LAWMPUINA THUPUONG
Dt. 11th June, 2015
Hmar Youth Association, General Headquarters chun Autonomous District Council
Churachandpur (ADCC) Election 2015 a mipuiin ringzo taka an thlangtlinghai a lawmpui
takzet a, Churachandpur District hmasawnna dinga theitawp hung insuo seng dingin a
ditsakna a'n hlân.
HYA GHQ chun HYA motto " Tlawmngâina, Thiltha thaw, Nundân mawi" phursuok ngêi
dingin abik takin HYA member thlangtlinga umhai:
1. Pu Lalhrillien, Saikot Constituency
2. Pu Lalhossan, Vangai Constituency
3. Pu Lalhmangpui, Parbung Constituency
4. Pu Lalditsang, Senvon Constituency
chungah beiseina insângtak a nei a. Hmar hnam sunga indâidanna chi hran hran um hlakhai
nêrthlenga thudik le thiltha thawsuok ngam dinga mihuoisen/hnam pasaltha ni dingin a
ditsakna a'n hlan tak meu cheu.
Khawtlâng siemthatna ding invawi leia Election-a ngir, a tling velo hai khawm HYA GHQ chun
in sawlna an hmai naw a, Election huna mani khingpuihai hnena dinga theitawp in insuo ang
khan hi ADCC Election, 2015 term sung hin thlangtlinga umhaiin indiktaka sin an thaw
ngeina dinga in theina tinrengah selkaltu indik hung ni pei dinga fiel in nih.
HYA hi philanthropic organization a ni leiin mi tamtak chun "Tir-le-Ko" ding ang charin ei
ngai hlak a. INDIA ram dâna chun mipui ta dinga sinthawtu dinga ei thlang; sawrkar bupang
intawmpuituhai; ei harsatna mi sawmdawltu dinga ei thlanghai hieng MP, MLA, MDC le VA
hai hi an ni leiin iengkima ei harsatna intlunna ding an nih ti mipuiin hre a, HYA le pheikhai
inruol taka an pentlang theina dinga Hmar mipuihaiin in tawngtaina ah hai mi lam hlak
dingin ka fiel tak meu cheu a nih.
Hnam ta dinga in thawpui.
Laldawnlien Varte
General President, HYA GHQ.
Rengkai, Churachandpur
