Responsive Ad Slot

HSA, KSO le ZSF in Meetei Society Peace Rally thul dingin an ngen

Tuesday, July 28, 2015

/ by VIRTHLI HMAR
CCpur, July 27,2015 (Virthli News): Churachandpur a student body inzawmkhawm (Joint Student Bodies-HSA, KSO le ZSF) hai chu vawisun khan inthungkhawm in tulai hnaia Manipur a Metei haiin ILP an ngenna le inzawma hung tlung ding 29 July, 2015 nia Meetei Society, CCpur haiin Peace Rally CCpur ah lo nei ve dinga an rawtna thu le inzawmin thusuok an siem. An thusuok siem a chun district sunga muongna chawkbuoi thei ding le inchuklai hai chen chawkbuoi thei ding a ni leiin thul dingin an ngen a nih. Chun tuta ngirhmun a chu hiengang Peace Rally hi a tulna le a pawimawna an hmu naw thu an tarlang bakah Imphal hri- bandhs, inchukna hmun hai khar le dang dang hai CCpur sunga keilut an dit naw thu an hrila, a tawpa inchuklai hai tho in an thawhla hlak a nih tiin an hril. Joint Student Bodies (HSA, KSO le ZSF) hai hin hi Peace Rally hi a fethlenga buoina dam a suok pal chun maw an phur naw ding thu an tarlangsa bawk a nih.
Don't Miss
© all rights reserved
made with by Simon L Infimate