Responsive Ad Slot

BJP President in Tlangmi hai harsatna Centre an tlun nuom nawh: T. Hangkhanpau

Monday, September 29, 2014

/ Published by Simon L Infimate
CCpur, September 28, 2014 (HT): Mr T. Hangkhanpau, BJP Member chun zani zantieng khan PTC Office, Hiangtam Lamka-ah tuolsung chanchinbu reporter hai an hmupui. Hi huna hin Manipur State BJP President Th. Chaoba in January 11, 2014 a Vice President dinga appointment a pek dungzuia BJP a lut a ni thu a hril a, January 11, 2014 a inthawk tuchena hin ama (Th. Chaoba) leadership hnuoia appointment pek mi 3 han inbanna an pek ta a, ama ngei khawmin April, 2014 khan BP Acharya kuoma BJP Vice Pesident a ninaa inthawk an banna a pek ta thu a hril a, sienkhawm BJP-a a la umzing thu a hril.Lok Sabha (MP) election ding laia Manipur BJP in an manifesto-a an inthang tlangmi hai ta dinga hamthatna ding thil hai chu Th. Chaoba hin Central sawrkar kuoma intlun nuom naw a nih tiin an tum. Kum 2015 khin Manipur a BJP President election a hung um ding a ni a, BJP President ni thei ding hin kum 6 sung (continuous) active member le kum 75 chung tieng ni lo ni a tul a, Dessident group a mi hai lai ti lovah Th. Chaoba leadership hnuoia mi hai lai BJP President dinga qualify pakhat khawm an um nawh. Dessident Group hai laia khawm Dr Borobabu (Manipur Speaker hlui) chu mi titak, sum le paia ringum a ni leiin ama neka tlin le tlak ding an um nawh. Dr Borobabu hi thlangtling ani chun Manipur tlangmi hai harsatna le hamthatna ding thil hai Central Government kuoma intlun ngamtu ding a nih tiin a hril. Dr Borobabu Manipur BJP President dinga thlangtling a ni theina dingin mipui, NGOs, hnam thuoitu le social leaders hai an pawimaw tiin a hril.

T. Hangkhanpau hi BJP Manifesto-a tlangmi hai hamthatna ding thil Th. Chaoba in Centre-a an tlun nuomnaw le ngaisak nawh tia intuma, Th. Chaoba hnuoia BJP Vice President a inthawk in ban nia hril a nih.
Don't Miss
© all rights reserved
made with by Simon L Infimate