Responsive Ad Slot

Barak Valley sunga Hnam organisation thuoitu haiin mass resignation an pek

Thursday, June 25, 2015

/ Published by VIRTHLI
Hmarkhawlien, June 25, 2015 (Virthli News): Vawisun tarik 25 June, 2015 in Barak Valley sunga hnam organisation hieng Hmar Inpui Barak Valley Region, Hmar Students' Assocaition BV, Hmar National Union, Assam le Hmar Youth Association, Hmarkhawlien Branch thuoitu haiin Press Meet kovin mipui hma a le chanchinbumi hai hmaah an inbanna thu an puong.


Hienga inbanna an thawna san tak chu hiengang hin an hril a nih. Tuta Rema Punjee khuo a Hmar le Pnar (Khasi) hnam hai inkara buoina kha mipuiin zuk chingfel el dinga ngai, ti angin an chingfel el theinaw leia inban an nih tiin an hril.  Procession (lam hrawna) le sawrkar thuneitu hai kuoma thei tawkin inthlun in bawzui a ni a, mipuiin an beisei em em June ni 2, 2015 zana FIR a hming 6 tarlanga um hai chu thuoitu haiin sawrkar thuneitu hai inman tir ngei ding an ti chu vawisunni chen hin in man tir thei lova an um leiin thuoitu haiin mipui chunga tlinnaw le tlaknaw hle ah an in ngai bawk a nih. Thuoitu hai hi mipui i thlang an nia, mipui i thlang anni hi an inza hle lai zingin ti angin mipui beiseina an sukpuitling el theinawna leiin mipui hrietthiemna an ngen thu an hril bawk a nih. Thuoitu haiin tlin le tlaklo ah an in ngai a, tuta resignation an i thaw khawm hi mipuiin lungawitaka lo pawm ding le lo hrethiem hram dingin an ngen bawk a nih. Hmatienga, thuoitu thar, mipuiin ei la pawimaw a nih tia ngaina dam ei la nei nawk a ni chun a thlang tharna chu mipui chunga an nghat bawk thu an hril.

Press Meeting hun a hin Etv, Dy 365 channel hai khawm ko an ni a, thuoitu hai interview na hai khawm an neipui a nih. Print tieng panga Eastern Cronicle,  Assam Tribune, Juga Sankha a hai khawm an hung vea hi chungthu hi vawizan le zinga tieng hai cable news le newspaper haiah an insuo tawl ngei beisei a nih. (input from Oliver S. Khawbung​)



Don't Miss
© all rights reserved
made with by Simon L Infimate