Responsive Ad Slot

Parbung OC in Mizoram Home Minister in an tumna le inzawm'n hrilfiena a siem

Thursday, June 4, 2015

/ Published by VIRTHLI
INSAWI FIAHNA
Dated, the 4th June, 2015

“Police Inspector Linked to militants, Remove him from probe into Encounter,Mizoram H.M. tells Manipur” Dy.CM tih thupui hmanga Mizoram chanchinbu leh Local channel hranghranga News items-a an chhuah leh internet hrang hranga ka chungchang an chhuahnaah hian thudik sawi ve hi tula ka hriat avangin ka’n sawi ve ang e.

1) Dt. 29/05/2015 ah Mizoram Home Minister zahawmtakin HPC(D) nena inzawm (Glove in hand) anga min puhna hi dawt muhlum (false and baseless) a ni. Min puh theihna evidence a neih chuan rawn tilang sela, engang enquiry pawh ka cho (challenge) e. HMAR hnamchukaningei e, mahse Home Minister hian HMAR zawng zawngte hi HPC(D) militants or sympathizer kan ni vek lo tih hi lo hre mawlhrawh se.

2) Parbung P.S. a O.C. hna hi Dt. 17/04/2015 atang khan inspector L. Lhouvum atangin charge ka la a, ka area chhunga HPC(D) militants pakhatmah hriat ka nei lo; tin, HPC(D) ho silai muphurh sak leh supply anga min puhna hi dawt leh awmze nei lo a ni. Ka supply ngei a ni tih min prove sak theih si chuan (evidence) ka chungah engah nge FIR a thehluhmai loh? A prove theih chuan ka thawhna state (Parent Dept.) ah ka in surrender ang a, ka hna atangin ka bang ang. Tin HPC(D) militants te nenhian dawhkan kan kil ho ngai lo bawk.

3) Dt. 21/5/2015 ah police Gypsy kengaTipaimukh road ah silaimu 500 (zanga) HPC(D) te tan phurhsak a, Vangai area HPC(D) Commander hnena hlan anga min puhna phei hi chu dawt muhlum lehzual, ka nuih pawh tiza pha lo a ni. Dt. 21/5/2015 hianTipaimukh Road-ah ka kal lo hrim hrim, Tieulien village-a spot enquiry hi Dt. 23/5/2015 (Penticost Sunday) ah ka kal a, Jiribam Road lama kal ka ni zawk. He mi chungchangah hian Home Minister zahawm tak Pu Zira hian dawtsawi a huaiin a hreh lo hle mai. Min tihhmingchhiatna leh puhchhiatnaah hian ‘Defamation case’ ka file lo ang tih sawi theih a ni lo. Mizoram Home Minister zahawm tak hian thil hrechiang lo chunga dawt muhlum sawi hi ching tawh lo se ka duh hle mai. Tin, ka hming hi Tlangthanzuala ni lo vin TLANGTHANGZUOL alias T.T. ZUOLA a ni zawk tih hi lo hre tawh bawk rawh se.

A tawpber atan chuan Dt. 9/5/2015 khan (L) Malsawmkima ruang enfiahturin Dy. S.P pakhat nen Aizawlah kan lo kal a, Pu Thanghuliana, incharge S.P. Aizawl te nen rilru inhmu takin case chungchang kan sawi hova, Sakawrdai P.S.a Zero FIR lak dan leh Dan (section of law) ziahluhtur thlengin kan sawi hova, rilru inhmu taka kan awm lai leh case record pawh in handover vek tawhhnuah Home Minister Pu Lalzirliana hi an engmah hrechiang lova, ama State pawhni lo, ka thawhna State ah kut/ban rawn ti seiin, ka transfer natur leh puhchhiat theihna tinrenga min rawnbei hi mak ka tiin MAWL ka ti hle mai. Kei hi HMAR Police ni lovin Manipur Police ka ni a, enquiry hi HMAR customary anga titur ni lo in, Cr.P.C dan hmanga case hi chhui ka ni zawk tihpawh hi lo hre mawlh rawh se. Tun atang chuan Pu Zira hian thudik leh belhchiandawl chauh chhakchhuak tawh se a duhawm khawp mai.

T.T. Zuola
Inspector
O.C. Parbung PS
Don't Miss
© all rights reserved
made with by Simon L Infimate