By Henry L Khojol
Aizawl, July 10, 2014: Mizoram-ah zu khapna dan thar 'The Mizoram Liquor (Prohibition & Control) (MLPC) Bill, 2014 chu ni 10th July zantieng dar 5:55 khan darkar 6 sung Mizoram Assembly House ah hriltlang a ni hnungin ruling member 34 han an lo pass tah.
7th Mizoram Legislative Assembly monsoon session chu July 8-10 sung khan nei a nia. A ni tawpni tak ahin mipui ngaiven hlaw em em 'The Mizoram Liquor ((Prohibition & Control) Bill, 2014 chu State Excise & Narcotic Minister R. Lalzirliana'n house-ah putlutin, hunsawttak chei a ni hnungin passed a nih.
MLPC, Bill, 2014 chungchang a hin ruling member le opposition member hai inkarah inselna nasatak a suok a. Chief minister le House leader ni bawk Lal Thanhawlaw thangsain member 25 haiin an ditthu le anditnaw thu an hriltlang hnungin Bill hi passed a nih. Hi dan thar pass ditnaw leiin opposition member hai chu leader Vanlalzawma rawiin Bill pass a ni hma metin House a inthawkin ansuok dawk leiin ruling member 34 han bill hi an pass el a nih.
'The Mizoram Liquor ((Prohibition & Control) Bill, 2014 chungchang hrilin Excise & Narcotic Minister R. Lalzirliana chun hi dan thar hi kum 17 lai lo hmang tah Mizoram Liquor Total Prohibition (MLTP) Act, 1995 tlaktu ding chau a ni a, Mizoram ah zu zalen taka zawr ni tang a tih tina an nawh, a ti a. "Sienkhawm zu sie (thalo) dawn leiin thalai tamtakin hringna an chan pha bakah khawtlangah harsatna dang dang antlun lei le kum 17 sung MLTP Act in besei angin a hlawtlingnaw leiin dan thar hi siem a ngai tah a nih", a ti bawk.
MLPC dan hnuoia a hin license neitu chauin zu dawr (retail wine shop) hawng thei a ta, amiruokchu ‘bar’ indin phal ninaw nih. Chuelkhelah zu hi a zalenta huoi houi ding tina annaw a, khuokhirna le hremna dan khawm nasataka kengkaw ning a tih. Dan bawsietu chu sum tamtak inchawi tir bakah kum 5 chen Lungin intang tir thei a na. Hi dan hnuoia a hin sawrkar department bakah NGOs hai khawma dan bawsiettu man theina nei an ta, zurui pum/ zu rim nam puma motor khal, vantlang hmuna zu dawn, lamlien le vantlang hmuna zu rui reng reng chu dan ang hrem thei an ni ding a nih.
Aizawl, July 10, 2014: Mizoram-ah zu khapna dan thar 'The Mizoram Liquor (Prohibition & Control) (MLPC) Bill, 2014 chu ni 10th July zantieng dar 5:55 khan darkar 6 sung Mizoram Assembly House ah hriltlang a ni hnungin ruling member 34 han an lo pass tah.
7th Mizoram Legislative Assembly monsoon session chu July 8-10 sung khan nei a nia. A ni tawpni tak ahin mipui ngaiven hlaw em em 'The Mizoram Liquor ((Prohibition & Control) Bill, 2014 chu State Excise & Narcotic Minister R. Lalzirliana'n house-ah putlutin, hunsawttak chei a ni hnungin passed a nih.
MLPC, Bill, 2014 chungchang a hin ruling member le opposition member hai inkarah inselna nasatak a suok a. Chief minister le House leader ni bawk Lal Thanhawlaw thangsain member 25 haiin an ditthu le anditnaw thu an hriltlang hnungin Bill hi passed a nih. Hi dan thar pass ditnaw leiin opposition member hai chu leader Vanlalzawma rawiin Bill pass a ni hma metin House a inthawkin ansuok dawk leiin ruling member 34 han bill hi an pass el a nih.
'The Mizoram Liquor ((Prohibition & Control) Bill, 2014 chungchang hrilin Excise & Narcotic Minister R. Lalzirliana chun hi dan thar hi kum 17 lai lo hmang tah Mizoram Liquor Total Prohibition (MLTP) Act, 1995 tlaktu ding chau a ni a, Mizoram ah zu zalen taka zawr ni tang a tih tina an nawh, a ti a. "Sienkhawm zu sie (thalo) dawn leiin thalai tamtakin hringna an chan pha bakah khawtlangah harsatna dang dang antlun lei le kum 17 sung MLTP Act in besei angin a hlawtlingnaw leiin dan thar hi siem a ngai tah a nih", a ti bawk.
MLPC dan hnuoia a hin license neitu chauin zu dawr (retail wine shop) hawng thei a ta, amiruokchu ‘bar’ indin phal ninaw nih. Chuelkhelah zu hi a zalenta huoi houi ding tina annaw a, khuokhirna le hremna dan khawm nasataka kengkaw ning a tih. Dan bawsietu chu sum tamtak inchawi tir bakah kum 5 chen Lungin intang tir thei a na. Hi dan hnuoia a hin sawrkar department bakah NGOs hai khawma dan bawsiettu man theina nei an ta, zurui pum/ zu rim nam puma motor khal, vantlang hmuna zu dawn, lamlien le vantlang hmuna zu rui reng reng chu dan ang hrem thei an ni ding a nih.
