Responsive Ad Slot

HSA Silchar Branch-in Hnam lam an entir

Saturday, May 23, 2015

/ Posted by VIRTHLI HMAR
Silchar, May 23, 2015 (Virthli News): Hmar Students' Association, Silchar Branch chun Silchar Medical College & Hospital hmunah zanikhan Hmar hnam lam a pholang. India ram medical college lienhaia professor thiem iemani zat hi hunah hin an thang ve a. Hmar hnam lam Fahreltawklam (bamboo dance) chu ennuom an insak hle.

Hi prokram-a hin Assam sunga hnam tum tum haiin an hnam lam le zierâng hai an inentir tawl a. Abiktakin Hmar hnam lam chu an hlutsak em em. Fahreltawklam hi mi tam tak chun Mizo lam tiin an hriet a. Hi huna thanghai khawmin Mizo lam ti chu an hriet dan a nih. HSA Silchar Branch Secretary chun Fahreltawklam chu Hmar hnam ta lieu lieu a ni thu a hril a. Kum tam liemta anthawka Hmar pi-le-pu hai lo ser suok a nih, a tih. Mizo hnam péng hrang hranghaiin tu tieng tieng hin an hung lam tan ve ta a. Amiruokchu, Hmar hnam ta indik tak a nih tiin HSA Secretary chun a tih.

Hi prokram hi a hlawtling vieu a. Abiktakin Hmar hnam mihaiin an hrietchieng theina dinga hmangruo pakhat a ni leiin HSA Silchar Branch chun a ngaipawimaw hle nih.

HSA Silchar Branch chun hi hun a hlawtling theina dinga mitlawmngaihai po po chungah lawmthu a hril.
Don't Miss
© all rights reserved
made with by Simon L Infimate