Aizawl, June 16, 2015 (Virthli News): Helpawl pali hieng Kuki National Army (KNA), Bangla National Liberation Front of Tiger (BNLFT), MUIVAH le Zoram Revolutionary Army (ZRA) hai chun joint press statement siem'n Former Underground Welfare Society (FUWS) in Innerline Reserve Forest le Inter State Boundary (Mizoram le Assam) inrina chingfel dinga Sawrkar pahni Assam le Mizoram Sawrkar an phutna chu tha an ti thu le an thlawp thu an hrila, a tawp chenin an support ding thu an puong. Mizoram Forest ta ngei, Assam Sawrkarin a enkawl mek Sq. mile 509 chu an rang thei ang tak in Assam Sawrkar in Mizoram Sawrkar kutah inhlan kir vat dingin an ti bawk.
An thusuok siem dungzuiin Mizoram ram Assam in a enkawl mek Sq.mile 509 huom sunga Forest dan kal a Civil mi Assam Sawrkar in an umtir hai le forest enkawltu Assam Forest Staff hai po po chu vawisun ni 16.6.2015 Tuesday ainthawka tiem in nithum sunga (Thursday,18.6.2015) suoksan vawng dingin an inhriettir. Hi nitiem hnung tieng panga hi reserve forest huomsunga la um lui an um chun an chunga ieng ang thil khawm tlung sien a maw an phur naw ding thu an tarlang.
An rang thei ang taka ramri le Innerline Reserve Forest of Mizoram chingfel dingin Mizoram le Assam Sawrkar in be vat dingin an phut bawk a nih.
