MHWC-in an member a ni ta naw thu an hril

Aizawl, August 7, 2014 (Tlangsam) : Mizoram Hmar Welfare Committee (MHWC) chun thusuok siemin, Aizawl khawpuia bomb puok keihnawia man HD Hmangaiha chun MHWC assistant secretary anthoka inbanna tukum January 28 khan a thelut thu tarlangin, “February 13, 2014 khan a’n banna hi pom a nih,” tiin an hril.

MHWC chun, an pawl chu Mizoram a ralmuong pei theina dinga hma latu an ni thu hrilin, “Mizoram ralmuongna suksietu le poitawk nuomtu hai le inzom anga mi tam takin an ngai thei ding anga tarlang hi poi kan ti hle,” tiin an hril a, an pawl chun tharum thawna an dit ngainaw thu an hril bawk.