Aizawl (06/04/2015):
Mizorama Music Award hlun tak Lelte Award vawi 24-na chu vawizan dar 8 hin Lal
Thanhawl Auditorium, Congress Bhavan-ah semna nei ning a tih.
Lelte Awards vawi 24-na
a hin category 31 um a ta, hieng hai laia Young Achiever Award le Special Award
hai pahni hi lo puong lawk an ni tah. Young Achiever Award hi Mizo footballer hlawtling,
Jeje Lalpekhlua kuomah inhlan ning a ta; C. Zorammuana, President, Mizoram
Badminton Association kuomah Special Award hi inhlan ni bawk a tih. Zorammuana
hin badminton-ah Mizoram player hai hmun tam taka a lo thuoi ta hlak a,
hlawtlingna ropui tak tak khawm an lo dawng ta hlak bawk a nih.
Award show a hin tulaia
hlasak thiem inlar tak tak inlang ding hai lai ah Pensy B. Lalthangliani,
Bethsy Lalrinsangi, Lalnunsanga (T.Melody), Lalzarmawia, DJ Lalvenhimi,
J.Lalremruati, Sawmtea, TBC-a hai hi a langsar zuol hai an nih. Chibil Award
dawng dingin Tahan, Tripura leh Manipur a’nthawk an tlung tawl ta bawk.
Hlasak ding hai laia DJ
Lalvenhimi hi Best Music Video (Lengzem/ Lenglawng), Female Singer of the Year
ah anlang veh a, Pensy le Bethsy hai khawm hi Female Singer of the Year
(Gospel)-ah an inlang ve ve bawk. Sawmtea hi Male Singer of the Year
(Gospel)-ah inlang in, Lalnunsanga hi lengzem huong sungah Male Singer of the Year
ah anlang ve bawk.
Lelte Award hi kum 1984
a kha tan a lo ni tah a, kum 2000 a’nthawk khan kumtina sem a ni hlak an tah. Tukum
hi vawi 24-na ding a nih a, kum nawk 25-na a ding hin trophy khawm siem danglam
an tum tah niin organizer haia inthawk hriet a nih. Award semna hi en man um naw
nih a, a nuom taphawt ta dingin en thei ani ding a nih.
