By Henry L Khojol
“Zo nauhai po po intawm tlang thei ding SHDC ti a inrem a nita hnung khawma chibing inlak hran tumna anga a ngai tlat chun ‘Hmar Hills Development Council’ ti law law raw seh” Chairman, SHADDC
Sinlung Hills Autonomous District Demand Committee (SHADDC) chun August ni 3, 2014 (Pathienni) a Mizoram Home Minister R. Lalzirliana in Press Interview a neina a athuhril thenkhat chu Hnam inpumkhatna suksie thei le chibing ang zawnga inlakhran tumna tieng a kawk leiin pawi an ti thu le hi chungchanga hin HM an dem thu chanchinbumi hai an hril.
SHADDC Chairman Pu. Lalmalsawma Darngawn chun tarik 07.08.14 sun dar 12 khan Aizawl Press Club-ah chanchinbumi hai inpawlpuiin August ni 4 a Mizoram nitin chanchinbu ‘The Aizawl Post’ in SHDC chungchanga Home Minister R. Lalzirliana thuhril thenkhat a tarlang chu Hnam inpumkhatna suksie thei le chibing inlakhran tumna anga mawsietna/intumna (allegation) a ni leiin tha a tinaw thu a hrila. “Hnam inthuruolna le inpumkhatna dinga ‘Hmar’ ti chu Sinlung suok zo nauhai po po intawm tlang thei ding ‘SHDC’ tia thlak a nita hnung khawma chibing inlakhran tumna anga a la ngai tlat chun ‘Hmar Hills Development Council’ ti law law raw seh” tiin HM a sawisel.
Pu. Malsawma chun August ni 4, 2014 a ‘The Aizawl Post’ in “SHDC Chairman tan Quarters pek tum lo” ti thupui hmanga SHDC chungchanga Home Minister (HM) thuhril thenkhat a tarlang dan a hrilna a chun HM hin “ Electoral roll hai siemthat a ni bakah, Council huom chin ding hai khawm rin a ni a. Sienkhawm H.P.C. in an huol (hauh) chin ramah hin Hmar neka Ralte an tamlemna hmun a um leiin, Hmar nilo a ram sunga cheng ve hai rawn phawt ngai a tih” tiin a hril a nih a ti a. “Chuleiin hieng hi a ni si chun a hnuoia tarlang hai hi HM lakah kan phut ve tlat a nih” a tih.
SHADDC in HM le Mizoram Sawrkar lakah an thilphut a tarlang hai chu – (1) Demand Area, Bairabi, Vairengte anthawka N.E. Khawdungsei chenin Hmar neka Ralte an tam lemna chau rawn lovin Ralte neka Hmar an tam lemna khawm rawn ve raw seh.
(2) Hnam inlungruolna le inpumkhatna ding ‘Hmar’ ti chu thlakin Sinlung suok zo nauhai po po intawm tlang thei ‘Singlung’ ti a kan thlak ta hnung khawma, a chibing anga inlak chau tum le feeling nei anga HM in a ngai tlat chun ‘Hmar Hills Development Council’ ti law law raw seh.
(3) Mizoram Sawrkar le H.P.C. inremna hi July ni 27th, 1994 a Pu. Lal Thanhawla keihruoi Congress sawrkarin an sign a ni leiin an sawrkar sung ngei hin MOS-a inziek angin a sukpuitling ngei ding a nih.
(4) Mizoram sawrkar le HPC inremna ang chun “Ramri chu Hmar majority-na chinah rin ni’ng a tih” ti a ni a. Hmar majority-na chin enfie ding hin 3 Members Commission ruot a ni a. Chuonghai chu – (1) Pu. H. Raltawna (2) Pu. Thanghranga le (3) Pu. Lalthanmawia hai an nih. An ni hin Bairabi anthawka N.E. Khawdungsei chenin khawtinah fein an endika, Demand area sunga hin hnamdang po po belkhawm nek khawmin Hmar chu an tam lem dei a nih ti hmu chiengin Finding Report khawm Sawrkar-ah an pek lut thlap a nih. Hieng an mi tirhai thil hmu hi pawmin boundary chu sukfel el sienla, vawisun hin iengkhawm hril buoi ding um ta naw nih.
A hril peina ah Pu. Malsawm chun Mizoram Sawrkar chu a thutiem-ah a ringumnaw a nih a ti a. “July ni 27, 1994 anthawka vawisun chen kum 20 a liem hnung khawma MOS an ziek khum ngei khawm sukpuitling nuom lova an umna hin Mizoram sawrkar mizie a tarlangin a muolpho thlak takzet a nih” a ti a. Chulleiin Mizoram Sawrkar (Congress) hi H.P.C le an inremna chungchangah an ringumna nekin an ringumnawna hmu ding a tam lem a nih Pu. Malsawm chun a ti bawk.
“Vawisuna kan hril nuomtak chu HM thuhrila hin Hnam anga inlakhranna, insukbingna le feeling nei rana ram thuoituha’n an ram sung an enkawl chun anni ngeiin buoina la chawksuok an ta, harsatna insiem mei mei an tih ti inlau a uma, ngaituona mawltak nei lova tawng fimkhur dingin kan ditsak takzet a nih”, tiin SHADDC Chairman chun chanchinbumi hai a hrila. “SHDC huom sunga Hnam hrang hrang chenghai hin SHDC Area chu Sixth Schedule a hlangkai ani hi lungruoltakin kan pawma. Abiktakin Area sunga Ralte hai lem chu kan Headquarters thuoitu lien lienah an um lem a nih. Chuleiin HM thil uksak hi uksak thlaka kan ngainaw a, a thatna nekin a thatnawna tam lem ngei a tih. Keini chun SHDC Area sunga chenghai po po dam tlangna ding le himna dinga kan ti a ni si a. Chuleiin Sinlungsuok Zo nau inti hai ta ding chun SHDC Area chu ei renga thlamuong taka ei chengna ding a ni lem”a ti bawk.
Pu. Lalmalsawma Darngawn hi SHADDC Gen. Secy. Khamzalam Gangte in a tawiawm a nih.
SHADDC hi tarik 18.07.12 khan indin a ni a. SHDC chu Autonomous Council a hlangkai a ni theina dingin Indian Prime Minister Manmohan Singh kuomah October ni 29, 2013 khan memorandum a lo peklut ta a. Hi baka hin Mizoram Chief Minister Lal Thanhawla le Mizoram Governor Purushuthoman hai kuomah memorandum ni 30.11.2012 le 17.10.2013 khan a lo peklut ta bawk.
Chairman: Lalmalsawma Darngawn, Ramhlun South, Aizawl
V.Chairman: Lalrinsanga Ralte, Saipum
Gen. Secy: Khamzalam Gangte, Saipum
Fin.Secy: D. Hmangaiha, Sakawrdai
Treasurer: Ruolneikhum, Vaitin
Secretaries: (1)Lalremlien, Saipum (2) Hrangneikhum, Saiphai (3) Lalhratthang, Zemabawk (4) Lalbieksang Varte, Chaltlang
Committee Members: (1) Thangchuong, Sakawrdai (2)Upa Lalruotthang, Saipum (3) Upa Thangvung, Vairengte (4) Lalkhuma, Suangpuilawn (5) Lallianzula, Khawlek (6) Lalsiemkim, Khawlian (7) Ngurhrangkima, Phuaibuang.
“Zo nauhai po po intawm tlang thei ding SHDC ti a inrem a nita hnung khawma chibing inlak hran tumna anga a ngai tlat chun ‘Hmar Hills Development Council’ ti law law raw seh” Chairman, SHADDC
Sinlung Hills Autonomous District Demand Committee (SHADDC) chun August ni 3, 2014 (Pathienni) a Mizoram Home Minister R. Lalzirliana in Press Interview a neina a athuhril thenkhat chu Hnam inpumkhatna suksie thei le chibing ang zawnga inlakhran tumna tieng a kawk leiin pawi an ti thu le hi chungchanga hin HM an dem thu chanchinbumi hai an hril.
SHADDC Chairman Pu. Lalmalsawma Darngawn chun tarik 07.08.14 sun dar 12 khan Aizawl Press Club-ah chanchinbumi hai inpawlpuiin August ni 4 a Mizoram nitin chanchinbu ‘The Aizawl Post’ in SHDC chungchanga Home Minister R. Lalzirliana thuhril thenkhat a tarlang chu Hnam inpumkhatna suksie thei le chibing inlakhran tumna anga mawsietna/intumna (allegation) a ni leiin tha a tinaw thu a hrila. “Hnam inthuruolna le inpumkhatna dinga ‘Hmar’ ti chu Sinlung suok zo nauhai po po intawm tlang thei ding ‘SHDC’ tia thlak a nita hnung khawma chibing inlakhran tumna anga a la ngai tlat chun ‘Hmar Hills Development Council’ ti law law raw seh” tiin HM a sawisel.
Pu. Malsawma chun August ni 4, 2014 a ‘The Aizawl Post’ in “SHDC Chairman tan Quarters pek tum lo” ti thupui hmanga SHDC chungchanga Home Minister (HM) thuhril thenkhat a tarlang dan a hrilna a chun HM hin “ Electoral roll hai siemthat a ni bakah, Council huom chin ding hai khawm rin a ni a. Sienkhawm H.P.C. in an huol (hauh) chin ramah hin Hmar neka Ralte an tamlemna hmun a um leiin, Hmar nilo a ram sunga cheng ve hai rawn phawt ngai a tih” tiin a hril a nih a ti a. “Chuleiin hieng hi a ni si chun a hnuoia tarlang hai hi HM lakah kan phut ve tlat a nih” a tih.
SHADDC in HM le Mizoram Sawrkar lakah an thilphut a tarlang hai chu – (1) Demand Area, Bairabi, Vairengte anthawka N.E. Khawdungsei chenin Hmar neka Ralte an tam lemna chau rawn lovin Ralte neka Hmar an tam lemna khawm rawn ve raw seh.
(2) Hnam inlungruolna le inpumkhatna ding ‘Hmar’ ti chu thlakin Sinlung suok zo nauhai po po intawm tlang thei ‘Singlung’ ti a kan thlak ta hnung khawma, a chibing anga inlak chau tum le feeling nei anga HM in a ngai tlat chun ‘Hmar Hills Development Council’ ti law law raw seh.
(3) Mizoram Sawrkar le H.P.C. inremna hi July ni 27th, 1994 a Pu. Lal Thanhawla keihruoi Congress sawrkarin an sign a ni leiin an sawrkar sung ngei hin MOS-a inziek angin a sukpuitling ngei ding a nih.
(4) Mizoram sawrkar le HPC inremna ang chun “Ramri chu Hmar majority-na chinah rin ni’ng a tih” ti a ni a. Hmar majority-na chin enfie ding hin 3 Members Commission ruot a ni a. Chuonghai chu – (1) Pu. H. Raltawna (2) Pu. Thanghranga le (3) Pu. Lalthanmawia hai an nih. An ni hin Bairabi anthawka N.E. Khawdungsei chenin khawtinah fein an endika, Demand area sunga hin hnamdang po po belkhawm nek khawmin Hmar chu an tam lem dei a nih ti hmu chiengin Finding Report khawm Sawrkar-ah an pek lut thlap a nih. Hieng an mi tirhai thil hmu hi pawmin boundary chu sukfel el sienla, vawisun hin iengkhawm hril buoi ding um ta naw nih.
A hril peina ah Pu. Malsawm chun Mizoram Sawrkar chu a thutiem-ah a ringumnaw a nih a ti a. “July ni 27, 1994 anthawka vawisun chen kum 20 a liem hnung khawma MOS an ziek khum ngei khawm sukpuitling nuom lova an umna hin Mizoram sawrkar mizie a tarlangin a muolpho thlak takzet a nih” a ti a. Chulleiin Mizoram Sawrkar (Congress) hi H.P.C le an inremna chungchangah an ringumna nekin an ringumnawna hmu ding a tam lem a nih Pu. Malsawm chun a ti bawk.
“Vawisuna kan hril nuomtak chu HM thuhrila hin Hnam anga inlakhranna, insukbingna le feeling nei rana ram thuoituha’n an ram sung an enkawl chun anni ngeiin buoina la chawksuok an ta, harsatna insiem mei mei an tih ti inlau a uma, ngaituona mawltak nei lova tawng fimkhur dingin kan ditsak takzet a nih”, tiin SHADDC Chairman chun chanchinbumi hai a hrila. “SHDC huom sunga Hnam hrang hrang chenghai hin SHDC Area chu Sixth Schedule a hlangkai ani hi lungruoltakin kan pawma. Abiktakin Area sunga Ralte hai lem chu kan Headquarters thuoitu lien lienah an um lem a nih. Chuleiin HM thil uksak hi uksak thlaka kan ngainaw a, a thatna nekin a thatnawna tam lem ngei a tih. Keini chun SHDC Area sunga chenghai po po dam tlangna ding le himna dinga kan ti a ni si a. Chuleiin Sinlungsuok Zo nau inti hai ta ding chun SHDC Area chu ei renga thlamuong taka ei chengna ding a ni lem”a ti bawk.
Pu. Lalmalsawma Darngawn hi SHADDC Gen. Secy. Khamzalam Gangte in a tawiawm a nih.
SHADDC hi tarik 18.07.12 khan indin a ni a. SHDC chu Autonomous Council a hlangkai a ni theina dingin Indian Prime Minister Manmohan Singh kuomah October ni 29, 2013 khan memorandum a lo peklut ta a. Hi baka hin Mizoram Chief Minister Lal Thanhawla le Mizoram Governor Purushuthoman hai kuomah memorandum ni 30.11.2012 le 17.10.2013 khan a lo peklut ta bawk.
Chairman: Lalmalsawma Darngawn, Ramhlun South, Aizawl
V.Chairman: Lalrinsanga Ralte, Saipum
Gen. Secy: Khamzalam Gangte, Saipum
Fin.Secy: D. Hmangaiha, Sakawrdai
Treasurer: Ruolneikhum, Vaitin
Secretaries: (1)Lalremlien, Saipum (2) Hrangneikhum, Saiphai (3) Lalhratthang, Zemabawk (4) Lalbieksang Varte, Chaltlang
Committee Members: (1) Thangchuong, Sakawrdai (2)Upa Lalruotthang, Saipum (3) Upa Thangvung, Vairengte (4) Lalkhuma, Suangpuilawn (5) Lallianzula, Khawlek (6) Lalsiemkim, Khawlian (7) Ngurhrangkima, Phuaibuang.
