CCpur, December 30,2014: Kum 2003 kuma Dimasa hai le ei buoi laia Hnam san dinga inpe Hmar pasaltha Pu Zolal Zote (kum 81) Parbung chu vawituk khan Muolvaiphei ah damnawna leiin ei lo the tah. A ruong hi an veng Parbung tieng phur a nih.
Pu Zolal Zote hi pasaltha indiktak, Dimasa le buoilai khawm khan NC Hills lutin a hmatawngtu ni dinga inpe ngam hmak, buoina a re hnung khawma intieng inlawi ta lova thi chena Hnam sipai dinga inpe a nih.
