Responsive Ad Slot

HSA JHQ CCPur chun an lawmpuina le an ditsakna an inhlan

Monday, September 1, 2014

/ Published by VIRTHLI
CCPur, September 1, 2014: CCPur District Badminton Association (CDBA) in a Huoihawt Badminton Inkhelna Churachandpur District pumpui huop le CCPur hmun a nei zo a lo um tah a chun Men’s Single ah 1st Nina Tv. Magnus R. Joute s/o Pu Lalchunglur of M. Ramthar le Under 19 Double ah 1st Tv. Jose Lalthlangfel le Tv. Magnus R. Joute haiin Lawmman an lak. HSA JHQ CCPur chun an Member hienganga hlawtlingna changhai hi a lawmpui hle thu puongin, hmatieng peia khawm India ram chau nilova Khawvel pum huopa hlawtlingna insang tak hung chang zawm pei dingin a ditsakna an hlan. Thalai le Student hai khawm inch├╗kna bahla si lova taksa insawizawina hi inruithei neka inhnel lem din a fiel bawk.


HSA Platinum Jubilee Football Tournament Qualifying Round le inzawma HSA JHQ CCPur Thusuok

CCPur, August 31, 2014 a HSA GHQ Office, HSA Campus, Rengkai, CCPur hmun a HSA JHQ CCPur
huop sunga Unit 16 a’nthawk a Palai fekhawm hai chun hungtlung ding September 8, 2014 a inthawk a Sielmat, Rengkai, Saikawt Play Ground haia HSA CCPur JHQ huoihawtna hnuoia HSA Platinum Jubilee Football Tournament Qualifying Round neina ding le inzawmin hieng thu hai an rel.

Hi Tournament hi Hmar nau inchuklai haiin a hlim thei ang tak le hlawtling taka hmang a ni ngei theina dingin, a thang ding hin HSA Unit pakhat a inthawk Team chu nuom zat zat suok thei dingin an remti tlang. Amiruokchu, HSA PJ Football Tournament Rules & Regulation dungzuiin player mi pakhatin Inkhel kawkal (Cross Play) le Unit a Active Member nilo tading chun Play thei a ni naw ding thu inhriettirna an siem a chun an zieklang sa bawk. Hi thusuok hin a tarlang danin hi Tournament hi League (Round System) a ni ding thu le Entry Form INR 20/- , Entry Fee Team pakhat ah INR 1,000/-, Security INR 200/- pei ning a ta, Chule inruol chun Membership Fee la pe tlaklo hai tadingin September 5, 2014 chen/bo hma ngei a Pu Jeffrey Saihmang (08413026697) Event Coordinator, HSA JHQ, CCPur- HSAPJFTQR/ Address- Rengkai, CCPur kutah peklut dinga ti le hi chungchang thu a thu chieng le mama kuoma hriet thei a ni bawk ding baka Unit tin Team Jersey hak ngei ding le hak lo a play chu play phal an ni naw ding thu, Inkhel hun ding baw pelhai, inruipuma khel le hi hun le hmun a buoina siem hai chu Referee le Official ha’n an chungah dan ang taka kut anthlak thei ding thu le a maw anni’n an phur ding thu hai, Jersey hi lo neinaw pal khawma a man um a haw thei ding khawm a um ding thu hai Joshua R. Joute Secy., Sports, HSA JHQ CCPur in thusuok a siem a chun a tarlang. Hi inkhelna a Lawmman chu Winner INR 10,000/- le Runner’s Up in- INR 5,000/- a ni ding thu khawm tuta hma khan thusuok an lo siem ta bawk.
Don't Miss
© all rights reserved
made with by Simon L Infimate