Responsive Ad Slot

HSA Platinum Jubilee Free Coaching Aizawl-ah hawng a nih

Friday, August 15, 2014

/ Published by VIRTHLI
Aizawl, August 15, 2014: Mizorama a hmasatak le avawikhatna di’n Hmar Students’ Association (HSA) i buotsai HSA Platinum Jubilee Free Coaching chu August ni 15th (Independent Day) chawhnung dar 3 khan Rev. Lalhmingthang in Pathien kutah inkawltirna neiin a hawng.
Mizorama inchuklai le sawrkar sin zawng mek abiktakin Hmar nuahai ta dinga buotsai HSA Platinum Jubilee Free Coaching hawngna inkhawm hi Don Bosco School, Sikulpui Kawn, Aizawl-ah nei a nia. School neitu Pi. Lalneikimin hunser hmangin Inchuklai mi iemanizat bakah HSA thuoituhai le mi dang dang an thang a nih. HSA Platinum Jubilee Free Coaching hi Staff Selection Commission (SSC) in central sawrkar department hrang hranga sin hnawbitna (job recruitment) dinga competitive examination a buotsai hieng Combined Graduate Level (CGL), Combined Higher Secondary Level (CHSL), FCI, CPO/SI le a dang danghai thlurbik deua buotsai a ni a. Tuchena coaching la dinga inzieklut hi 12 an ni ta a, Registration hi thaw mek a ni bawk.

Free Coaching hawngna inkhawmna a thuhriltu Pu. Rothanglien Khawbung, Gen. Secy. HSA Gen Hqrs. chun inchuklaihai le sin zawng mekhai ta dinga HSA (kuot bik umlo) in Free Coaching a buotsai thei chu lawmum a ti thu a hrila. Mizorama Hmar nau inchuklai hai chu hmun danga an unauhai nekin inchukna tieng le sin neina kawngah an hnufuol thu hrilin Coaching la dinga naupang inziek luthai chu theitawp suoa Central sawrkar le a dang dangah thangna hmu ngei dinga hmala dingin an fui a. Central Sawrkar-ah a tam thei ang Hmarnau ei lut hi a pawimaw takzet a nih a tih. Free Coaching boutsaina dinga phal tak le athlawna School pe dawktu Pu. Lalremsang chungah lawmum a ti thu HSA Gen. Secy chun a hril bawk.
August ni 18 ( Thawtanni) anthawkin Class tan ning a ta. Zantieng dar 5-7 sung nei ni hlak a tih. Faculty (Tutor) dingin mithiem tak tak le Central sawrkara thawk lai zing – 1. Mithlesh Kr. Jha, Audit Officer, IA&AD (CAG), 2. John Vanlalnghak, Auditor (CAG), 3. Laltuosang, DEO (CAG) le Kapremvel Pulamte, Auditor (CAG) hai nĂ­’ng an tih. In register nuomhai chun Free Coaching Co-ordinator Tv. Ngurrivung kuomah ngaiven thei a nih.
A Hmun: Don Bosco School, Sikulpui Kawn, Aizawl (Neitu Pu. Lalremsang)
Class tan hun: 5 p.m. to 7 p.m. (Mon-Fri)
Don't Miss
© all rights reserved
made with by Simon L Infimate