HMAR STUDENTS' ASSOCIATION, JHQ., SHILLONG MEMBERS HAI KUOMA INHRIETTIRNA
Tukum Shillong mi le sa le hmun dang dang anthawka Shillong khuoa inchuk ding le thil dang tulna leia hung um thar ding hai in rengin HSA Jhq. Shillong chun chibai a buk cheua, a lo lawm lut cheu. Inhawitak, hlimtak le fimkhur taka um seng dingin ditsakna an hlanin a ngen cheu. Tukhawma harsatna le buoina ka tuok naw ding ei ti thei nawa, chuleiin a hung thar hai po po HSA a inhnikna nei ha’n in register ding le membership khawm pe ngei dingin ei inngenin inhriettir ei nih. Hmun dang dang anthawka Shillong khuoa inchuk ding le thil dang tulna leia hung, a bik takin Student HSA a in register lo le membership fee pe lo hai chu harsatna a lo tuok khawm a HSA in mawphurna la naw nih a, chun inchukna tieng hlawtlingna tha a lo chang khawma Meritorious Award dawng naw thei a tih. Ei rengin a thara ngai pawimaw seng dingin ei hung infiel takzet.
Hieng a hnuoia hai kuoma hin Freshers’ Registration Form hmu thei le Membership Fee pek thei ning a nih:-
1. Nk Elery Sungte, Happy Valley Area
2. Nk Mary Jones Buongpui, Demthring Area
3. Tv Joshia Khawzawl, Madanrting & City Area
4. Tv Ramfanglien Keivom, Hebron Area
Hieng a chunga hming tarlang hai baka hin Unit thuoitu hai kuoma khawm ngaiven thei ning a tih.
Membership Fee pek zat ding
(1) Class I - Class X = Rs 20
(2) Class XI - Post Graduate & Others = Rs 50
HSA Identity Card dit le mamaw hai chun, Membership Fee dawl hun ah Rs 20 le Passport photo (One) pek belsa a hmu thei ni bawk a tih.
"Freshers’ Registration Form 2014" download nuom hai chun PDF file hi hin download thei a nih.
----------------------------------------------------------------------------------------------
Issued by:- The Department of Information & Publicity, Hmar Students' Association, Jhq., Shillong
