(Mizoram sawrkar thiem naw lei am, HPC (D) thiem naw lei? A tuortu chu Zohnathlak ah khawm Hmar hnam tho! A thlungna san khawm Hmar khuoa thiltha thaw tum lei ni bawk)
HPC (D) le Mizoram sawrkar inpawt buoina hi HPC (D) pieng hma HPC hun laia inthawka tiem chun, kum 27 hmel a hmu ve ta hiel a nih. Inbiekna ringawt khawm vawi sawm tam a tling ta a. Silaia inkapna, inthuoihmangna le kawng dang danga inbeina khawm hriet seng an ta naw a. Chu chungchang a chun a thiem lem le a thiem naw lem hriet a harsa hle a, an pahni hnin thiemthu hril ding an nei ve ve a nih. Chu thu chu tuta tuma Zokhawthienga thiltlunga inthawk khan ka sungril ngaituonaa hung inlang, mipui hrieta tarlang dinga mi nawrluitu um ni tlata ka hriet chu ka hung thursuok ta a nih.
Ei thu phawrlang tum tak hi ei phawrlang hmaa hriet fie ding hmasa chu, HPC le HPC (D) hriet hran hi a nih. A tawithei tak le a fie theidan takin: HPC chu tuta Sinlung Hills Development Council (SHDC) pawm/dit pawl hi an ni a. HPC (D) chu SHDC dit khawp loa tu chena Mizoram sawrkar la do tuhai hi an nih. Tuhin HPC (D) khawm chu pawl hniin an inthea, Chairman inti pawl le President pawl an ni a. Sienkhawm, an ni pahni ruok hin chu hming hran put nuom loin HPC (D) an inti ve ve tho a nih. President pawl chu tuhin Mizoram sawrkar leh an intlawp a, Mizoram sawrkar dotu chu Chairman pawl an nih.
HPC/HPC(D) le Mizoram sawrkar inkhing sung hin, MNF sawrkar Pu Zoramthanga keihruoiin kum 10 ro an rel a, Congress sawrkar Pu Lalthanhawla keihruoiin kum 15 lai ro an rel taa an la rel mek bawk a nih. Mizoram hi Independent inpuongkhum tawp ngam a ni leiin ngaisang a um hle a. Amiruokchu, a ram hin a zir naw lei mani ding, Mizoram sawrkar hrim hrim chu nuhmei awm-nem tak le tekhi thei an nina lai a um hlak a nih. Chuongang bawkin HPC/HPC (D) khawm chu kut ruok tawp ti thei ding hiel, silai ulbun 14 le manature 1 chauh chawia State sawrkar do ngam a nina leiin ngaisang a um hle lai zingin, Hmar hnam chu thingpui du hnam (mi leh buoi khawma thingpui inluma inrem el hlak hnam) min an lo ti hlak chu suk dika, Mizoram sawrkar thuneituhai le hmai intuoka inbiek chang hin an innem duoi duoi el ta hlak mani aw… ti dingin a um a nih.
Mizoram sawrkar le HPC innawrbuoina leia thisen luong tingchatna dinga kalbi pakhatna chu, SHDC accord sukpuitling hi a nih. SHDC accord hi sukpuitling a ninawna sana Mizoaram sawrkar tienga suollam chu, “HPC sunga inremna a um thei naw lei” ti hi a ni a. HPC thuoitu tieng hlak chun, SHDC Chairman nuomna leiin, sawrkar thar taphawt an tlawn insiek manih aw… ti dingin a um el hlak bawk. HPC (D) hlak chu, election taphawt, kohran upa inthlang chen ah khawm an rawll amanih ti dingin a um hiel bawk. MLA ngei khawm chu lo suktling hlak hai sienkhawm, vawkpui hmaa tuikeplung peihawn an hril ang elin, a hmang dan le a law-ngaina hre ngai bawk lo. MLA a an suktlinghai hlakin a suktlingtuhai hmakhuo ding ngaituo dan hre ngai bawk lo. HPC/HPC (D) thuoituhai tawng chang-lakna chu, “Mizoram sawrkar-in a mi hlem” ti chu a nih.
A iengpokhawm nisien, HPC/HPC (D) le Mizoram sawrkarhai pahni chu inkhing an ni a, Mizoram sawrkar chun HPC/HPC (D) chu boral thak khawpa hlem theitu ni chu a polical goal insangtak laia pakhat chu a ni ngei awm bawk si. Hlem theia um hai hlak chun, hlema an umnaa inthawka intalsuok dan hre thei ngang bawk si lo. Jona hniekhnung zuizai rel naw chu an ta dingin beisei ding dang hrim a um ta naw a nih. Mizoram-a Hmarhai sansuoktu dinga Pathien belruot an ni chun, “Piellei thuriet hnuoiah zal la khawm” ti hla ang deu khan, tuifinriet sungril inthuk tak, ngapui sunga inthawk khawma remna dar vawtu dingin ko suok an ni tho tho ding a nih ti ah hin chieng a hun an tah. Chuchu ani si naw chun, Hmar pasaltha ral hmaa zam ngai lo, politics rilmu hre si loa (India ram sunga state pakhata inbi a state dang do chu mawng inlang kuka inbik a ni zie le, Mizoram-a Hmar hnam chanvo chu thisen insuo kher ngai ta loa hmu thei a ni zie hre loa) Zokhawthienga mani chipui thisen insuotuhai ngei khawm khan, “Hlem bawla um ngat ngat thuoitu kan zui pei ta hrep nawh” an ti hun le ni la tlung ngei a ta; chu huna chun sim nachang hre lo le tho har nachang hre lo thuoitu chu mi lungsiet umtak a la ni ngei ding a nih.
Chuong ang bawkin, Mizoram sawrkar khawm nisien, mi hlem thei lei el a hlemhlum hmakhat ti ni awm fahrana hlem thei sung phawta hlem ngat ngat el hin, khawvel hrieta Zohnathlakhai tarlangtu le Zofate Jerusalem ti hmingput hiel ‘Mizoram/ Aizawl’ hi suk hming hlieu theina a nih ti hi hrea, thisen tingchatna lampui kalbi pakhatna, HPC ta dinga dit thlangna hnuoihnungtak, 2013 September 27 nia SHDC chungchanga Mizoram state sawrkar thusuok dungzui khan tukum sung ngei SHDC member inthlang tir nisien tha hleng a tih. Chuong naw chun, pawi tawk lo thisen tamtak luong tahai kha mawphurtu nina lampui hraw mek na dam hi a lo ni hlau chun, Mizoram historian hmingthang tak Pu R. Vanlawma’n 1993 laia, “Sinlung neitu nina hi hnam pakhat kuomah pek bik a ni chun a petuhai lan sir an tih” a lo ti kha, sukdiktu ni theina lai a um ding a nih.
Sd/ Lalthangsang Intoate
Dated: Hmar Runpui
March 30, 2015
HPC (D) le Mizoram sawrkar inpawt buoina hi HPC (D) pieng hma HPC hun laia inthawka tiem chun, kum 27 hmel a hmu ve ta hiel a nih. Inbiekna ringawt khawm vawi sawm tam a tling ta a. Silaia inkapna, inthuoihmangna le kawng dang danga inbeina khawm hriet seng an ta naw a. Chu chungchang a chun a thiem lem le a thiem naw lem hriet a harsa hle a, an pahni hnin thiemthu hril ding an nei ve ve a nih. Chu thu chu tuta tuma Zokhawthienga thiltlunga inthawk khan ka sungril ngaituonaa hung inlang, mipui hrieta tarlang dinga mi nawrluitu um ni tlata ka hriet chu ka hung thursuok ta a nih.
Ei thu phawrlang tum tak hi ei phawrlang hmaa hriet fie ding hmasa chu, HPC le HPC (D) hriet hran hi a nih. A tawithei tak le a fie theidan takin: HPC chu tuta Sinlung Hills Development Council (SHDC) pawm/dit pawl hi an ni a. HPC (D) chu SHDC dit khawp loa tu chena Mizoram sawrkar la do tuhai hi an nih. Tuhin HPC (D) khawm chu pawl hniin an inthea, Chairman inti pawl le President pawl an ni a. Sienkhawm, an ni pahni ruok hin chu hming hran put nuom loin HPC (D) an inti ve ve tho a nih. President pawl chu tuhin Mizoram sawrkar leh an intlawp a, Mizoram sawrkar dotu chu Chairman pawl an nih.
HPC/HPC(D) le Mizoram sawrkar inkhing sung hin, MNF sawrkar Pu Zoramthanga keihruoiin kum 10 ro an rel a, Congress sawrkar Pu Lalthanhawla keihruoiin kum 15 lai ro an rel taa an la rel mek bawk a nih. Mizoram hi Independent inpuongkhum tawp ngam a ni leiin ngaisang a um hle a. Amiruokchu, a ram hin a zir naw lei mani ding, Mizoram sawrkar hrim hrim chu nuhmei awm-nem tak le tekhi thei an nina lai a um hlak a nih. Chuongang bawkin HPC/HPC (D) khawm chu kut ruok tawp ti thei ding hiel, silai ulbun 14 le manature 1 chauh chawia State sawrkar do ngam a nina leiin ngaisang a um hle lai zingin, Hmar hnam chu thingpui du hnam (mi leh buoi khawma thingpui inluma inrem el hlak hnam) min an lo ti hlak chu suk dika, Mizoram sawrkar thuneituhai le hmai intuoka inbiek chang hin an innem duoi duoi el ta hlak mani aw… ti dingin a um a nih.
Mizoram sawrkar le HPC innawrbuoina leia thisen luong tingchatna dinga kalbi pakhatna chu, SHDC accord sukpuitling hi a nih. SHDC accord hi sukpuitling a ninawna sana Mizoaram sawrkar tienga suollam chu, “HPC sunga inremna a um thei naw lei” ti hi a ni a. HPC thuoitu tieng hlak chun, SHDC Chairman nuomna leiin, sawrkar thar taphawt an tlawn insiek manih aw… ti dingin a um el hlak bawk. HPC (D) hlak chu, election taphawt, kohran upa inthlang chen ah khawm an rawll amanih ti dingin a um hiel bawk. MLA ngei khawm chu lo suktling hlak hai sienkhawm, vawkpui hmaa tuikeplung peihawn an hril ang elin, a hmang dan le a law-ngaina hre ngai bawk lo. MLA a an suktlinghai hlakin a suktlingtuhai hmakhuo ding ngaituo dan hre ngai bawk lo. HPC/HPC (D) thuoituhai tawng chang-lakna chu, “Mizoram sawrkar-in a mi hlem” ti chu a nih.
A iengpokhawm nisien, HPC/HPC (D) le Mizoram sawrkarhai pahni chu inkhing an ni a, Mizoram sawrkar chun HPC/HPC (D) chu boral thak khawpa hlem theitu ni chu a polical goal insangtak laia pakhat chu a ni ngei awm bawk si. Hlem theia um hai hlak chun, hlema an umnaa inthawka intalsuok dan hre thei ngang bawk si lo. Jona hniekhnung zuizai rel naw chu an ta dingin beisei ding dang hrim a um ta naw a nih. Mizoram-a Hmarhai sansuoktu dinga Pathien belruot an ni chun, “Piellei thuriet hnuoiah zal la khawm” ti hla ang deu khan, tuifinriet sungril inthuk tak, ngapui sunga inthawk khawma remna dar vawtu dingin ko suok an ni tho tho ding a nih ti ah hin chieng a hun an tah. Chuchu ani si naw chun, Hmar pasaltha ral hmaa zam ngai lo, politics rilmu hre si loa (India ram sunga state pakhata inbi a state dang do chu mawng inlang kuka inbik a ni zie le, Mizoram-a Hmar hnam chanvo chu thisen insuo kher ngai ta loa hmu thei a ni zie hre loa) Zokhawthienga mani chipui thisen insuotuhai ngei khawm khan, “Hlem bawla um ngat ngat thuoitu kan zui pei ta hrep nawh” an ti hun le ni la tlung ngei a ta; chu huna chun sim nachang hre lo le tho har nachang hre lo thuoitu chu mi lungsiet umtak a la ni ngei ding a nih.
Chuong ang bawkin, Mizoram sawrkar khawm nisien, mi hlem thei lei el a hlemhlum hmakhat ti ni awm fahrana hlem thei sung phawta hlem ngat ngat el hin, khawvel hrieta Zohnathlakhai tarlangtu le Zofate Jerusalem ti hmingput hiel ‘Mizoram/ Aizawl’ hi suk hming hlieu theina a nih ti hi hrea, thisen tingchatna lampui kalbi pakhatna, HPC ta dinga dit thlangna hnuoihnungtak, 2013 September 27 nia SHDC chungchanga Mizoram state sawrkar thusuok dungzui khan tukum sung ngei SHDC member inthlang tir nisien tha hleng a tih. Chuong naw chun, pawi tawk lo thisen tamtak luong tahai kha mawphurtu nina lampui hraw mek na dam hi a lo ni hlau chun, Mizoram historian hmingthang tak Pu R. Vanlawma’n 1993 laia, “Sinlung neitu nina hi hnam pakhat kuomah pek bik a ni chun a petuhai lan sir an tih” a lo ti kha, sukdiktu ni theina lai a um ding a nih.
Sd/ Lalthangsang Intoate
Dated: Hmar Runpui
March 30, 2015
 |
| MAP pathum hai vuina hun hmang lai |
