Imphal, September 3, 2014 (HT): Zanita Cabinet meeting chun Govt. Colleges le Govt. Higher Secondary Schools haia Lecturer sin thaw ding Lecturers 586 lak a tum. Part-time Lecturers 418 an sin suknghet pek ding, Lecturers post thar 933 siem a, hienghai laia 705 hai chu Contract basis Lecturer hai chan ding, post 288 MPSC fethlenga lak ding le Nursing College-a Lecturers sin thaw ding mi 5 lak a remtih tiin State goverment spokesman le Education Minister M. Okendro chun a hril. Cabinet chun disable students hai diet allowance thla khatah Rs. 750 ni hlak chu Rs. 1500 dingin an remti bawk.
