R. Lalzirliana chun, HPC(D) chairman Zosangbera le Army Chief Lalropui a pawl hai chu Mizoram sungah dan bawsiein inthuoihmangna, in lambunna, bomb sukpuokna le sum dawlna hai an la thaw sunzawm zing a nih tiin an tum.
HPC (D) Chairman le Army Chief hai hi Mizoram police in an man tah hnung, bail a insuo nawk an ni a, court in vawi tamtak el inlang dinga an hriettir hnung khawma inlang lova, arrest warrant hai chen khawm insuo khum anni thu ei thu lakna chun a hril.
Mizoram sawrkar le HPC(D) hai hin tuta hma khan inbiekna an lo nei ta hlak a chu kum 2013 kum tawp tieng khan inbiekna hi political level-a nei ni raw seh ti a HPC(D) in state sawrkar an nawrna an remti pek ta naw leia inbiekna nei sunzawm thei ta lova um an nih.
