Tuithaphai, 16 Nov.,2014 (HT): Nov. 15, 2014 (Inrinni) khan HSA, Platinum Star Hunt 2014 ‘Top-7 Round’ chu Sielmat Playground hmuna nei a nih. Dr Rochunga Pudaite, Founder President, Bibles for the world ribbon chepbawngin hun a hawng a, Dr Pudaite chun HSA thuoitu han hiengang prog. organized thei chu lawmum a ti thu a hril a, HSA in hnam a la dawmkang ding thu a hril. A hriselna a chau tiel tiel ta leiin hiengang program a thang tawpna tak khawm ani el thei ta thu hai a hril a, Bible hi tluk-le dingawn ei semsuok pha chu khawvel khawm tawp tang a tih tiin a hril. A naupa Paul Pudaite, USA a um chu sierkawp (maths) thiem takel ani a, US ah Sierkawp thiem tak thlangsuokna a um vak ding ana, chu huna chun a naupa Paul hi thiemtak nina a chang theina dingin mipui fekhawm hai tawngtaina a san dingin ngenna a siem nghal bawk. Dr Pudaite chun Souvenir siemna man zatve tum dinga an tiemna angin sum iemanizat hi huna hin an hlan bawk. Top-7 plus round hi Pu Ngamhau, MDC, Pu Lalditsang, MDC, HAA, HYA GHQ thuoituhai le hma sunga organization tum tuma mi han an uop bawk. Guest artist in Pu Thanglienthuom (Curfew), Pi Saron (Singkhuol D), Lawmnakim Hrangate (Tar lungleng), le Tv. Fimchunghnung (Pharo naunu naupa) hai \hangin hla mawi tak tak an sak bawk.
Top -7 Plus Round a hin contestant mi 10 an thanga, chu hai lai chun HSA, Sinlung Hills Joint Headquarters a inthawk mi 2 inruolsiekna ah an thang ve a. Top 7-plus round hi Open Air a thaw a ni leiin entu mipui an tam hle. Contestants hai sponsor(s) tu an hung um tan mek leiin event a suk burip ta hle. Hun kar lakah tlawmngai taka ticket inchawtu hai ticket chu lottery a inchangtirin, Churachandpur Police pakhat hi event a venghimna sin thawtu hai laia mi mi vangnei, ticket no - 78, Mr Vikson chun HSA T-Shirt a dawng.
Velnawk chu ‘Live Band Round’ ni tang a ta, a hmun le hmun ding sukfel a la ni naw a, Top-7 plus result leh chanchinbu fethlenga hung inhriettir nawk ning a tih. Chun, Voting System khawm thaw ni tang ati tiin Event Coordinator chun a hril.
Top -7 Plus Round a hin contestant mi 10 an thanga, chu hai lai chun HSA, Sinlung Hills Joint Headquarters a inthawk mi 2 inruolsiekna ah an thang ve a. Top 7-plus round hi Open Air a thaw a ni leiin entu mipui an tam hle. Contestants hai sponsor(s) tu an hung um tan mek leiin event a suk burip ta hle. Hun kar lakah tlawmngai taka ticket inchawtu hai ticket chu lottery a inchangtirin, Churachandpur Police pakhat hi event a venghimna sin thawtu hai laia mi mi vangnei, ticket no - 78, Mr Vikson chun HSA T-Shirt a dawng.
Velnawk chu ‘Live Band Round’ ni tang a ta, a hmun le hmun ding sukfel a la ni naw a, Top-7 plus result leh chanchinbu fethlenga hung inhriettir nawk ning a tih. Chun, Voting System khawm thaw ni tang ati tiin Event Coordinator chun a hril.
