CCPur, January, 20, 2015(HT): Zani January 19, 2015, 11:00AM khan Tuibuong- a ADC Council Hall-ah “Dist Level Interaction Program on Congress Ideology, Oranisation Reforms and way forward for the party” nei a nih. Hi huna hin Manipur Chief Minister O.Ibobi Singh; Dy. CM Gaikhangam; Health Minister Phungzathang Tonsing; T. Manga Vaiphei; T.N. Haokip; Vungzagin Valte; Gisuanhau bakah V. Narayanasamy, AICC General Secretary for NE state hai khawmin an hung uop ve.
Hi huna CM O.Ibobi Singh in thu a hrilnaa chun, Manipur sawrkar chun phairam le tlangram biel haia hmasawnna sin inkhuongruol taka a fe theina dingin hma a lak a, state sawrkar chun Manipur tlangram haia PHC hai 24x7 Health Service a um theina dingin hma a lak a, tlangram le phairam biela hmasawnna khuongruol taka infetir chu sawrkar thil tum ni zing a tih. Tui dawn ding thua chun, Khuga Dam a inthawk CCPur khawpui sunga tui dawn ding hnienghnar tak a um theina dingin sawrkarin hma a lak bawk a nih tiin a hril. Manipur-a ADCs 6 hai State tum tuma 6th Schedule umna state hai ena, hma lak pei a ni ding thu. Tlangmi/ tlangram biel hai hmasawnna ding a ni phawt chun 6th Schedule neka insang lem khawm a sawrkar chun Manipur- a ADCs hai pe dinga inringsaa um a ni thu, tlangmi hai hmasawnna ding a ni phawt chun 6th Schedule neka tha lem khawm pek a ni ding thu a hril.
V. Narayanasamy chun, vawisuna interaction programme hmang a nina san chu party workers han harsatna chi tum tum an nei hai grassroot level a hriltlangna nei nuom leia thaw a ni a. Election huna chau worker hai ei inhmuin ei inhriet hlak a, election zo hnungah worker-hai hriet fuk lova an um hlak leia harsatna tam tak an tuok hlak. Tulai huna chun grassrool level-a worker han Congress Ideology an hriet chieng a pawimaw ta a nih. UPA I & II huna khan sawrkar chun mi rethei han Rs. 3 rate-a bufai Kg. 25 pei an hmu theina dingin Rs. 150 thousand crores a seng a, right to employment fethlengin sung tina mi pakhat kuoma ni 150 inhlawna an hmu theina dingin sawrkarin kum khatah Rs. 39 thousand crore a seng a nih tiin a hril.
Pu Gaikhangam chun, tu tum Lok Sabha election a khan Congress tlahnuoi hai sienkhawm a tluse nawh tiin a hril a. Party level-a thaw suol hai siem-that a ni theina ding le chu dinga hriltlangna nei theina dinga program hi induong a nih tiin a hril. UPA sawrkar tlukna chu corruption, thil man kaisang le black money chungchanga party dang han mipui an thuhne lei a nih. BJP sawrkarin mipui kuoma an thutiem hai pakhat khawm an la sukpuitling naw a, mipui an hlemna hai damte tein hung inlang pei a ta, BJP in an thaw suol hai a la hung inlang pei ding a nih tiin a hril bawk. Health Minister P. Tonsing khawmin hi huna hin thu a hril ve.
Hi huna CM O.Ibobi Singh in thu a hrilnaa chun, Manipur sawrkar chun phairam le tlangram biel haia hmasawnna sin inkhuongruol taka a fe theina dingin hma a lak a, state sawrkar chun Manipur tlangram haia PHC hai 24x7 Health Service a um theina dingin hma a lak a, tlangram le phairam biela hmasawnna khuongruol taka infetir chu sawrkar thil tum ni zing a tih. Tui dawn ding thua chun, Khuga Dam a inthawk CCPur khawpui sunga tui dawn ding hnienghnar tak a um theina dingin sawrkarin hma a lak bawk a nih tiin a hril. Manipur-a ADCs 6 hai State tum tuma 6th Schedule umna state hai ena, hma lak pei a ni ding thu. Tlangmi/ tlangram biel hai hmasawnna ding a ni phawt chun 6th Schedule neka insang lem khawm a sawrkar chun Manipur- a ADCs hai pe dinga inringsaa um a ni thu, tlangmi hai hmasawnna ding a ni phawt chun 6th Schedule neka tha lem khawm pek a ni ding thu a hril.
V. Narayanasamy chun, vawisuna interaction programme hmang a nina san chu party workers han harsatna chi tum tum an nei hai grassroot level a hriltlangna nei nuom leia thaw a ni a. Election huna chau worker hai ei inhmuin ei inhriet hlak a, election zo hnungah worker-hai hriet fuk lova an um hlak leia harsatna tam tak an tuok hlak. Tulai huna chun grassrool level-a worker han Congress Ideology an hriet chieng a pawimaw ta a nih. UPA I & II huna khan sawrkar chun mi rethei han Rs. 3 rate-a bufai Kg. 25 pei an hmu theina dingin Rs. 150 thousand crores a seng a, right to employment fethlengin sung tina mi pakhat kuoma ni 150 inhlawna an hmu theina dingin sawrkarin kum khatah Rs. 39 thousand crore a seng a nih tiin a hril.
Pu Gaikhangam chun, tu tum Lok Sabha election a khan Congress tlahnuoi hai sienkhawm a tluse nawh tiin a hril a. Party level-a thaw suol hai siem-that a ni theina ding le chu dinga hriltlangna nei theina dinga program hi induong a nih tiin a hril. UPA sawrkar tlukna chu corruption, thil man kaisang le black money chungchanga party dang han mipui an thuhne lei a nih. BJP sawrkarin mipui kuoma an thutiem hai pakhat khawm an la sukpuitling naw a, mipui an hlemna hai damte tein hung inlang pei a ta, BJP in an thaw suol hai a la hung inlang pei ding a nih tiin a hril bawk. Health Minister P. Tonsing khawmin hi huna hin thu a hril ve.
