Tuithaphai, December
5, 2014 (HT) : Hmar Artiste Association GHQ thuoi-tuhai chu zani 4 December, 2014
zing dar 8:00AM khan Pu S.Damkung (Mihrang Pasaltha) chengna inah va fein
Chawimawina Thuziek Mawi le pawisa sum an inhlan. Pu Lalsuong Famhoite, Gen Secy, HAA chun, Pu Damkung hi
hnam kara buoina tlung huna khan mani sin le inlum maksan a, hnam tadinga a
huntha popo lo hmangraltu a ni leiin hnam tadinga an pekna hi HAA chun a
ngainep naw zie le ropui an ti leia chawimawina thuziek hi an hlan a ni thu hi
huna thu a hrilna huna a hril. Tuchen
khawm hin thangthar hai le Hmar hnam nunphung le zierang tamtak inchuktira
hrilhretu pawimaw, hnam ro a tling leia chawimawina thuziek inhlan a ni thu a
hril bawk. Pu Damkung hi tutieng tieng
hin a hriselna a chau pei leiin a thi hnunga chawimawina tlawr dupa hril le pek
nekin damlai ngeia inchawimawi hlu an ti lem leia an inhlan a ni thu a hrilsa
bawk. Pu Damkung khawmin chawimawina thuziek peka um chu lawmum a ti thu hai
hrilin a nuhmei Pi Songthazo in lawmthu hrilin tawngtaina a nei.
Chawimawina thuzieka thu inziek chu- “Mihrang Pasaltha”
Pu Damkung Khawbung, India ram tadinga hratlai hun lo hmangtu, Hmar hnam do le
ral kara sanhimtu, Pi le Puhai nundan thu le hla, lam le thuom zierang
thangtharhai kawkhmutu, Hmar hnam laia
miril le mi pawimaw zuol bik laia kan ngai che leiin Hmar Artistes’ Association
Gen. Hqrts chun hi Chawimawina Thuziek Mawi hi ditsak takin a’n hlan che”
ti a nih.
(Alan)
