Responsive Ad Slot

CENRs in Life Café ah Campaign Musical Concert a huoihawt

Saturday, June 27, 2015

/ Published by VIRTHLI
CCPUR: June 27, 2015 zan 6:30 PM khan Coalition on Environment and Natural Resource (CENRs) chun Life Café JJ Plaza, Rengkai Road, CCPur hmun ah “ Protection of indigenous peoples land and resources” ti  thuphui hmangin Musical Concert an huoihawt. Hi Concert in a thil tum tak chu ei ram le ei rohlu hai humhal a pawimaw zie campaign a nih. Hi hun a hin mimal le Band insitumlo tak tak, Miss Christina Shakum, Semikah Band, Sinlung Express (Band) le Beauty ‘N’ Beast (Band) haia inthawk hla mawi tak tak ngaithlak a nih. Hi huna thang dinga fielhai an fe tha hle a, huoihawttuhai chun hi hun a hin refreshment/snacks khawm tuihnai tawk takin an lo hrai tawl a nih. Hi hun hi Mr. Emmanuel Infimate MPS, SDPO; CCPur, Media tum tum, Social le Church Activist hai khawmin a uop. Hi hun a hin Keynote Address Mr. Samuel L. Shakum Coordinator, CENRs in a hril a, Pu David Buhril, Pu Simon Hrangchal, Pi Mary Beth Sanate le a dang dang khawmin thuhrilna hun an hmang tawl.

Mr. Joseph R. Joute Director, For One Life, South-East Asia; Life Café enkaitu chun ei inpawlpui hun a chun hiengang hun eini laia huoihawt a a um chu tha a ti hle thu hrilin ramdang thangpuina ringawt nghak le beisei lo a hienganga ngaituona neituhai chu an pak hle thu a hril. Huoihawttuhai chun fiel a um ngaipawimaw a fekhawmhai kuomah lawmthu an hril.




Don't Miss
© all rights reserved
made with by Simon L Infimate