Vanlallien Pulamte hin a graduate-na college vek G.C.College-ah, M.A. a zo hnung kum khat zovin Lecturer sin permanent in a zawm a. SLET le NET khawm M.A. a zo kum vekin a passed ve ve a nih.
Kum 2007 October thla a inthawk khan Zawllung, Silchar khawpuia inthawkin a publish a, vawisun chen hin ala sunzawm zing bawk. Zawllung Editor le Publisher a ni bawk.G.C.College-ah hin Hmar inchuklai 300 vel an um a nih. Kum 27 lai hiel pension-na dingin hun ala nei leiin hmatieng peia khawm ala kaisang pei beisei a um hle.
Department of Political Science,G.C.College,Silchar in Annually Journal ISSN N0 nei an publish hlak 'Politicus' ah khawm Vanlallien Pulamte hi Editor a ni sa bawk. Manipur Board of School Education hnuoia Class-IX inchuklai Hmar MIL Text-book ah 'Environment' ti a ziek chu inchuk mek anih a.Assam Higher Secondary Education Council hnuoia,Hmar MIL Class-XII inchuklai Text-book-ah 'Environment' ti a ziek,zau lem le a scope insanglema a ziek chu inchuk a ni bawk.National Seminar ah hai paper alo present tah hlaka, Academic Journal iemanizat zeta articles alo publish tah bawk anih.
Zawllung chanchinbu hin RNI le DAVP registration a nei tah el khela Lead Indian Publisher Association ah member a nih tah bawk.HSA,General Assembly Secretariat-ah Assembly Secretary sin chellai mek anih a, Hmar Literature Society,Assam-ah Assistant Secretary sin chellai mek a ni bawk.
