K-Pop Contest a thlawna en thei ding

Hyemin Jung

Aizawl, July 21, 2015(Virthli News): Ni 25.7.2015 (Inrinni) zantieng 5 a nei ding K-Pop Contest, Preliminary Round, Aizawl chu Gate Entry ticket man Rs.500 ruohmang lawka um chu Mizoram Chief Minister nuomdan angin suk danglam a ni a. A nuom ta phawt hai chu hi contest hi a thlawnin en thei a ni ta ding a nih.

Organising Committee chun hi chungchanga hin inrawnkhawmna neiin Chief Secretary Pu Lalmalsawma rawiin vawituk khan a office ah meeting an nei a. Hi huna Chief Guest ding Minister Pu Lalrinmawia Ralte rawiin a office ah meeting nei sunzawm nawk niin ticket iemanizat zawrsuok ta chu an inchawkna hmun senga ticket chawia thleng (refund) nawk thei a ni ding thu an rel.

K-Pop Contest hi hlasak le lam tienga inelna a ni a, Mizoram baka Banglarore, Patna, Mumbai, Chennai, Kolkata, Nepal le New Delhi khawpui a hai nei ve ani ding a nih. Preliminary Round Aizawlah hin Dance Category ah  4our, A-5 , Zo-i , Be Bangtan , War1 , Army Girls, Dance Xenos, Frozen Crew  le R-Miracle hai thang an ta, Hla Category ah Priyanka, Lushai Diamonds, Jared B, Shraddha Sinha, Carolina Norbu, Mettuki United M.U, FMY , 2’cuz  le Bluzz hai an thang ding a nih. Hi show hi Concert ang ni naw sienkhawm Korean Pop Star Hyemin Jung le local artist Sangtei Khuptawng hai hlasak ngaihthlak ding le Cultural dance en ding a um bawk ding a nih.

Organising Committee chun MZU Multipurpose Hall, Tanhril a nei ding a hin a nuom taphawt thang dingin an fiela , Gate hi chawhnung dar 2:30 ah hawng tan ning ata 4:45 ah khar a ni ding thu an hril.