Mr Chalrothang thina le inzawma HPC(D) thusuok

Mr Chalrothang thina le inzawmin John F.Hmar, Information & Publicity Secretary, HPC(D) General Headquarters, Sinlung chun a hnuoia ang hin thusuok a siem.

PRESS RELEASE

                     
Hmar People’s Convention (Democratic) chun HNA Cadre Mr Chalrothang (39) s/o (L) Lalsonlien of Khawmawi/Parbung thina le inzawm hin keini kuthnung ngei ani thu kan puong a. Mr Chalro hi HNA Cadre ani leia kutthlak kan ni nawh a, ama Mr Chalro hi Assam Rifles haiin hming ṭhatna dinga hmangruoa an hmang hlak, informer ani lei a nih. Vawi tam tak HPC(D) Operational Area(s) sungah Assam Rifles hai thuoi lutin, kan inkulna ni dinga a i ring hai chu Operation a nei pui hlaka chu, vawisun ni chen hin a la hlawtling thei naw a nih.

Mr Chalro hi HPC(D) chun a enthlak zing hlak a. Inruithei(damdawi) thaw hlak ani lei hin, Sawrkar Sipai kuomah an ruina ding ani phawt chun mani hnam ngei khawm zawr hlak mi a nih. Hieng ang mi hi ani lei hin HPC(D) chun ṭawngbau ngei khawma a thil chieng ditumlo tak hi tawpsan dingin dawthei takin a hril ta hlak a. Amiruokchu, a thilthaw (inruithei) hin a thunun hlak leiin, tawpsan ta nekin zuol tieng a pan ṭhet ṭhet a. Tulaia Mizoram Issues le inzawm ringawt khawma inring zinga um a ṭul laia, pawl tadinga hnawksak um ah an chang tâk leiin kan nuomnaw tak a chunga kutthlak chu thaw mâkmaw a hung ni ta a nih.

Hi thil tlung le inzawm hin tu pawl khawma thubuoi siem thei naw’ng an tih ti kan inhriettirin kan ngen nghal a nih.


Hnam tadinga in thawpui,

Sd/-
(JOHN F. HMAR)
Information & Publicity Secretary
Hmar People’s Convention (Democratic)
General Headquarter, Sinlung.