By Lalnunthang Songate
Parbung, March 10, 2015: Parbung Convention 2015 neina le inzawma thutlukna siem a um Point 15 hai bawzuitu dinga Committee indin Tipaimukh Area Development Agency (TADA) hai chun khawsunga dinga ṭul hmasa taka tlang – Tui – chu Pathien ringsanin an bawzui char char a, vawisun khan Parbung khuo ngei-ah tui chu cho suokin hlawtling a ni tah.
Hi tui hi tuta kar hun sung hin vengbuk tina pek thei dingin tuidawt (pipe) siem mek a nih. Tui lakna ding hin thei tawpa engineer ruoi a ni angin a ti ang pei sin thaw pei a nih. Tuta tui hi tu thila le kum 20 hnungtieng chena ding chun mipui dawn khawp dingin a dei naw ding hrietchieng a ni hnungin, vadungpui ting dil anthawk pump-in tui kai tum nawk mek a ni a, tuhin JCB-in a nawr ṭan mek bawk a nih.
Ruongam danin dil tingna a hin motor pahni inpel thei le a kuola motor tlan thei vawng dinga hisap a nih. Dil hi thlakhat/thlahni sunga tingzo hman dinga induong a nih. Hi dil a puitling phat lawngte (Picnic Spot) khawm sie dinga ruongam a nih. Hi dil hi Pu C. Songate hai sungkuo’n Pathien ringsana sum tuok dinga intiem an nih. Anni naw khawm tui lakna dingin ei officer tam tak tlawmngai an hung insuo zing bawk a, chuonghai chu nakie tieng an hminghai ei la hung tarlang pei ding a nih.
Pathien hratna ringsana Parbung vul nawkna dinga intiemtuhai po po Committee-in anchungah lawmthu a hril a, sum thawnna dinga bank account tarlang-ah thawn zung zung dingin ngenna an siem nghal bawk.
Parbung, March 10, 2015: Parbung Convention 2015 neina le inzawma thutlukna siem a um Point 15 hai bawzuitu dinga Committee indin Tipaimukh Area Development Agency (TADA) hai chun khawsunga dinga ṭul hmasa taka tlang – Tui – chu Pathien ringsanin an bawzui char char a, vawisun khan Parbung khuo ngei-ah tui chu cho suokin hlawtling a ni tah.
Hi tui hi tuta kar hun sung hin vengbuk tina pek thei dingin tuidawt (pipe) siem mek a nih. Tui lakna ding hin thei tawpa engineer ruoi a ni angin a ti ang pei sin thaw pei a nih. Tuta tui hi tu thila le kum 20 hnungtieng chena ding chun mipui dawn khawp dingin a dei naw ding hrietchieng a ni hnungin, vadungpui ting dil anthawk pump-in tui kai tum nawk mek a ni a, tuhin JCB-in a nawr ṭan mek bawk a nih.
Ruongam danin dil tingna a hin motor pahni inpel thei le a kuola motor tlan thei vawng dinga hisap a nih. Dil hi thlakhat/thlahni sunga tingzo hman dinga induong a nih. Hi dil a puitling phat lawngte (Picnic Spot) khawm sie dinga ruongam a nih. Hi dil hi Pu C. Songate hai sungkuo’n Pathien ringsana sum tuok dinga intiem an nih. Anni naw khawm tui lakna dingin ei officer tam tak tlawmngai an hung insuo zing bawk a, chuonghai chu nakie tieng an hminghai ei la hung tarlang pei ding a nih.
Pathien hratna ringsana Parbung vul nawkna dinga intiemtuhai po po Committee-in anchungah lawmthu a hril a, sum thawnna dinga bank account tarlang-ah thawn zung zung dingin ngenna an siem nghal bawk.
