Virthli Special Report |Jan. 7,
2015: Bagbassa,
Dharmanagar, North Tripura a innghat mek le Hmar Inpui GHQ hnuoia um Tripura
Hmar Welfare Society (THWS) hmalakna le huoihawtna a “Manmasi Suopui Inkhawmpui
2015” Jan. 21-22, 2015 inkar sunga Janthum Bawng Colony, Kamalpur, Dalai
District, Tripura hmun a nei dinga inbuotsaina chu a fe mek.
 |
| Rep.Image |
Kum 1994 lai khawm
khan “Unau-Suopui Cultural Meet” ti hming chawiin Hmarkhawlien, Assam hmuna khawm
mi thanhnemngaihai hmalaknain huoihawt a lo ni ta hlak bawk. Hienang thil rawta um hi thil tha tak a nih.
Mitinin thlawpa mani theina chit a thangpui a phu hle. In unauna le ratha tak
hung insuo ngei raw se, tiin Chief Admin, Virthli chun a ditsakna Virthli
hmingin an hlan thu a hril.
Hi THWS a President chu Rev. T. Lawmthang le Gen.
Secretary chu Benjamin Hrangchal hai an nih. Hi hun a hin Cultural Dance
suklang le Hlasak thiem dang danghai khawmin hun hmang veng an tih. Hiengang
hnam inunauna thupui a hmanga hun buotsai a um hi tha le lawmum an ti hle thu
mi tamtakin an hril.
