Responsive Ad Slot

MNF in Aizawl le Kolasib Districts a khaw 31 ah VC inthlang buotsai vat dingin sawrkar a ngen

Saturday, July 18, 2015

/ Posted by VIRTHLI HMAR
Aizawl, July 17,2015: MNF chun thusuok siemin Aizawl le Kolasib District-a Village Council inthlang thei nawna khaw 31 a hai inthlang buotsai vat dingin sawrkar an ngen.

Aizawl le Kolasib District-a Village Council inthlang thei nawna khaw 31 um chu Mizoram sawrkar-in helpawl, HPC (D) han an sukbuoi lei a ni thu an hrila, khuo thenkhata VC chu inchu tum han nomination file ngam hai sien khawm sawrkar an inthlada leiin inthlangna fepui thei a ni nawa, Mizoram sawrkar chun hieng khaw 31 a hai hin ruling (congress) party mi le sa hai chu Advisory Board-ah ruotin khawtlang inrelbawlna an enkawl tir mek a, Village Council member panga (5) umna dinga hai khawm an nuom zat zat inditsakna leia ruotin ro an rel tir niin an hril.

VC inthlang buotsai thei a ni naw nasan tak nia sawrkarin an tum, HPC (D) General Headquarters chun July ni 10, 2015 khan thusuok siemin, Village Council inthlang buotsai nawna khaw sawmthum le pakhat (31) hai ah inrawl ta lo va, V/C election buotsai an nuomthu an puong ta a hienghi ani chun an rang thei ang taka inthlangna buotsai vat dingin MNF chun sawrkar an hriettir a. New Delhi, Janpath Hotel-a Zohnahthlak underground pawl hran hran ‘United Peoples Front’ (UPF) le Central Home Ministry aiaw hai inbieknaah, Mizoram sunga HPC (D) han harsatna le pawî thawna an intlun nawk a ni chun remna lampui a zawngpuina ah a thang ve ta naw ding thu hrillin Pu Zoramthanga chun na takin HPC(D) hai chu a lo nawr tah thu hrilin hienga hma an lak lei hin HPC (D) hai chun inthlangna sukbuoi an tum ta naw thu an hril hi MNF chun lawmum a ti thu an thusuok chu a tarlang bawk. 
Don't Miss
© all rights reserved
made with by Simon L Infimate