HSA 19th Executive Council nei

Shillong, October 7, 2014: Zani October 6 khan Hmar Students' Association (HSA) Council inthungkhawmna chu Rohminglien Buhril In - Sylvan House, Risa Colony, Shillong-ah nei a nih.

Hi inthungkhawmna a hin Assam, Manipur le Meghalaya anthokin HSA thuoitu lulok mi 35 vel an fe khawm a, hmun hrang hrang-ah HSA Platinum Jubilee lawmna le inzoma thrang, Council-a thang theilo khawm thuoitu iemanizat an um bawk.

HSA speaker Joseph R. Hmar-in keihuoiin, inthungkhawmnaa hin ro iemanizat rel a nih.

Inthungkhawm zo hin tum 3 lai HSA GHQ President nina lo chel tah R. Th Varte-in Council Meeting a thang hai ta dinga tlawmngaia a hung tum ruoi inhnik tak bak a nih.