Ropui taka Padma Bhusan Rani Ma Gaidinliu pieng champha hmang

Haflong, 26 Jan.2015: Indian Freedom fighter le Naga hai țhuoitu mi huoisen le voisun chen a Naga Heraka sakhuo la bie hai in an ngaisang le Pathien ang hiel a an i ngai Padma Bhusan Rani Ma Gaidinliu a kum zakhat piengchamphana chu ropui takin Boro Haflong, Haflong khawpui anthawk 2 KM a hla hmun ah Zaliangrong Naga inzawmkhawm hai Manipur, Nagaland le hmun hran hran a hai fe khawm in ropui takin an hmang.

India sawrkar chun Rani Ma Gaidinliu huoisenna le India ta dinga British hai huoisen taka a do ngamna hai inzana in pawisa thir cheng 100& 5 thir ah a lim a sut kai ve ding anih ti in thusuok a siem.