an hlan. Award le pawisa hi AIATF Chairman, M.S. Bitta le Actor Sunil Shetty han an inhlan.

Nuhmei NDRF CO hmasa tak

New Delhi: National Disaster Response  Force (NDRF) a nuhmei Commanding Officer (CO) hmasa tak dingin Rekha Nambiar ruot a nih. Rekha Nambiar (40) hi Central Industrial Security Force (CISF) a inthawka deputation­a NDRF a fe a nih. Nambiar hi Chennai International Airport Security Officer (CASO) sin chel lai a ni a, tuhin Anakkokaram, Tamil Nadu a 4th NDRF Battalion a enkawl ta ding a nih.

TB invawi 1,070, TB leia thi mi 10

Aizawl: January 1, 2015 a inthawk June, 2015 inkar sung khan Mizoramah TB natna invawi mi 1,079 hmusuok le TB natna hri leia thi mi 10 an um a, TB invawi hai laia mi 83% hai chu sukdam an nih tiin State TB Officer, Dr  Vanlalfela chun a hril. TB invawi mi 1,079 hai laia 83 hai chu TB le HIV invawi kawp le mi 24 hai chu MDR­TB invawi an nih tiin a hril bawk.

Iran Foreign Minister a hung inzin

New Delhi: Iran Foreign Minister Mohammad Javad Zarif chu New Delhi a ni 2 sung cham dingin August 13, 2015 zan khan New Delhi a hungtlung. Zanikhan PM Narendra Modi, External Affairs Minister Sushma Swaraj, Shipping minister Nitin Gadkari le senior minister­hai an hmupui a, insumdawngtuo dan ding le ram pahnihai inlaichinna siem that dan ding hai an hriltlang. Modi chun Iran lungin a intang India mi 9 hai insuo dan ding chungthu a hrilpui ring a nih. Hieng mi 9 hai insuona ding hin Iran thuneitu han Rs. 19 crore an ngen nia hril a nih.

Chairman thangin KPLT cadres 9 man

Diphu: Zani hmasa zan khan Assam state a Karbi Anglong District sunga Mouzadar Basti le Langmila inkara ramhnuoiah 23 IRB, Assam Police le 210 Company CRPF thangruol han dappui an thaw a, hi huna hin Karbi Peoples Liberation Tiger (KPLT) Chairman, Sarmung @  Welson Timung le KPLT cadres 8 an man a, an kuta inthawk AK  Rifle 1; 303 Rifle 1, 9m Pistol 1, .32 Pistol le silaimu 16 hmu le man a nih tiin Mugdhajyoti Dev Mahanta, SP Karbi Anglong district chun a hril.

Helpawl 6 thi ding le 1 damsung intang dingin

Peshawar: Zanikhan Pakistan Military Court chun helpawl 6 thi ding le helpawl dang 1 damsung lungin intang dingin thiemnaw an changtir. Hieng helpawl 7 hai hi December 16, 2014 a Peshawar khawpuia Army Public School­a bomb sukpuoktua intum an nih. Bomb puoka khan student 125 thangsain mi 151 an thi a, mi thenkhat an hliem a nih. Thi dinga thiemnaw inchangtir hai hi khaihlum an ni el thei.

-----------------------------------------------------------------------------------------------------------------

VAWISUN THUPUI

Tu ruok hin chu thuthlung tha nawkzuol palai a nizie ang peiin rawngbawl sin tha lem a lo chang tah a, chu thuthlung chu thutiem tha lem chungahai siem a nih.-­ Hebrai 8:6

Editorial

Ei tuorhlain ei harsatpui seng a nih

Manipur mipuihai hin democracy le rights ei neihai hi a chang chun ei hmang suol an tanaw mani ding aw!  ti theiin a um hlak. Hi lei hin State sawrkar, hnam le khawtlang thuoituhai ta ding khawmin harsatna lien tak an tlun pha hlak. Rights chi tum tum nei inlakhawm dan a um a, dan hnuoia um ei ni ti hi hriet ve a tul khawp el. Democracy le ei rights hi a taluoa ei hmang pha chun dan bawsie  ei ni hlak. Danin ei chungah ro a rel thei a, dan angin rorel khum ni inla hlak ei lung a awi awm si nawh. Sawrkar, khawtlang le hnam thuoituhai ta dingin luhai a um a, rorel dan khawm thiem a harsa hlak. Dan kala ei che rawp chun ei hmalakna le thil ngen haia hin hlawtlingna hmu harsa hleng a tih.

   

Tulaia ei state a thu langsar takel chu ILPS ngenna leia nuorna le helna chi tum tum um le la fe mek hi a nih. ILPS ngenna le inzawma JCILPS hmalakna hin Manipur phairam biela chenghai chau a suk harsa naw a, Manipur tlangram biela chenghai khawm nasa takin a suk harsa pha a, a ram a phekin ei tuor tlang seng a nih. JCILPS hmalakna hlak chu a hma nekin a zuol deu deu a, mipuihai hi ieng am ei la chang ding ti hi ngaituo tham takel a nih.

   

Bandh, General Strike, Public Curfew leiin tlangram biela inthawka state danga  thaw tul nei, khuolzinmi, sumdawngtu, sin zawng leia interview a fe ding, state danga lekha inchuk le thaw ding  dang dang neihai ta dingin harsatna nasa tak an tlun p ha ta a nih. Hi lei hin ILPS leia JCILPS le an thlawptuhai hmalakna hi Manipur mipui po po ta dinga harsatna namen lo intluntu a nih. JCILPS thil ngen hi ei dodal nawh. Amiruokchu an hmalak dan ruok hi chu tha ei titlang seng naw a, lampui dang hmanga  hma an lak hi mipui tamlem hai dit dan a nih.

   

Ei thil ngen le inzawma state sawrkar thil thaw dan le hmalak dan chu ei duthusam a ninaw el thei. Amiruokchu, state sawrkarin chuongang chun  thawng ka tih, tia a hril hai hi ringzova ei la nghak hram hram a tulna chin a um a nih ti hi JCILPS thuoitu han a thar taka an hriet a, hun an pek hi thil thaw dan ding tha lem a ni ring a um. State sawrkar khawma thaw dinga a ti chu an hmatienga a sukpuitling a tul. Hmawsaruma thil ei thaw sung h in chu ei thil ngen le ei thil dit kha a thapa tak ni thei ngainaw nih.

   

ILP leia ei nuorna leiin inchuknain­hai ei khar a, ei nauhai lekha inchukna a chawl pha a, Bandh, Curfew le buoina chi tum tum ei siemna hai leiin sum tam takel ei chan pha a, a then an sina inthawk suspended anni a, thina tuok pha dam ei um a, h ieng thil hai lei h in ei thil ngen hlak ei hmu pha awm si nawh. Hi lei hin ei hmalak dan hi thlakthleng a tul a nih. A bik takin JCILPS thuoituhan an thil thaw dan le ngaituonahai an ennawn a tul takzet.

   

Iengpo khawm ngen inla a ram mipuihai ei inthuruol a tul. ILP ngennaa hin Manipur mipuihai po po ei inthuruol am? Lungril le ngaidan hmunkhatin ei u m am? Ei hang en vang vang a, inthuruolna ei tlasam hle ti an lang chieng. Lampui hraw le danga khek sup sup nekin a la khek lo hi an tam lem dai ring a um. ILPS thua ei ngaidan, ei dit dan le thil thaw nuom dan hi an ang naw tawl hle. State sawrkar sawisel le khing khing nekin inthuruolpui a, hrat taka hma la ding ei ni laizingin a khing zawng le an the zawngin thil ei thaw a, hiengang hin chu ei thil ngen a hin hlawtlingna hmu ngai nawng ei tih. Ei hmabak chu retheina, harsatna le thil man kaisangna a hung ni lem ding a nih.