CCPur: Hungtlung ding Feb. 14, 2015 zan dar 6 PM a inthawk Rimawi Rûn huoihawtna le hmalaknain Valentine’s Day Special Event - Live Music In aid ofCancer Patient programme chu Pu HL Daka Memorial Hall, HSA Campus, Rengkai, Churachandpur hmun ah nei ning a tih. Hi hun a hin Entry Ticket buotsai ning a ta. Mi pakhat ah INR 50/-, 100/- le Donor Card (Family Pack) INR 500/- and above hai ning a tih tiin huoihawttuhai chun an hril. Hi taka sum hmu a umhai hi an ruolpa enkawlna dinga pek suok vawng a ni ding thu an hril bawk. Hi hun a hin Pu, Dr. F. Thienkhogin DACO, CCPur Dist. Hospital, Manipur chu Khuollien a thangin Candle Lighting & Message hun hmang a ta. Rimawi le Hlasak in zui nghal a tih. Hi hun a hin Live Band Rimawi Run le HAS Platinum Star Christina Shakum, Teresa Sellate, Laldrindik, Eljoykim, Lien Shakum, Isak Lalkosuok le mi dang dangin hlasak thiem tak tak haiin mipui rimawi le hla’n in awi an tih. Fat James (Multi-Cuisine Restaurant) Tiddim Road khawmin hi hun a hin Fak le dawn chi tum tum zawr suok an tih. Hi hun hi hmangpui dingin mitin Rimawi Rûn chun fielna le ngenna an siem.
Hi thil huoihawt a um hi mi tlawmngai tum tum haiin an theina chit an tuok khawmpui a thaw ding a nih. Friendship Athletic Sporting Team (FAST) khawmin a tul ang anga an thangpui ding thu an lo puong ta a nih. SERVE ONE ANOTHER IN LOVE –Galatians 5:13 chu hi hun a hin Thupui a nei ning a tih. Thuchieng hrie nuom ha’n Ms. Sarah Lungtau Event Manager, 09774045380/08731829927 haia biek paw thei ning a tih. VIRTHLI.in le facebook group khawmin hi hun huoihawt a um ding le inzawm hin Media Partner dingin an lo in pek ta bawk. Hiengang huoihawttuhai hi la Tleirawl tak tak vawng an ni tawl a. An sum lam thei dan umsun chu hiengang hun hi huoihawtin an hmangaina chu an ruolpa chung a hin suklang an tum a nih. - LRS Puruolte
Hi thil huoihawt a um hi mi tlawmngai tum tum haiin an theina chit an tuok khawmpui a thaw ding a nih. Friendship Athletic Sporting Team (FAST) khawmin a tul ang anga an thangpui ding thu an lo puong ta a nih. SERVE ONE ANOTHER IN LOVE –Galatians 5:13 chu hi hun a hin Thupui a nei ning a tih. Thuchieng hrie nuom ha’n Ms. Sarah Lungtau Event Manager, 09774045380/08731829927 haia biek paw thei ning a tih. VIRTHLI.in le facebook group khawmin hi hun huoihawt a um ding le inzawm hin Media Partner dingin an lo in pek ta bawk. Hiengang huoihawttuhai hi la Tleirawl tak tak vawng an ni tawl a. An sum lam thei dan umsun chu hiengang hun hi huoihawtin an hmangaina chu an ruolpa chung a hin suklang an tum a nih. - LRS Puruolte
