John F.Hmar, Secretary, Information & Publicity, HPC(D) General Headquarters, Sinlung chun Hmar Martyrs' Day (May 16) le inzawmin a hnuoia ang hin Inhriettirna le Ngenna a siem.
Hmar Peoples’ Convention (Democratics), Gen. Hqrs., Sinlung chun vawisun May 16, 2015 a 25th Hmar Martyrs’ Day (Silver Jubilee) inser a um ding leh inzawm hin, khawvel hmuntina um Hmar nau zalenghai le hi ni mi lo hlutsakpuitu taphawt Chibai a buk cheu.
Vawisun May 16, Hmar Martyrs’ Day ei hmangna ding le inzawm hin, hnam tadinga thlunglu lo chan ta hai ei hriet zing le ei inza zie suklangna dingin Hmarhai chengna biel huop sunga Office, School/College/University, Sumdawngna hmun, Bazar le Dawr hai po po mi lo khar pek dingin ei inngen a. Kum dang ang bawkin in milo zawm pek kan beisei. Chun, mani gate annawleh, a remchangna hmun takah Hmar Martyrs’ Trophy Board (HMARTOB) in Hmar Martyrs’ Day Flag tar dan dinga thusuok an siem anga tar seng dingin ei in fiel bawk a nih.
May 16 Hmar Martyrs’ Day a hung tlung hin, ram le hnam tadinga kan aihna phapui, hringna hlu tak lo inhlan tah hai kan ngaisangna cheu a zuol takzet. Nghilni reng um ta ngai naw’ng in tih. Nangni hai zarin ei hnam hin par anga vul ni la nei ngei a tih.
Mihrang fam lo changhai, in ta di’n hun le ni
A tharin kan hung inhlan cheu;
Hmar nau zaleng ruolha’n May 16 hi,
Martyrs’ Day ti’n kan inhlan cheu.
“Kan vawisun ni in zinga dingin kan inhlan”
Hnam tadinga in thawpui,
Sd/-
(JOHN F.HMAR)
Secretary,
Information & Publicity
HPC (D), General Headquarters, Sinlung
HMAR MIPUI KUOMA INHRIETTIRNA LE NGENNA
Hmar Peoples’ Convention (Democratics), Gen. Hqrs., Sinlung chun vawisun May 16, 2015 a 25th Hmar Martyrs’ Day (Silver Jubilee) inser a um ding leh inzawm hin, khawvel hmuntina um Hmar nau zalenghai le hi ni mi lo hlutsakpuitu taphawt Chibai a buk cheu.
Vawisun May 16, Hmar Martyrs’ Day ei hmangna ding le inzawm hin, hnam tadinga thlunglu lo chan ta hai ei hriet zing le ei inza zie suklangna dingin Hmarhai chengna biel huop sunga Office, School/College/University, Sumdawngna hmun, Bazar le Dawr hai po po mi lo khar pek dingin ei inngen a. Kum dang ang bawkin in milo zawm pek kan beisei. Chun, mani gate annawleh, a remchangna hmun takah Hmar Martyrs’ Trophy Board (HMARTOB) in Hmar Martyrs’ Day Flag tar dan dinga thusuok an siem anga tar seng dingin ei in fiel bawk a nih.
May 16 Hmar Martyrs’ Day a hung tlung hin, ram le hnam tadinga kan aihna phapui, hringna hlu tak lo inhlan tah hai kan ngaisangna cheu a zuol takzet. Nghilni reng um ta ngai naw’ng in tih. Nangni hai zarin ei hnam hin par anga vul ni la nei ngei a tih.
Mihrang fam lo changhai, in ta di’n hun le ni
A tharin kan hung inhlan cheu;
Hmar nau zaleng ruolha’n May 16 hi,
Martyrs’ Day ti’n kan inhlan cheu.
“Kan vawisun ni in zinga dingin kan inhlan”
Hnam tadinga in thawpui,
Sd/-
(JOHN F.HMAR)
Secretary,
Information & Publicity
HPC (D), General Headquarters, Sinlung
